ព័ត៌មានថ្មីៗ

ការចូលរួមដាំដើមឈើក្នុងតំបន់អង្គរ ជាភារកិច្ចដែលអ្នកអាស្រ័យផលត្រូវចូលរួមទាំងអស់គ្នា!

បានផ្សាយនៅ ថ្ងៃទី 05 ខែ កញ្ញា ឆ្នាំ2018 11:21 AM ដោយ ៖ អាជ្ញាធរជាតិអប្សរា

មនុស្សប្រមាណជាង៤០០នាក់ មកពីវិស័យឯកជនតាមរយៈសមាគមធនធានមនុស្សនិងសមាគមទេសចរណ៍ខេត្តសៀមរាប សហការជាមួយអាជ្ញាធរជាតិអប្សរានៃគម្រោងអប់រំបេតិកភណ្ឌបានជួបជុំគ្នាដាំដើមឈើជាង២០០០ដើមនៅខាងត្បូងបរិវេណប្រាសាទបន្ទាយក្តី កាលពីព្រឹកថ្ងៃទី១ ខែកញ្ញា ឆ្នាំ២០១៨កន្លងទៅនេះ។

ដើមឈើទាំងនោះមាន៣ប្រភេទគឺ ដើមគគីរ ដើមឈើទាល ដើមកកោះ ជាប្រភេទឈើធំ ស្រូបទឹកបានច្រើន មាំទាំអាចទប់ខ្យល់បានល្អ។ បើគិតមកដល់ពេលនេះ អាជ្ញាធរជាតិអប្សរាដាំកូនឈើបានជាង១ម៉ឺនដើមហើយក្នុងតំបន់អង្គរ ដោយមានការថែទាំយ៉ាងល្អ។

លោក អ៊ឹម សុខរឹទ្ធី អនុប្រធានមជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរ បានលើកឡើងថា នេះជាលើកទី២ហើយដែលវិស័យឯកជនបានចូលរួមដាំដើមឈើ ហើយគម្រោងនេះនៅតែមានបន្តទៀត ដើម្បីថែរក្សាទេសភាពតំបន់អង្គរដែលត្រូវការកម្លាំងដាំឡើងវិញ។

លោកបន្តទៀតថា នៅឆ្នាំ២០១៨នេះដែរ ក៏ជាឱកាសបង្កើតស្ពានមេត្រីរវាងវិស័យឯកជន អាជ្ញាធរដែនដី និងអាជ្ញាធរជាតិអប្សរា ដែលជាអ្នកប្រាស្រ័យ អ្នកទទួលកេរមរតក អ្នកទទួលផល និងធ្វើការដើម្បីបេតិកភណ្ឌ រួមគ្នាបម្រើអង្គរ។ ដូច្នេះការចូលរួមដាំដើមឈើ ជាការចូលរួមរួមកិច្ចការសង្គមនិងការអភិរក្សដែលជាកាតព្វកិច្ចមនុស្សទូទៅត្រូវចូលរួមឱ្យបានទាំងអស់គ្នាសម្រាប់លម្អក្រុងអង្គរ បង្កើនភាពបៃតងដល់បរិស្ថាន និងធ្វើជាគំរូសម្រាប់មនុស្សជំនាន់ក្រោយ។

លោកស្រី បួង សុភាព មកពី Artisans Angkor តំណាងឱ្យសមាគមនធនធានមនុស្សខេត្តសៀមរាបបានលើកឡើងថា មានវិស័យឯកជនជាង៨០ស្ថាប័នដែលបានចូលរួម សកម្មភាពដាំកូនឈើ ដើម្បីជាចំណែកថែរក្សានិងការអភិរក្ស ក៏ដូចជាបង្ហាញដល់សាធារណៈជន យុវជន ក្មេងៗជំនាន់ក្រោយឱ្យចេះស្រឡាញ់បរិស្ថាននិងចូលរួមថែរក្សាកេរមរតកដូនតាខ្មែរ ព្រោះនៅក្នុងខេត្តសៀមរាប ក្រៅពីប្រាសាទ សក្កានុពលធម្មជាតិបានទាញទាញភ្ញៀវទេសចររាប់លាននាក់ក្នុងមួយឆ្នាំៗ។

លោកស្រីក៏សូមឱ្យអ្នកចូលរួមបន្តគាំទ្រនិងចូលរួមឱ្យបានផុសផុល ទោះបីមិនបានចំណាយថវិកាចូលរួម ក៏ចូលរួមជាសកម្មភាព ជាកម្លាំង និងផ្សព្វផ្សាយ។ លោកស្រីក៏បានថ្លែងអំណរគុណដល់អាជ្ញាធរជាតិអប្សរាដែលបានបើកទូលាយដល់សាធារណៈជនបានចូលរួមដើម្បីប្រយោជន៍សង្គមនិងបេតិកភណ្ឌ៕











