ព័ត៌មានថ្មីៗ

ឯកឧត្តម សុខ សង្វារ រំឭកភ្នាក់ងារប្រាសាទ និងបុគ្គលិកសាមន្ទីរទៅបោះឆ្នោតដើម្បីបំពេញកាតព្វកិច្ចជាពលរដ្ឋល្អ

បានផ្សាយនៅ ថ្ងៃទី 26 ខែ កក្កដា ឆ្នាំ2018 01:48 PM ដោយ ៖ អាជ្ញាធរជាតិអប្សរា

នាព្រឹកថ្ងៃទី២៦ ខែកក្កដា ឆ្នាំ២០១៨នេះ ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា ទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ និងនាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ បានជួបជុំសំណេះសំណាលជាមួយភ្នាក់ងារប្រាសាទ និងបុគ្គលិកសារមន្ទីរដែលស្ថិតក្រោមការគ្រប់គ្រងរបស់អាជ្ញាធរជាតិអប្សរា សរុបជាង៥០០នាក់។

ក្នុងពិធីជួបក្រុមការងារដ៏ធំនេះ ឯកឧត្តម សុខ សង្វារ បានកោតសរសើរចំពោះក្រុមការងារទាំងអស់ ដែលបានខិតខំបំពេញការងារ ដោយឆន្ទៈមុតមាំ និងមានការទទួលខុសត្រូវខ្ពស់ចំពោះមុខនាទីរបស់ខ្លួន ធ្វើឲ្យការងារគ្រប់គ្រងអង្គរទទួលបាននូវភាពជោគជ័យជាបន្តបន្ទាប់លើឆាកអន្តរជាតិ។

ឯកឧត្តមបញ្ជាក់ថា ភាពជោគជ័យនៃការងារគ្រប់គ្រងរមណីយដ្ឋានអង្គរ គឺជាមោទនភាពរបស់យើងទាំងអស់គ្នា ដែលបានដើរតាមគោលនយោបាយដ៏ត្រឹមត្រូវរបស់ប្រមុខរាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ដែលមានចក្ខុវិស័យវែងឆ្ងាយ និងមានគោលនយោបាយច្បាស់លាស់ក្នុងការងារគ្រប់គ្រងរមណីយដ្ឋានអង្គរ។

ទោះជាយ៉ាងនេះក្តី ឯកឧត្តមក៏បានក្រើនរំឭកឲ្យក្រុមការងារបន្តយកចិត្តទុកដាក់បន្ថែមទៀត ជាពិសេស គឺការអត់ធ្មត់នឹងភាពឆ្គាំឆ្គងរបស់ភ្ញៀវទេសចរមួយចំនួន ដោយការណែនាំ ឬហាមឃាត់ដោយពាក្យសម្តី និងកាយវិការសមរម្យ ថ្លៃថ្នូរ ក្នុងនាមជាម្ចាស់អង្គរ ដែលមានអារ្យធម៌ដ៏រុងរឿង។

ឆ្លៀតក្នុងឱកាសសំណេះសំណាលនេះដែរ ឯកឧត្តមក៏បានអំពាវនាវឲ្យភ្នាក់ងារប្រាសាទ និងបុគ្គលិកសារមន្ទីរទាំងអស់នាំគ្នាទៅបោះឆ្នោតឲ្យបានគ្រប់គ្នា ក្នុងនាមប្រជាពលរដ្ឋខ្មែរ ដែលត្រូវទទួលខុសត្រូវ ចំពោះជោគវាសនាអនាគតរបស់ប្រទេសខ្លួន ដោយមិនត្រូវចាញ់បោកការឃោសនា ឬការញុះញង់ពីក្រុមមនុស្សដែលរារាំងមិនឲ្យទៅបោះឆ្នោតណាមួយឡើយ។

ទន្ទឹមនឹងនេះ ឯកឧត្តមក៏បានបញ្ជាក់ផងដែរ នូវគណបក្សនយោបាយដែលមានលក្ខណសម្បត្តិគ្រប់គ្រាន់ ក្នុងការដឹកនាំប្រទេសជាតិ នោះគឺគណបក្សដែលមានសមត្ថភាពរក្សានូវសន្តិភាព និងមានធនធានមនុស្សគ្រប់គ្រាន់ក្នុងការអភិវឌ្ឍជាតិគ្រប់វិស័យទាំងអស់។

