អគ្គនាយកអាជ្ញាធរជាតិអប្សរាធ្វើបទបង្ហាញពីការអភិរក្ស និងអភិវឌ្ឍន៍តំបន់បេតិកភណ្ឌពិភពលោកអង្គរ ដល់ “រដ្ឋបាលបេតិកភណ្ឌវប្បធម៌” នៃសាធារណរដ្ឋកូរ៉េ (The Cultural Heritage Administration of the Republic of Korea)
ឆ្លៀតក្នុងឱកាសនៃការចុះអនុស្សារណៈយោគយល់គ្នារវាងអាជ្ញាធរជាតិអប្សរានិងរដ្ឋបាលបេតិកភណ្ឌវប្បធម៌នៃសាធារណរដ្ឋកូរ៉េស្តីអំពីការជួសជុលរួតបាកាណនៃប្រាសាទអង្គរវត្ត នៅសាធារណរដ្ឋកូរ៉េ នៅថ្ងៃទី២១ ខែកុម្ភៈ ឆ្នាំ២០២៤ ឯកឧត្តមបណ្ឌិត ហង់ ពៅ អគ្គនាយកអាជ្ញាធរជាតិអប្សរា បានធ្វើបទបង្ហាញស្តីពីការងារអភិរក្ស និងការអភិវឌ្ឍ ប្រកបដោយចីរភាព តំបន់បេតិកភណ្ឌពិភពលោកអង្គរ ជូនដល់ថ្នាក់ដឹកនាំ និងមន្ត្រីនៃ “រដ្ឋបាលបេតិកភណ្ឌវប្បធម៌នៃសាធារណរដ្ឋកូរ៉េ” ដើម្បីឈ្វេងយល់ពីកិច្ចការងាររបស់អាជ្ញាធរជាតិអប្សរា និងទិសដៅអនាគត៕
During the signing of a MoU on Cooperation in the Field of Cultural Heritage between the Cultural Heritage Administration of the Republic of Korea and the APSARA National Authority of the Kingdom of Cambodia on 21 February 2024, H.E. Dr. Hang Peou, Director General of APSARA National Authority, made a presentation on the conservation and restoration work of Angkor Wat’s Bakan Tower as well as sustainable development to the heads and staff of the Cultural Heritage Administration of the Republic of Korea to understand the work of the APSARA National Authority and its future direction.
ក្រុមការងារនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានប្រទះឃើញបំណែករូបព្រះពុទ្ធបដិមាធ្វើពីថ្មភក់ប្រមាណជាង១០០បំណែក នៅក្នុងបរិវេណរបស់ប្រាសាទតាព្រហ្ម ខណៈពេលដែលជីកដីធ្វើកំណាយសម្រាប់ស្រាវជ្រាវ កាលពីពេលថ្មីៗ។
