ព្រះមេធានុរក្ស វជិរប្បញ្ញោ បណ្ឌិត គូ សុភាព ព្រះគ្រូសូត្រស្តាំ វត្តនិគ្រោធវ័ន ហៅ វត្តគល់ទទឹង និងជាសាស្ត្រាចារ្យសាកលវិទ្យាល័យបញ្ញាសាស្ត្រកម្ពុជា បាននិមន្តទស្សនាសារមន្ទីរព្រះនរោត្តមសីហនុ-អង្គរ ដើម្បីទស្សនាស្វែងយល់ពីសារមន្ទីរដែលមានតាំងពិព័រណ៍បង្ហាញពីកុលាលភាជន៍ ផ្នូរសពបុរាណ សាកសព ឬឆ្អឹងខ្មោចមនុស្សសម័យយុគសំរិទ្ធ និងយុគដែក ពុទ្ធបដិមា រួមទាំងវត្ថុសិល្បៈផ្សេងកម្រៗជាច្រើនទៀត ដែលបានពីកំណាយស្រាវជ្រាវនៅក្នុងរមណីយដ្ឋានអង្គរ និងទទួលបានពីប្រជាពលរដ្ឋប្រគល់ជូនសារមន្ទីរ ជាកន្លែងដែលផ្តុំនូវចំណេះដឹងផ្នែកប្រវត្តិសាស្ត្រ ប្រវត្តិសិល្បៈ និងបម្រែបម្រួលនៃសាសនាខ្មែរនាអតីតកាល។
ក្រៅពីទស្សនានៅតាមសាលពិព័រណ៍នីមួយៗ ព្រះមេធានុរក្ស វជិរប្បញ្ញោ បណ្ឌិត គូ សុភាព បាននិមន្តទស្សនារោងជាងជួសជុលលោហៈ ដែលមានវត្ថុសិល្បៈចំនួន១០៥៥សមុច្ច័យ ភាគច្រើនជារូបចម្លាក់ព្រះពុទ្ធស្ថិតក្នុងសតវត្សរ៍ទី១២ និងទី១៣នៃគ្រឹស្តរាជ និងសម័យក្រោយអង្គរ ដែលបច្ចុប្បន្នក្រុមការងារកំពុងធ្វើការសម្អាត និងអភិរក្ស។
ក្រោយពីបាននិមន្តទស្សនា ព្រះមេធានុរក្ស វជិរប្បញ្ញោ បណ្ឌិត គូ សុភាព បានសម្តែងនូវទឹកព្រះទ័យរីករាយ និងកោតសរសើរចំពោះការរៀបចំបានស្អាត សមស្របតាមបច្ចេកទេស តម្កល់នូវវត្ថុសិល្បៈដ៏មានតម្លៃ។ នេះជាលើកទីមួយ ក្នុងការនមន្តទស្សនានៅទីនេះ ព្រះអង្គ ក៏មានបំណងនឹងជួយផ្សព្វផ្សាយដល់ព្រះសង្ឃដទៃទៀត ក៏ដូចជា ពុទ្ធបរិស័ទដែលបានមកលេងខេត្តសៀមរាប សូមកុំរំលងសារមន្ទីរព្រះនរោត្តមសីហនុ-អង្គរ ដែលជាសារមន្ទីរបុរាណវិទ្យាបែបព្រះពុទ្ធសាសនាដំបូងគេនៅក្នុងខេត្តសៀមរាប៕
អត្ថបទ: លោក យី សុថា
រូបភាព: សារមន្ទីរព្រះនរោត្តមសីហនុអង្គរ
Venerable Dr. Kou Sopheap to visit the Preah Norodom Sihanouk-Angkor Museum
Venerable Dr. Kou Sopheap, a lecturer at the Pannasastra University of Cambodia, visited the Preah Norodom Sihanouk-Angkor Museum to explore the museum, which has an exhibition of ceramics, tombs, corpses or bones of the Bronze Age, Iron Age, Buddha statues, as well as other rare artifacts from archeological excavations in the Angkor area and from the donation to the museum, a collection of knowledge on the history, art history, and variations of the Khmer religion in the past.
In addition to visiting each gallery, Venerable Dr. Kou Sopheap visited a metal repair workshop with 1,055 artifacts, most of which are statues of the Buddha in the 12th and 13th centuries AD and the post-Angkorian period. The team is cleaning and conserving.
Venerable Dr. Kou Sopheap expressed his happiness and appreciation for the neat arrangement following the technique of keeping valuable art objects. This was the first time to visit here, he also intended to help spread the word to other monks as well as Buddhists visiting Siem Reap, do not miss Preah Norodom Sihanouk-Angkor Museum, the first museum of Buddhism and archeology in Siem Reap.
Article: Mr. Yi Sotha
Photos: Preah Norodom Sihanouk-Angkor Museum
ក្រុមការងារនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានប្រទះឃើញបំណែករូបព្រះពុទ្ធបដិមាធ្វើពីថ្មភក់ប្រមាណជាង១០០បំណែក នៅក្នុងបរិវេណរបស់ប្រាសាទតាព្រហ្ម ខណៈពេលដែលជីកដីធ្វើកំណាយសម្រាប់ស្រាវជ្រាវ កាលពីពេលថ្មីៗ។
