កម្ពុជាជាប្រទេសមួយដែលគេទទួលស្គាល់ថាសម្បូរទៅដោយសម្បត្តិបេតិកភណ្ឌវប្បធម៌នៅក្នុងតំបន់អាស៊ីអាគ្នេយ៍ ។ បើតាមការចាត់ថ្នាក់របស់ក្រសួងទេសចរណ៍កម្ពុជា តំបន់សៀមរាប-អង្គរ ត្រូវបានគេចាត់ទុកជាប៉ូលទេសចរណ៍វប្បធម៌យ៉ាងសំខាន់បំផុត ដែលសម្បូរទៅដោយប្រាង្គប្រាសាទបុរាណ ទីបុរាណដ្ឋាន និងបណ្ដុះប្រពៃណីទំនៀមទម្លាប់ដែលបានរក្សានៅល្អផូរផង់។ ចំនួនភ្ញៀវទេសចរដែលធ្វើដំណើរមកកាន់ប្រទេសកម្ពុជាមានការកើនឡើងគួរឲ្យកត់សម្គាល់។ នៅឆ្នាំ២០១៧ មានភ្ញៀវទេសចរមកប្រទេសកម្ពុជាចំនួន៥,០៥៩,០០០នាក់ បើប្រៀបធៀបទៅនឹងឆ្នាំ១៩៩៣ មានតែ១១៨,១៨៣នាក់ប៉ុណ្ណោះ។ កំណើនភ្ញៀវទេសចរមកកាន់ប្រទេសកម្ពុជាបានបង្ហាញអំពីសក្តានុពលទេសចរណ៍នៅក្នុងប្រទេស គួបផ្សំជាមួយនឹងសន្តិសុខ និងសុវត្ថិភាពក្នុងប្រទេសផងដែរ។ ទាំងនេះគឺជាសមិទ្ធផលដែលបានកើតចេញពីការដឹកនាំដ៏ឈ្លាសវៃ និងត្រឹមត្រូវរបស់ប្រមុខរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ការអភិវឌ្ឍវិស័យទេសចរណ៍មកដល់ពេលនេះ គឺចាប់ផ្តើមឡើងពីការដាក់ចេញនូវគោលនយោបាយ “បើកចំហជើងមេឃ” នៅឆ្នាំ១៩៩៧ និង គោលនយោបាយ ឈ្នះ ឈ្នះ” នៅឆ្នាំ១៩៩៨។
ដោយឡែកនៅក្នុងរមណីយដ្ឋានអង្គរ ដែលស្ថិតនៅក្រោមសមត្ថកិច្ចគ្រប់គ្រងរបស់អាជ្ញាធរជាតិអប្សរា បាននិងកំពុងខិតខំប្រឹងប្រែង រិះរកមធ្យោបាយនានាដើម្បីអភិវឌ្ឍហេដ្ឋារចនាសម្ព័ន្ធរូបវន្ត និងផ្តល់សេវាកម្ម និងបទពិសោធន៍ល្អៗសម្រាប់ភ្ញៀវទេសចរ។ ដើម្បីចូលរួមក្នុងការអភិរក្ស និងអភិវឌ្ឍន៍រមណីយដ្ឋានអង្គរឲ្យមាននិរន្តរភាពអាជ្ញាធរជាតិអប្សរា កំពុងអនុវត្តផែនការគ្រប់គ្រងទេសចរណ៍ ដោយស្មារតីទទួលខុសត្រូវខ្ពស់។ ផែនការគ្រប់គ្រង២០១២-២០២០ របស់ក្រសួងទេសចរណ៍ ដើម្បីចូលរួមទាក់ទាញភ្ញៀវទេសចរឲ្យបាន៧លាននាក់ក្នុងឆ្នាំ២០២០។ទេសចរណ៍នេះបានរៀបចំឡើងសមស្របនឹងគោលនយោបាយជាតិ និងផែនការយុទ្ធសាស្រ្តអភិវឌ្ឍន៍ទេសចរណ៍ដោយសារមានទស្សនវិស័យច្បាស់លាស់ក្នុងការដឹកនាំ និងអនុវត្តផែនការគ្រប់គ្រងទេសចរណ៍ អង្គរបានទទួលជ័យលាភីផ្ទួនៗ គួរជាទីមោទនៈដូចជា៖
(Archaeological Institute of America) ផ្តល់ចំណាត់ថ្នាក់លេខ១ ជើងឯក ArchaeoMadness ដែលបានរៀបចំឡើងនៅ
ក្នុងឱកាសប្រារព្ធទិវាបុរាណវិទ្យាអន្តរជាតិ។
ក្នុងបញ្ជី Ultimate TravelLast ជាគោលដៅសម្រាប់ភ្ញៀវទេសចរទស្សនាក្នុងចំណាត់ថ្នាក់លេខ១ ក្នុងចំណោមគោលដៅ ទស្សនាទាំង១០លើពិភពលោក។
ផ្តល់ចំណាត់ថ្នាក់លេខ១ ក្នុងចំណោមគោលដៅទស្សនាល្បីៗទាំងឡាយលើពិភពលោក។
ក្រុមអ្នកជំនាញរបស់នាយកដ្ឋានអភិរក្សប្រាសាទនិងបុរាណវិទ្យា នៃអាជ្ញាធរជាតិអប្សរា បញ្ចប់ជួសជុលរចនាសម្ពន្ធទបង្ហូរទឹក នៅទិសខាងលិចនៃប្រាសាទនាគព័ន្ធដោយជោគជ័យ។
