Share Post:
សាលាឆាន់បុរាណ (ផ្នែកតួអគារ) នៅវត្តរាជបូណ៌ក្នុងទីរួមខេត្តសៀមរាប បានទទួលការជួសជុលដំណាក់ទី២ ក្រោមការជួយជ្រោមជ្រែងផ្នែកបច្ចេកទេស និងឧបត្ថម្ភជាថវិកាពីអាជ្ញាធរជាតិអប្សរា។
ការជួសជុលដំណាក់កាលទី២នេះ គឺផ្តោតលើការជួសជុលផ្នែកតួអគារ រួមមាន ជួសជុលជញ្ជាំង កាំជណ្តើរ ក្បាច់តាមខឿនជើងជញ្ជាំង និងសម្អាតការ៉ូបាត សសរ ពិដាន។ល។ សាលាឆាន់នេះ មានសភាពទ្រុឌទ្រោមខ្លាំង ពុកផុយ និងខ្លះបានធ្លាក់បាក់។ អាជ្ញាធរជាតិអប្សរា បានជួសជុលពង្រឹងផ្នែកដែលពុកផុយ ធ្លុះឆ្លាយឡើងវិញ និងដោយមានការកែលម្អនៅកន្លែងជាច្រើន។
អាជ្ញាធរជាតិអប្សរា បានចាប់ផ្តើមគម្រោងអភិរក្ស និងជួសជុលសាលាឆាន់ (ផ្នែកតួអគារ) វត្តរាជបូណ៌ដំណាក់កាលទី២ ដោយចាប់ផ្តើមតាំងពីដើមខែកក្កដា ឆ្នាំ២០២២ ហើយគ្រោងនឹងបញ្ចប់ចុងខែតុលា ឆ្នាំ២០២២ខាងមុខ។ ដើម្បីរួមចំណែកថែរក្សាមរតកវប្បធម៌ខ្មែរក្នុងវិស័យព្រះពុទ្ធសាសនានេះឱ្យបានគង់វង្ស ព្រមទាំងអភិរក្ស និងលើកតម្លៃវប្បធម៌នៃសិល្បៈរបស់ខ្មែរពីបុរាណកាលដ៏រស់រវើកឱ្យនៅឋិតថេរបន្តទៅមុខទៀត។
សូមបញ្ជាក់ថា ដំណាក់កាលទី១ គឺជួសជុលផ្នែកដំបូល មានដូចជា គ្រឿងបង្គំដំបូល ហោជាង ក្បឿងស្រការលិញ ក្បាច់រងស្បូវ ព្រំដំបូល បៃរកា នាគចែង នាគដងក្ដារ ព្រំខ្នងដំបូល និងជហ្វាជាដើម៕
អត្ថបទ៖ កញ្ញា ឆាយ ផាន់នី
រូបភាព៖ នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឩទ្យានអង្គរ
APSARA National Authority restoring the ancient hall at Reach Bo pagoda
The Reach Bo pagoda’s ancient hall has received the second restoration phase under technical assistance and financial support from the APSARA National Authority.
The second phase of the restoration project will focus on the structure of the hall including the walls, the staircase, and the carving arts of the hall’s platform as well as cleaning of the tiles, columns, ceilings, etc. The hall is dilapidated, and some parts have collapsed, so the APSARA National Authority’s restoration team has repaired and strengthened it in many places.
The second phase of the restoration project starts at the beginning of July 2022 and is scheduled to end in October 2022 to contribute to the preservation of Khmer cultural heritage in Buddhism, as well as to raise the cultural value of Khmer art from ancient times.
Article: Miss Chhay Phanny
Photos: Department of Land and Habitat Management in Angkor Park
Share:
Our Latest News
កំណាយដំណាក់កាលទី២ នៅប្រាសាទតាព្រហ្ម រកឃើញដងខ្លួនពុទ្ធបដិមាចំនួន១ ដែលមានព្រះសិររក្សាទុកនៅអភិរក្សដ្ឋានអង្គរ តាំងពីសម័យបារាំង-The Second Phase of excavations at Ta Prohm Temple unearthed a Buddha statue with a head preserved at the Angkor Conservation since the French era - 10 March 2025
អាជ្ញាធរជាតិអប្សរា តាមរយៈការសហការជាមួយស្ថាប័នស្រាវជ្រាវបុរាណវិទ្យាឥណ្ឌា (ASI) ធ្វើកំណាយស្រាវជ្រាវក្នុងដំណាក់កាលទី២ នៅចំណុចខាងក្រៅកំពែងថ្មបាយក្រៀមនាទិសឦសាននៃរោងទងទី៣របស់ប្រាសាទតាព្រហ្ម បានរកឃើញដងខ្លួនពុទ្ធបដិមាចំនួន១
