សារមន្ទីរព្រះនរោត្តមសីហនុ-អង្គរ បានបើកដំណើរការជាផ្លូវការ តាំងពីឆ្នាំ២០០៨មក ដោយមានថែរក្សា និងអភិរក្សវត្ថុបុរាណជាច្រើន ដែលបានមកពីការធ្វើកំណាយស្រាវជ្រាវនានា យកមករក្សាទុកនៅទីនេះ។
សារមន្ទីរមន្ទីរព្រះនរោត្តមសីហនុ-អង្គរ ក្រៅបានបើកឱ្យសាធារណៈបានចូលទស្សនាហើយ ក៏អនុញ្ញាតឱ្យ អ្នកសិក្សាស្រាវជ្រាវនានាចូលមកសិក្សាស្វែងយល់ផងដែរ។ ជាក់ស្តែងកាលពីរសៀលថ្ងៃទី២៧ ខែកុម្ភៈ ឆ្នាំ២០២៣ ប្រតិភូក្រុមប្រឹក្សាកុមាយុវជន រាជធានីភ្នំពេញ ចំនួនប្រមាណ២៥០នាក់ បានចូលមកទស្សនា សារមន្ទីរព្រះនរោត្តមសីហនុ-អង្គរ ក្រោមការជួយសម្របសម្រួលពីសំណាក់អាជ្ញាធរជាតិអប្សរា។
មកដល់ទីនេះ លោកគ្រូ អ្នកគ្រូ និងសិស្សានុសិស្ស បង្ហាញអារម្មណ៍ភ្ញាក់ផ្អើលយ៉ាងខ្លាំង ព្រោះពួកគាត់បានឃើញវត្ថុសិល្បៈជាច្រើន ដែលកន្លងមកស្ទើមិនធ្លាប់បានឃើញទាល់តែសោះ។
លោកវ៉ន ដារ៉ូ នាយកសាលាទួលស្វាយព្រៃ ក្នុងរាជធានីភ្នំពេញ បានឱ្យដឹងថា បន្ទាប់ពីបានដឹកនាំសិស្សានុសិស្សមកធ្វើទស្សនកិច្ចសិក្សានៅតំបន់រមណីយដ្ឋានអង្គរ ជាពិសេសសារមន្ទីរព្រះនរោត្តមសីហនុ-អង្គរ ព្រោះបានឃើញវត្ថុបុរាណមានតម្លៃជាច្រើនរាប់រយប្រភេទ មានទាំងព្រះពុទ្ធបដិមា ដែលបានមកពីការធ្វើកំណាយស្រាវជ្រាវនានា។ លោកបន្តថា សារមន្ទីរនេះបានដើរតួនាទីសំខាន់ខ្លាំងណាស់ ក្នុងការថែរក្សា និងអភិរក្សវត្ថុសិល្បៈមានតម្លៃនានា ដើម្បីតាំងបង្ហាញសម្រាប់សាធារណៈបានទស្សនានិងសិក្សាស្វែងយល់។ លោកគ្រូ ចង់ឱ្យយុវជនជំនាន់ក្រោយ ចូលមកទស្សនានៅសារមន្ទីរបែបនេះ ព្រោះថានឹងជំរុញទឹកចិត្តយុវជនឱ្យកាន់តែស្រឡាញ់វប្បធម៌របស់ជាតិខ្លួន។
យុវជន សីខៈទី មុនី អាយុ១៧ឆ្នាំ ជាសិស្សវិទ្យាល័យជាស៊ីមសន្ធរម៉ុក រាជធានីភ្នំពេញ បានឱ្យដឹងថា នេះជាលើកទីមួយហើយ ដែលប្អូនបានចូលមកទស្សនានៅក្នុងសារមន្ទីរព្រះនរោត្តមសីហនុ-អង្គរ។ មកដល់ទីនេះ ប្អូនបានឃើញវត្ថុសិល្បៈដ៏មានតម្លៃជាច្រើន ដែលខ្លួនមិនធ្លាប់បានឃើញកន្លងមក ព្រមជាមួយការធ្វើបទបង្ហាញពីមគ្គុទេសនៅក្នុងសារមន្ទីរផង ធ្វើឱ្យប្អូនបានយល់ដឹងកាន់តែច្បាស់ពីតម្លៃនៃវត្ថុសិល្បៈទាំងនោះ។
យុវជនរូបនេះបានបង្ហាញការគាំទ្រ នៅពេលបានឃើញការដាក់តាំងបង្ហាញវត្ថុសិល្បៈទាំងអស់នេះ ព្រោះថាអាចឱ្យប្រជាពលរដ្ឋ យុវជន ឬភ្ញៀវទេសចរ ចូលមកទស្សនា និងសិក្សាស្វែងយល់។
សូមជម្រាបផងដែរថា សារមន្ទីរព្រះនរោត្តមសីហនុ-អង្គរ មានទីតាំងស្ថិតនៅភូមិបឹងដូនប៉ា សង្កាត់ស្លក្រាម ក្រុងសៀមរាប។ សារមន្ទីរ បានបើកឱ្យភ្ញៀវទេសចរជាតិ និងអន្តរជាតិ ចូលទស្សនាចាប់ពីថ្ងៃអង្គារ ដល់ថ្ងៃអាទិត្យ វេលាម៉ោង៨:៣០នាទីព្រឹក ដល់ម៉ោង៤:៣០ល្ងាច ទំនាក់ទំនងទូរស័ព្ទលេខ៖០៦៣ ៧៦៣ ៥៧៥។សារមន្ទីរព្រះនរោត្តមសីហនុ-អង្គរ មានតាំងបង្ហាញវត្ថុសិល្បៈបុរាណជាច្រើនរាប់រយប្រភេទផ្សេងៗគ្នា ដែលបានមកពីការធ្វើកំណាយស្រាវជ្រាវ និងការបរិច្ចាគពីសាធារណៈជនជាដើម៕