ប្រវត្តិនៃការជួសជុលតារាជ
( ថ្ងៃទី 17 ខែ មិថុនា ឆ្នាំ2019 )
«តារាជ» ជាចម្លាក់ទេពតំណាងឱ្យព្រះវិស្ណុនៃព្រហ្មមញ្ញសាសនា ដែលមានព្រះហស្ថ៨ រចនាបថបាយ័ន្ត កម្ពស់ជិត៤ម៉ែត្រ ឆ្លាក់ពីថ្មមួយដុំ តម្កល់ទុកនៅច្រកចូលទិសខាងលិចនៃប្រាសាទអង្គរវត្ត។ ភាពល្បីល្បាញនៃឫទ្ធានុភាពដ៏អស្ចារ្យនៃអាទិទេពនេះ ត្រូវបានព្រះមហាក្សត្រខ្មែរនិងប្រជាជនខ្មែរតាំងពីបុរាណ រហូតដល់បច្ចុប្បន្នគោរពបូជា មានជំនឿជាក់មុតមាំនឹងភាពស័ក្តិសិទ្ធិរបស់ព្រះអង្គ ហើយចាត់ទុកជាស្តេចទេពដ៏ខ្ពង់ខ្ពស់បំផុត ដែលថែរក្សាប្រាសាទអង្គរវត្តរហូតដល់សព្វថ្ងៃ។
វណ្ណកម្មទី៣ដែលមានចំណងជើងថា“ស្វែងយល់អំពីរាជធានីអង្គរ”បន្ទាប់ពីចំណាយពេលអស់២ឆ្នាំ នឹងប្រសូត្រទ្បើងឆាប់ៗនេះតាមកិច្ចសហប្រតិបត្តិការរវាងអាជ្ញាធរជាតិអប្សរា មជ្ឈមណ្ឌលជាតិយុវជនខេត្តសៀមរាប នៃក្រសួងអប់រំ យុវជននិងកីទ្បា ព្រមទាំងមានការគាំទ្រយ៉ាងសកម្មពីសហព័ន្ធជាតិនៃសមាគមយូណេស្កូជប៉ុន ហៅកាត់ថា «NFUAJ»។
ដើម្បីអនុវត្តគោលការណ៍ច្បាប់ក្នុងកិច្ចការអភិរក្ស និងអភិវឌ្ឍន៍រមណីយដ្ឋានអង្គរប្រកបដោយចីរភាព អាជ្ញាធរជាតិអប្សរាសូមធ្វើការអំពាវនាវដល់បុគ្គល ដែលមានគណនីហ្វេសប៊ុក​ (តាណន លក់ដី Ta Norn Estate Sam Angkor Realty ម៉ាក់ លីហេង ម៉ាក់ លីហេង Boom Boom 3Brothers Property) និងបុគ្គលផ្សេងទៀត ដែលកំពុងតែប្រកាសលក់ដីធ្លីក្នុងតំបន់រមណីយដ្ឋានអង្គរតាមប្រព័ន្ធទំនាក់ទំនងសង្គម ឲ្យបញ្ឈប់នូវសកម្មភាពរបស់ខ្លួនជាបន្ទាន់​។ ក្នុងករណីមិនព្រមបញ្ឈប់សកម្មភាពនេះទេ អាជ្ញាធរជាតិអប្សរានឹងចាត់វិធានការទៅតាមផ្លូវច្បាប់ជាធរមាន។
សារលិខិតថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គល នាឱកាសព្រះរាជពិធីចម្រើនគម្រប់៨៣ព្រះវស្សា យាងចូល៨៤ព្រះវស្សាដែលនឹងប្រព្រឹត្តទៅនៅថ្ងៃអង្គារ ១រោច ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៨ ខែមិថុនា ឆ្នាំ២០១៩។
លោកសាស្ត្រាចារ្យ Pierre BAPTISTE អ្នកជំនាញអភិរក្សវត្ថុសិល្បៈនៃសារមន្ទីរសិល្បៈអាស៊ី Guimet ប្រទេសបារាំង បានធ្វើបាឋកថាចែករំលែកចំណេះដឹងដល់មន្ត្រី-បុគ្គលិកអាជ្ញាធរជាតិអប្សរាស្តីអំពី «សមុច្ច័យពុម្ពចម្លាក់និងប្រាសាទខ្មែរដែលបានតាំងនៅសារមន្ទីរសិល្បៈអាស៊ី Guimet ៖ មណ្ឌលសម្រាប់ការងារអភិរក្សបេតិកភណ្ឌទៅអនាគត?» នៅមជ្ឃមណ្ឌលបណ្តុះបណ្តាលអង្គរ រយៈពេល១ថ្ងៃពេញ នាថ្ងៃទី១៤ ខែមិថុនា ឆ្នាំ២០១៩។
ដើមដំបូងមុន12345...217218បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
1830
ម្សិលមិញ
:
6399
សប្តាហ៍នេះ
:
08229
ខែនេះ
:
0075274
សរុប
:
008544857