កូនឈើចម្រុះចំនួន១០,៨៣០ដើម ត្រូវបានអាជ្ញាធរជាតិអប្សរាចែកចាយពីថ្ងៃទី១៧ ដល់ថ្ងៃទី២២ ខែកក្កដា ឆ្នាំ២០២៤ -10,830 saplings distributed by APSARA National Authority from 17 to 22 July 2024- 23 July 2024

កូនឈើចម្រុះសរុប ១០,៨៣០ដើម បន្ថែមទៀត ត្រូវបានអាជ្ញាធរជាតិអប្សរា បន្តចែកចាយដល់ព្រះសង្ឃ ស្ថាប័នរដ្ឋ ឯកជន ព្រមទាំងសាធារណជននានា ចាប់ពីថ្ងៃទី១៧ ដល់ថ្ងៃទី២២ ខែកក្កដា ឆ្នាំ២០២៤ ដែលកូនឈើទាំងនោះរួមមាន៖

– ប្រគេនកូនឈើចម្រុះជូនព្រះអង្គ ថូ ធូរស់ ព្រះប្រធានសហគមន៍តំបន់ការពារធម្មជាតិសង្ឃរុក្ខាវ័ន ចំនួន២,០០០ដើម ដើម្បីយកទៅដាំក្នុងបរិវេណព្រៃសង្ឃសហគមន៍រុក្ខាវ័ន ស្ថិតក្នុងភូមិឈូកមាស សង្កាត់កូនក្រៀល ក្រុងសំរោង ខេត្តឧត្តរមានជ័យ។ កូនឈើទាំងនោះរួមមាន គគីរ៥០០ដើម គ្រញូង៥០០ដើម បេង៥០០ដើម និងធ្នង់៥០០ដើម។

– ផ្តល់កូនឈើចម្រុះជូនតំណាងលោក សូរ ប្លាតុង អភិបាលស្រុកប្រាសាទបាគង ចំនួន១,៥០០ដើម ដើម្បីយកទៅដាំលម្អក្នុងបរិវេណសាលាស្រុក និងនៅតាមបណ្តាឃុំក្នុងស្រុកប្រាសាទបាគង ខេត្តសៀមរាប។ កូនឈើទាំងនោះរួមមាន គ្រញូង១០០ដើម បេង១០០ដើម ធ្នង់១០០ដើម គគីរ១០០ដើម រំដួល១០០ដើម​ និងក្ងោក១,០០០ដើម។

– ផ្តល់កូនឈើចម្រុះជូនតំណាងឧត្តមសេនីយ៍ត្រី និត ណារ៉ុង ប្រធានក្រុមការងារប្រវត្តិសាស្រ្តយោធា​នៃយោធភូមិភាគទី៤ ចំនួន៤០០ដើម ដើម្បីយកទៅដាំនៅសារមន្ទីរប្រវត្តិសាស្ត្រ​យោធាយោធភូមិភាគទី៤ និងដាំនៅតំបន់មរតកប្រវត្តិសាស្រ្ត តេជោភ្នំស្រួច ខេត្តឧត្តរមានជ័យ។ កូនឈើទាំងនោះរួមមាន គគីរ១០០ដើម គ្រញូង១០០ដើម ធ្នង់១៥០ដើម និងក្ងោក៥០ដើម។

– ផ្តល់កូនឈើចម្រុះជូនលោក ហួន បញ្ញា ប្រជាពលរដ្ឋរស់នៅខេត្តសៀមរាប ចំនួន៤២០ដើម ដើម្បីយកទៅដាំលើដីផ្ទាល់ខ្លួន ស្ថិតនៅភូមិត្រពាំងពុទ្រា ឃុំទំនប់ធំ ស្រុកពញាឮ ខេត្តកណ្តាល។ កូនឈើទាំងនោះរួមមាន គ្រញូង១០០ដើម ធ្នង់៥០ដើម បេង៥០ដើម ឈើទាល៥០ដើម គគីរ៥០ដើម ស្ពង់២០ដើម និងរំដួល១០០ដើម។

– ផ្តល់កូនឈើចម្រុះជូនលោក អ៊ីង គី ប្រជាពលរដ្ឋរស់នៅខេត្តសៀមរាប ចំនួន៣០០ដើម ដើម្បីយកទៅដាំលើដីផ្ទាល់ខ្លួន ស្ថិតនៅភូមិស្មាច់ ឃុំត្រាំសសរ ស្រុកស្រីស្នំ ខេត្តសៀមរាប។ កូនឈើទាំងនោះរួមមាន ធ្នង់៥០ដើម បេង៥០ដើម ឈើទាល៥០ដើម គគីរ៥០ដើម កកោះ៥០ដើម និងរំដួល៥០ដើម។

– ផ្តល់កូនឈើចម្រុះចំនួន៥,២៥០ដើម ដើម្បីយកទៅចែកជូនប្រជាពលរដ្ឋរស់នៅក្រុងរុនតាឯក តេជោសែន។

– ផ្តល់កូនឈើចម្រុះ ចំនួន៧៦០ដើម ដើម្បីយកទៅដាំបន្ថែមក្នុងបរិវេណព្រៃសួនរុក្ខជាតិអង្គរ ស្ថិតនៅភូមិត្រពាំងសេស សង្កាត់គោកចក ក្រុងសៀមរាប ខេត្តសៀមរាប។

– ផ្តល់កូនឈើចម្រុះជូនលោក កង ជាដារិន ប្រជាពលរដ្ឋរស់នៅខេត្តសៀមរាប ចំនួន២០០ដើម ដើម្បីយកទៅដាំក្នុងបរិវេណសាលាបឋមសិក្សាគោកចាន់ ស្ថិតនៅភូមិគោកចាន់ ឃុំអំពិល ស្រុកប្រាសាទបាគង ខេត្តសៀមរាប។ កូនឈើទាំងនោះរួមមាន ឈើទាល៥០ដើម គគីរ១០០ដើម និងក្ងោក៥០ដើម៕

អត្ថបទ និងរូបភាព៖ នាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ

A total of 10,830 saplings were distributed to the public by APSARA National Authority from 17 to 22 July 2024. The saplings had been distributed to local authorities, monks, private companies, and the local people.
These efforts aimed to promote tree planting and environmental conservation across different regions in Cambodia.

Article and Photos: Department of Water, Forestry and Infrastructure Management