កាលថ្ងៃទី១០ ខែសីហា ឆ្នាំ២០២៦ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលនៃអាជ្ញាធរជាតិអប្សរា បានអញ្ជើញចូលរួមជាអធិបតីខ្ពស់ខ្ពស់ក្នុងពិធីប្រកាសតែងតាំងថ្នាក់ប្រធានការិយាល័យ និងអនុប្រធានការិយាល័យនៃអាជ្ញាធរជាតិអប្សរា នៅសាលសន្និសីទអង្គរ សរុបចំនួន៦៥រូប

ថ្ងៃទី៨ ខែសីហា ឆ្នាំ២០២៦ ស្ថិតនៅវត្តអង្គរខាងជើង ក្រុមប្រឹក្សាកិច្ចការវត្តអារាមក្នុងឧទ្យានអង្គរ (CoMAPA) ដែលមានព្រះមេគណខេត្តសៀមរាប ជាព្រះប្រធាន ក្រោមការសម្របសម្រួលរបស់អាជ្ញាធរជាតិអប្សរា បានរៀបចំកម្មវិធីផ្សព្វផ្សាយការរៀបចំផែនការមេ សម្រាប់វត្តអារាមក្នុងតំបន់ឧទ្យានអង្គរ លើកទី១ ឆ្នាំ២០២៦។

កុលាលភាជន៍ គឺជាភស្តុតាងបង្ហាញពីការរីកចម្រើនផ្នែកឧស្សាហកម្មផលិតកុលាលភាជន៍នៅសម័យអង្គរ។ សម្ភារៈប្រើប្រាស់ប្រចាំថ្ងៃធ្វើពីដីដុតដែលទទួលបានពីការកំណាយសិក្សាស្រាវជ្រាវ និងជួសជុលជាភស្តុតាងប្រវត្តិសាស្ត្រ មានដូចជា ចាន ឆ្នាំង ផើង ក្អម ខួច កោដ្ឋ កែវ ជើងក្រាន ក្បឿង និងគ្រឿងលម្អក្បូរក្បាច់រចនាផ្សេងៗទៀតប្រកបដោយការច្នៃប្រឌិតរបស់បុព្វបុរសខ្មែរ បានចាក់គ្រឹះនិងបន្សល់ទុកដល់អ្នកជំនាន់ក្រោយ។

នៅថ្ងៃទី៥ ខែសីហា ឆ្នាំ២០២៦ អាជ្ញាធរជាតិអប្សរាបានរៀបចំកិច្ចប្រជុំប្រចាំឆ្នាំ របស់ក្រុមការងារដឹកនាំគម្រោង «គ្រប់គ្រងទឹកអង្គរប្រកបដោយប្រសិទ្ធភាព និងចីរភាព ដើម្បីភាពធន់នឹងការប្រែប្រួលអាកាសធាតុ និងសង្គម-សេដ្ឋកិច្ច (Angkor Water Resilience-AWR) » ដើម្បីពិនិត្យ និងវាយតម្លៃទៅលើវឌ្ឍនភាពការងាររបស់គម្រោង ដែលជាកិច្ចសហប្រតិបត្តិការជាមួយនឹងក្រសួងការបរទេស និងពាណិជ្ជកម្ម របស់ប្រទេសនូវែលសេឡង់ (MFAT)។

នៅពេលមកដល់ប្រាសាទបុរាណក្នុងតំបន់អង្គរ មហាជនភាគច្រើនតែងនឹកឃើញដល់ទីសក្ការបូជាខាងសាសនា។ ប៉ុន្តែសម្រាប់«ប្រាសាទបន្ទាយក្ដី» ទីតាំងប្រវត្តិសាស្ត្រមួយនេះមានតួនាទីយ៉ាងសំខាន់លើសពីកន្លែងធ្វើពិធីសាសនា ដោយវាគឺជា«មណ្ឌលសិក្សាអប់រំ សារមន្ទីរជីវិត និងជាផ្នែកមួយនៃប្រព័ន្ធនគរូបនីយកម្ម» យ៉ាងមានសណ្តាប់ធ្នាប់ក្នុងសម័យកាលដ៏រុងរឿងនៃចក្រភពអង្គរ។