បន្ទាប់ពីដំណើរទស្សនកិច្ច តាមប្រាសាទបុរាណនានា ជាពិសេសទស្សនាចម្លាក់ក្បាច់គុនបុរាណខ្មែរនៅតាមប្រាសាទ រយៈពេលមួយថ្ងៃកន្លងមក ថ្ងៃទី២៩ ខែសីហា ឆ្នាំ២០២៤នេះ ក្រុមកីឡាករ កីឡាការិនី ដែលដឹកនាំ អគ្គនាយកដ្ឋានកីឡា នៃក្រសួងអប់រំ យុវជន និងកីឡា បានធ្វើដំណើរមកទស្សនកិច្ច មកកាន់សារមន្ទីរព្រះនរោត្តមសីហនុ-អង្គរ។ ក្នុងដំណើរទស្សនកិច្ចខាងលើ ដើម្បីឈ្វេងយល់ពីតួនាទីរបស់សារមន្ទីរ និងទស្សនាវត្ថុសិល្បៈជាច្រើន ដែលមានរក្សាទុកនៅក្នុងសារមន្ទីរ អមដោយការពន្យល់បកស្រាយពីមន្ត្រីជំនាញក្នុងសារមន្ទីរផ្ទាល់។
កញ្ញា ពក ផល្លា កីឡាការិនីគុនល្បុតោ និងកីឡាករ លន បញ្ញា បានបង្ហាញអារម្មណ៍រំភើប បន្ទាប់បានចូលទស្សនា សារមន្ទីរព្រះនរោត្តមសីហនុ-អង្គរ ដោយបានស្ងើចសរសើរស្នាដៃរបស់ដូនតាខ្មែរដែលបានបន្សល់ទុកនូវបុរាណវត្ថុដ៏មានតម្លៃយ៉ាងច្រើនអនេកសម្រាប់កូនចៅខ្មែរជំនាន់ក្រោយ។ ពេលបញ្ចប់ដំណើរទស្សនកិច្ចក្រុមកីឡាករ កីឡាការិនី ប្តេជ្ញាបន្តផ្សព្វផ្សាយអំពីវប្បធម៌ ក្បាច់គុនបុរាណខ្មែរ វត្ថុសិល្បៈដែលមាននៅតំបន់រមណីយដ្ឋានអង្គរ ទៅកាន់ភ្ញៀវទេសចរ ឬយុវជនដទៃទៀតឱ្យចូលមកទស្សនានិងឈ្វេងយល់។
សូមជម្រាបថា កិច្ចសហការរវាងអាជ្ញាធរជាតិអប្សរា ជាមួយអគ្គនាយកដ្ឋានកីឡា នៃក្រសួងអប់រំ យុវជន និងកីឡា និងសមាគមក្លឹបទេសចរណ៍ខេត្តសៀមរាប និងភាគីពាក់ព័ន្ធមួយចំនួនទៀត បានដឹកនាំក្រុមកីឡាករ កីឡាការិនី ជួរមុខកម្ពុជា ធ្វើដំណើរទស្សនកិច្ចគុនខ្មែរនៅតំបន់អង្គរ រយៈពេល៣ថ្ងៃ ចាប់ពីថ្ងៃទី២៧ ដល់ថ្ងៃទី២៩ ខែសីហា ឆ្នាំ២០២៤ ក្នុងគោលសិក្សាឈ្វេងយល់ អំពីសាវតានៃក្បាច់គុនដូនតាខ្មែរ ដែលមានឆ្លាក់នៅលើជញ្ជាំងប្រាសាទ និងផ្សព្វផ្សាយអំពីក្បាច់គុនខ្មែរ ដែលជាអត្តសញ្ញាណរបស់ដូនតាយើងទៅកាន់ពិភពលោក៕
អត្ថបទ៖ការិយាល័យផ្សព្វផ្សាយ
រូបភាព៖លោក ហាប់ គឹមអាន និងលោក រដ្ឋ ផល្លីន
On 29 August 2024, following a day of exploring ancient temples and observing traditional Khmer martial arts sculptures, a team from the General Department of Sports under the Ministry of Education, Youth and Sports (MoEYs) visited the Preah Norodom Sihanouk-Angkor Museum. The visit aimed to deepen their understanding of the museum’s role and to view the extensive collection of artifacts housed within, guided by professional staff.
Athletes Pok Phalla and Lon Panha expressed their enthusiasm after the visit, praising the craftsmanship of Khmer ancestors who preserved a wealth of valuable artifacts for future generations. They committed to promoting Khmer culture and traditional martial arts, encouraging tourists and youth to appreciate and understand these cultural treasures in the Angkor area.
This visit was part of a collaborative effort involving the APSARA National Authority, the General Department of Sports, the Siem Reap Tourism Club Association, and other stakeholders. From August 27 to 29, 2024, Cambodian athletes explored the Angkor site to learn about the historical context of Khmer martial arts depicted in temple carvings and to share this cultural heritage with the world.
Article: Office of Communication
Photos: Hab Kim An and Rath Phallin
Share:
Our Latest News
អាជ្ញាធរជាតិអប្សរា រួមជាមួយវិស័យឯកជន ផ្តល់ចង្រ្កានបង្កើនថាមពល កាត់បន្ថយការបំពុលបរិស្ថានដល់ពលរដ្ឋរស់នៅឃុំបាគង ស្រុកប្រាសាទបាគង -APSARA National Authority, in collaboration with the private sector, to provide stoves to residents of the Bakong commune- 23 December 2024
នៅព្រឹកថ្ងៃទី២៣ ខែធ្នូ ឆ្នាំ២០២៤ អាជ្ញាធរជាតិអប្សរា រួមជាមួយក្រុមហ៊ុន Guangzhou Iceberg Environmental Consulting Services Co Ltd (ជាងស៊ូ អៃបឺក អិនវ៉ាយរុនមិនថល ខុនសូលធីសឺវីស)