អត្ថបទ៖ការិយាល័យផ្សព្វផ្សាយ
រូបភាព៖លោក ភោគ ជា
The Preah Norodom Sihanouk-Angkor Museum has been officially opened since 2008, with the preservation of many artifacts from excavations.
This museum is open to the public and also allows the expert to explore. On 27 February 2023, about 250 students from the Youth Council of Cambodia visited the Preah Norodom Sihanouk-Angkor Museum under the coordination of the APSARA National Authority.
Arriving there, the teachers and students were very surprised because they saw many works of art that were rarely seen before.
Mr. Von Daro, Principle of Tuol Svay Prey High School in Phnom Penh, said that after leading students to visit the Angkor site, especially the Preah Norodom Sihanouk-Angkor Museum, because they saw hundreds of valuable artifacts, including the Buddha statues from excavations. He added that the museum has played a very important role in the preservation of valuable artifacts to be displayed for the public to visit and study. He wanted the younger generation to visit such museums because it would encourage young people to love their culture more.
Sikhak Timony, a 17-year-old student from Chea Sim Santhor Mok High School in Phnom Penh, said this was the first time he has visited the Preah Norodom Sihanouk-Angkor Museum. Arriving there, we would see many valuable artifacts that we have never seen before, as well as a presentation of guides in the museum, giving you a better understanding of the value of those artifacts.
It should be noted that the Preah Norodom Sihanouk-Angkor Museum is located in Boeung Don Pa Village, Sangkat Slor Kram, Siem Reap City. The museum is open to national and international tourists from Tuesday to Sunday 8:30 am to 4:30 pm. Contact: 063 763 575.
Article: Office of Communication
Photo: Phouk Chea
ក្រុមការងារនៃអាជ្ញាធរជាតិអប្សរា បានសហការជាមួយទីភ្នាក់ងារសហប្រតិបត្តិការអន្តរជាតិកូរ៉េ(KOICA)តាមរយៈមូលនិធិបេតិកភណ្ឌវប្បធម៌កូរ៉េ(KCHF) កំពុងជួសជុលពង្រឹងគ្រឹះប្រាសាទជម តាមបច្ចេកទេសអាណាស្ទីលស៊ីសឱ្យមានភាពប្រសើរឡើងវិញ។
