ក្នុងព្រឹត្តិការណ៍ រំលឹកគុណអង្គរ ដែលបានប្រារព្ធឡើងថ្ងៃទី១៤ ខែធ្នូ ឆ្នាំ២០២២នេះ អាជ្ញាធរជាតិអប្សរា បានរៀបចំជាស្ដង់ពិព័រណ៍សមិទ្ធផលការងារនៅមុខប្រាសាទអង្គរវត្ត។
ការតាំងពិព័រណ៍មិនអចិន្រ្តៃយ៍នេះ បានដាក់តាំងបង្ហាញពីសមិទ្ធផលដ៏ធំធេងរយៈពេល៣០ឆ្នាំ ដែលអាជ្ញាធរជាតិអប្សរាសម្រេចបាន លើការងារសំខាន់ៗមួយចំនួនក្នុងកិច្ចអភិរក្ស និងអភិវឌ្ឍន៍ដោយចីរភាពរមណីយដ្ឋានប្រវត្តិសាស្រ្តអង្គរដូចជា៖ កិច្ចការអភិរក្សប្រាសាទបុរាណ ការងារស្រាវជ្រាវផ្នែកបុរាណវិទ្យា និងបណ្តុះបណ្តាលធនធានមនុស្ស កិច្ចសហប្រតិបត្តិការជាមួយដៃគូរអន្តរជាតិនៅតំបន់អង្គរ ការងារអភិវឌ្ឍន៍វិស័យទេសចរណ៍អង្គរ និងវប្បធម៌ ការងារគ្រប់គ្រងទឹក ព្រៃឈើ និងហេដ្ឋារចនាសម្ពន្ធ ការងារគ្រប់គ្រងដីធ្លីក្នុងឧទ្យាន និងបេតិកភណ្ឌក្រុង ការងារអភិវឌ្ឍន៍ភូមិធម្មជាតិរុនតាឯក និងកិច្ចគាំពារនិងអភិរក្សបុរាណដ្ឋានផ្សេងទៀតក្នុងខេត្តសៀមរាបជាដើម។
ពិព័រណ៍ដែលមានរយៈពេល៣ថ្ងៃគឺ(ពីថ្ងៃទី១៤ ដល់១៦ ខែធ្នូ ឆ្នាំ២០២២)នេះ គឺបានបើកចំហទទួលឱ្យសិស្ស និសិ្សត អ្នកស្រាវជ្រាវ ភ្ញៀវទេសចរជាតិ-អន្តរជាតិ ដែលមានបំណងស្វែងយល់អំពីកិច្ចការអភិរក្ស និងកិច្ចការរៀបចំតំបន់រមណីយដ្ឋានអង្គររបស់អាជ្ញាធរជាតិអប្សរា អាចចូលទស្សនាបានដោយសេរី៕
អត្ថបទ៖ ការិយាល័យផ្សព្វផ្សាយ
រូបភាព៖ លោក ភោគ ជា
In the Thanks Angkor Event, which was held on 14 December 2022, The non-permanent exhibition displayed the great achievements of the APSARA National Authority over the past 30 years on some of the important works in the conservation and sustainable development at the Angkor site, such as the Conservation of ancient temples, Archeological Research & Training of human resources, Cooperation with international partners in Angkor, Development of Angkor Tourism & Culture, Water, Forestry & Infrastructure Management, Land Management in the Angkor park & Urban Heritage, Development of Run Ta Ek Eco-village and other Protection and Conservation of the Archeological Sites in Siem Reap.
The three-day exhibition (14-16 December 2022) is open to students, researchers, and national and international tourists who wish to learn about the conservation and management of Angkor.
Article: Office of Communication
Photos: Mr. Phouk Chea
ក្រុមការងារនៃអាជ្ញាធរជាតិអប្សរា បានសហការជាមួយទីភ្នាក់ងារសហប្រតិបត្តិការអន្តរជាតិកូរ៉េ(KOICA)តាមរយៈមូលនិធិបេតិកភណ្ឌវប្បធម៌កូរ៉េ(KCHF) កំពុងជួសជុលពង្រឹងគ្រឹះប្រាសាទជម តាមបច្ចេកទេសអាណាស្ទីលស៊ីសឱ្យមានភាពប្រសើរឡើងវិញ។
