ប្រាសាទតុបខាងលិច កសាងនៅសតវត្សរ៍ទី១០ និងកសាងបន្ថែមនៅសតវត្សរ៍ទី១៣ ដល់សតវត្សរ៍ទី១៧ ដោយខឿនដើមសង់ពីថ្មបាយក្រៀម ត្រូវបានរៀបថ្មភក់មួយជាន់ពីលើ។ តួប៉មកណ្តាលក៏កែកុនដែរ ដោយរក្សាទុកនូវផ្នែកចម្លាក់លម្អផ្សេងៗ ដូចជា ផែ្តរ និងសសរធ្វើពីថ្មភក់ពណ៌ផ្កាឈូក ព្រមទាំងសង់បន្ថែមតួប៉មចំនួនពីរនៅសងខាងបន្ថែមទៀត។ តួប៉មទាំងអស់នោះសុទ្ធតែមានចម្លាក់រូបព្រះពុទ្ធសាសនា។ នៅសម័យកណ្តាល សាងខឿនទ្រវែងមួយ តពីខឿនចាស់មកខាងកើត។ នៅចុងខាងលិចនៃ ខឿនលយថ្មីនេះ គេឃើញសំណល់បល្ល័ង្កព្រះធំមួយ។
ដោយសារអាយុកាល កត្តាធម្មជាតិ និងការកង្វះការថែទាំរយៈពេលយូរ បានធ្វើឱ្យប្រាសាទនេះរងការខូចខាតស្ទើរតែទាំងស្រុង។ ពេលបច្ចុប្បនេះ ក្រោយចំណាយពេលជួសជុលអស់ជាច្រើនឆ្នាំ ក្រោមកិច្ចសហប្រតិបត្តិការរវាងអាជ្ញាធរជាតិអប្សរា ជាមួយវិទ្យាស្ថានជាតិណារ៉ាប្រទេសជប៉ុន ប្រាសាទតុបលិច បានឈររឹងមាំឡើងវិញ បង្ហាញនូវសោភ័ណភាព សម្រាប់ជាទីគោរពបូជា និងទស្សនាស្វែងយល់ពីស្ថាបត្យកម្ម និងក្បាច់ចម្លាក់ផ្សេងៗ។ ត្បិតប្រាសាទតូចមួយនេះ មានភាពស្រស់ស្អាត និងគួរជាទីចាប់អារម្មណ៍ទាំងប្រាសាទ និងធម្មជាតិជុំវិញ ដែលទេសចរមិនត្រូវរំលង។
សូមបញ្ជាក់ថា ប្រាសាទតុបខាងលិច ស្ថិតនៅក្នុងរាជធានីអង្គរធំ ឬនៅខាងលិចប្រាសាទបាយ័ន ចន្លោះប្រាសាទបាយ័ន និងខ្លោងទ្វារតាកាវ។ បើធ្វើដំណើរចេញពីប្រាសាទបាយ័នស្ថិតនៅខាងឆ្វេងដៃមានចម្ងាយ៧០០ម៉ែត្រ និងពីខ្លោងទ្វារតាកាវខាងស្តាំដៃ មានចម្ងាយ៨០០ម៉ែត្រ៕
អត្ថបទ: លោក យី សុថា
រូបភាព: លោក ភោគ ជា
The West Top Temple was built in the 10th century and annexed in the 13th to 17th centuries, with a laterite platform with sandstone. The temple, with its intricate architecture and detailed sculptures, offers visitors a glimpse into Cambodia’s rich cultural heritage. The addition of two towers and the preservation of decorative elements like lintels and sandstone pillars enhance the temple’s aesthetic appeal.
Despite facing damage over the years due to various factors, the restoration work has revitalized the West Top Temple, making it a must-see destination for tourists. The blend of worship, architecture, and natural surroundings creates a serene and captivating atmosphere that captivates all who visit.
Located in the historical Angkor Thom complex between the iconic Bayon Temple and Takav Gate, the West Top Temple stands as a testament to Cambodia’s glorious past. Travelers can easily access this gem by following the designated paths from either Bayon Temple or Takav Gate, ensuring a seamless journey to this architectural marvel.
Article: Yi Sotha
Photos: Phouk Chea
ក្រុមការងារភ្នាក់ងារទេសចរ និងភ្នាក់ងារសណ្តាប់ធ្នាប់របស់អាជ្ញាធរជាតិអប្សរា ដែលប្រចាំការនៅទីតាំងប្រាសាទសំខាន់ៗ និងទេសចរចូលទស្សនាច្រើន តែងតែជួយសម្រួលចរាចរណ៍ មើលការខុសត្រូវចំពោះយានយន្តគ្រប់ប្រភេទឱ្យចូលចតនៅចំណតបានត្រឹមត្រូវ រក្សាបាននូវសណ្តាប់ធ្នាប់ល្អ និងសុវត្ថិភាពដល់ភ្ញៀវទេសចរ។