ជាចុងក្រោយ ឯកឧត្តមបានក្រើនរំឭកបុគ្គលិកទាំងអស់ឲ្យត្រៀមឯកសារពាក់ព័ន្ធនឹងការបោះឆ្នោត និងទៅបោះឆ្នោតឲ្យបានគ្រប់គ្នា ជាពិសេស គឺទៅបោះឆ្នោតជូនគណបក្សដែលមានសមត្ថភាព ហ៊ានថា ហ៊ានធ្វើ ដើម្បីបុព្វហេតុនៃការរក្សាសន្តិភាព និងការអភិវឌ្ឍជាតិពិតប្រាកដ៕








នៅថ្ងៃសុក្រ ៧កើត ខែពិសាខ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី១០ ខែឧសភា ឆ្នាំ២០១៩ អាជ្ញាធរជាតិអប្សរានិងស្ថាប័ន Dunhuang Academy នៃសាធារណៈរដ្ឋប្រជាមានិតចិន បានចុះហត្ថលេខាលើអនុស្សារណៈយោគយល់គ្នាស្តីពីកិច្ចសហប្រតិបត្តិការអន្តរជាតិជាមិត្តភាពនិងផ្សព្វផ្សាយពីរមណីយដ្ឋានប្រវត្តិសាស្រ្តរវាងស្ថាប័នទាំងពីរ នាទីស្នាក់ការអាជ្ញាធរជាតិអប្សរា។
មានស្រុកកំណើតនៅភូមិគោកបេង សង្កាត់គោកចក ក្រុងសៀមរាប ខេត្តសៀម លោក លឹម គង់ មានអាយុ៥៧ឆ្នាំ បានចំណាយពេលអស់រយៈពេល១៥ឆ្នាំជា អ្នកជួសជុលប្រាសាទ នៅ ក្នុង រមណីយដ្ឋាន អង្គរ បាត់ដំបង និងបន្ទាយមានជ័យ រហូតក្លាយ ជាអ្នកជំនាញរៀបថ្ម តថ្ម ដែលទទួលបានការងារ ជា ហូរហែ ហើយបានបង្រៀនដល់អ្នកជំនាន់ក្រោយអំពីវិជ្ជាជីវៈជំនាញរបស់ខ្លួនទៀតផង។
នារសៀលថ្ងៃទី៦ ខែឧសភា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរាបានថ្វាយព្រះពរនិង​អបអរសាទរដល់ការ​ឡើងគ្រង​រាជ្យសម្បត្តិរបស់ព្រះករុណា ណារឺហិតូ ព្រះចៅអធិរាជជប៉ុន ដែលព្រះអង្គបានឡើងគ្រងរាជ្យសម្បត្តិជាផ្លូវការក្នុងនាមជាព្រះចៅអធិរាជជប៉ុនទី១២៦ កាលពីថ្ងៃទី០១ ខែឧសភា ឆ្នាំ២០១៩។
នាព្រឹកថ្ងៃ១៤រោច ខែចេត្រ ឆ្នាំកុរ ឯកស័ក ព.ស.២៥៦២ ព្រឹកថ្ងៃទី០៣ ខែឧសភា ឆ្នាំ២០១៩ សភាពាណិជ្ជកម្មអឺរ៉ុបនៅកម្ពុជា ដឹកនាំដោយលោក ហ្គីយ៉ូម ម៉ាឡតាវ៉ែន (Guillaume MALTAVARNE) មន្រ្តីផ្នែកទាក់ទាញវិនិយោគ បាន ជួបសំណេះសំណាលការងារជាមួយឯកឧត្តម ហង់ ពៅ អគ្គនាយកអាជ្ញាធរជាតិអប្សរា ដើម្បីស្វែងយល់កិច្ចការគ្រប់គ្រងសំណល់រឹង និងគ្រប់គ្រងទឹកកខ្វក់ក្នុងរមណីយដ្ឋានអង្គរ។
នាព្រឹកថ្ងៃ១៤រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី០៣ ខែឧសភា ឆ្នាំ២០១៩ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា តំណាងស្ថានទូតបារាំង លោក Guillaume NARJOLLET ព្រមទាំងអ្នកជំនាញខ្មែរនិងបារាំងបានចុះត្រួតពិនិត្យមើលការវិវឌ្ឍនៃដំណើរការជួសជុល អភិរក្សប្រាសាទមេបុណ្យខាងលិច ដែលជាគម្រោងសហការរវាងអាជ្ញាធរជាតិអប្សរានិងរដ្ឋាភិបាលបារាំង។
ដើមដំបូងមុន12345...209210បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
0105
ម្សិលមិញ
:
4630
សប្តាហ៍នេះ
:
00105
ខែនេះ
:
0071517
សរុប
:
008442924