នៅព្រឹកថ្ងៃទី២៣ ខែវិច្ឆិកា ឆ្នាំ២០២៣នេះ អង្គភាពគ្រប់គ្រងបរិស្ថាន-អង្គរនៃអាជ្ញាធរជាតិអប្សរា បានរៀបចំសិក្ខាសាលាស្ដីពីដំណើរការអនុវត្តន៍ប្រព័ន្ធគ្រប់គ្រងបរិស្ថាន ដើម្បីថែរក្សាតំបន់អង្គរ សម្បត្តិវប្បធម៌-បរិស្ថាន និងសង្គមមនុស្ស នៅស្នាក់ការកណ្ដាលអាជ្ញាធរជាតិអប្សរា។
ឯកឧត្តម សុខ លក្ខិណា ប្រធានប្រព័ន្ធគ្រប់គ្រងបរិស្ថាន-អង្គរ ថ្លែងថា នេះជាលើកទី៤ហើយដែលអង្គភាពគ្រប់គ្រងបរិស្ថាន-អង្គរបានរៀបចំសិក្ខាសាលានេះឡើង ក្នុងឆ្នាំ២០២៣នេះ។ ជាមួយគ្នានោះ ឯកឧត្តមបានកោតសរសើរចំពោះការខិតខំប្រឹងប្រែងរបស់ នាយកដ្ឋាននានាដែលបានបំពេញភារកិច្ចលើការងារគ្រប់គ្រងបរិស្ថានក្នុងតំបន់រមណីយដ្ឋានអង្គរនេះ ប្រកបដោយលទ្ធផលគួរជាទីមោទន។ យ៉ាងណាមិញ ឯកឧត្តម សុខ លក្ខិណា ស្នើឱ្យនាយកដ្ឋានទាំងអស់មើលពីចំណុចខ្វះខាតរបស់ខ្លួន និងកែលម្អបំពេញចំណុចទាំងនោះ ឱ្យបានល្អប្រសើរឡើងថែមទៀត។
នៅក្នុងសិក្ខាសាលានេះដែរ ក៏មានការធ្វើបទបង្ហាញពីតំណាងនាយកដ្ឋានចំនួនពីរចូលរួម មាននាយកដ្ឋានរដ្ឋបាល និងបុគ្គលិក និងនាយកដ្ឋានស្រាវជ្រាវ បណ្ដុះបណ្ដាល និងផ្សព្វផ្សាយ៕
អត្ថបទ៖ នាង សំណាង
រូបភាព៖ ហ៊ុ រិទ្ធី
On 23 November 2023, the Angkor Environmental Management Unit of APSARA National Authority organized a workshop on the implementation of the environmental management system to preserve Angkor, cultural, environmental, and human society at the headquarters of APSARA National Authority.
H.E. Mr. Sok Leakena, Director of the Angkor Environmental Management Unit, said that this is the fourth time that the Angkor Environmental Management Unit has organized this workshop in 2023. At the same time, he commended the efforts of the departments that have been responsible for environmental management in the Angkor area with proud results. However, H.E. Mr. Sok Leakena asked all departments to look at their shortcomings and improve those points.
In this workshop, there were also presentations from representatives of two departments, including the Department of Administration and Personnel and the Department of Research, Training, and Communication.
Article: Neang Samnang
Photos: Hum Rithy
Share:
Our Latest News
អាជ្ញាធរជាតិអប្សរា កំពុងជួសជុលជណ្ដើរមុខនៅផ្នែកខាងលិច ឆៀងខាងជើង និងជួយសង្រ្គោះក្បាច់ចម្លាក់នៅប្រាសាទភ្នំក្រោម ដែលកំពុងរងការខូចខាតធ្ងន់ធ្ងរ -APSARA National Authority Restores Front Stairs and Carvings at Phnom Krom Temple- 21 November 2024
ក្រុមអ្នកអភិរក្សថ្មរបស់អាជ្ញាធរជាតិអប្សរា កំពុងបន្តការជួសជុលជណ្តើរមុខនៅផ្នែកខាងលិច ឆៀងខាងជើង ដែលស្ថិតក្នុងស្ថានភាពហែកចេញពីគ្នា ព្រមទាំងផ្នែកខ្លះនៃរចនាសម្ពន្ធជណ្តើរជាច្រើនផ្នែកទៀត ឱ្យប្រសើរឡើងវិញ។
ជាមួយគ្នានេះ ក្រុមអ្នកជំនាញ ក៏កំពុងជួយសង្រ្គោះក្បាច់ចម្លាក់នៅតាមតួប៉មកណ្តាលផ្នែកខាងលិច និងតួប៉មខាងជើងនៃជ្រុងខាងលិច ឆៀងខាងត្បូង ដែលមានចម្លាក់នៅសល់តិចតួចបំផុត ហើយកំពុងមានសភាពពុកផុយខ្លាំង កុំឱ្យបាត់បង់ផងដែរ។
