ព័ត៌មានថ្មីៗ

អាជ្ញាធរជាតិអប្សរាបើកវគ្គបណ្ដុះបណ្តាលពង្រឹងសមត្ថភាពមន្រ្តី និងបុគ្គលិកលើជំនាញផលិតវីដេអូ និងបទយកការណ៍

បានផ្សាយនៅ ថ្ងៃទី 19 ខែ មិថុនា ឆ្នាំ2018 03:50 PM ដោយ ៖ អាជ្ញាធរជាតិអប្សរា

នៅព្រឹកថ្ងៃទី១៩ ខែមិថុនា ឆ្នាំ២០១៨ នាស្នាក់ការអាជ្ញាធរជាតិអប្សរា វគ្គបណ្ដុះបណ្តាលពីជំនាញផលិតវីដេអូ និងបទយកការណ៍ដល់មន្រ្តី និងបុគ្គលិកនៅនាយកដ្ឋានផ្សព្វផ្សាយត្រូវបានចាប់ផ្តើម។ វគ្គបណ្តុះបណ្តាលមានរយៈពេល៣ថ្ងៃ គឺថ្ងៃទី១៩-២១ ខែមិថុនា ឆ្នាំ២០១៨ រៀបចំឡើងក្នុងបំណងដើម្បីពង្រឹងការផលិតវីដេអូ និងបទយកការណ៍ បម្រើដល់ប្រយោជន៍ក្នុងការផ្សាយចេញនូវសមិទ្ធិផលនានាអាជ្ញាធរជាតិអប្សរាឲ្យកាន់តែទូលំទូលាយ។ សិក្ខាកាមដែលចូលរួមវគ្គបណ្ដុះបណ្តាលនេះ គឺជាមន្រ្តី និងបុគ្គលិកនាយកដ្ឋានផ្សព្វផ្សាយចំនួន១៣នាក់ និងមន្ត្រីសាលាខេត្តកំពង់ធំចំនួន០៤នាក់ សរុបមានចំនួន ១៧នាក់។

គ្រូបង្គោលនៃវគ្គបណ្ដុះបណ្តាលនេះ គឺលោក ជា ផានិត មន្រ្តីព័ត៌មាននៃក្រសួងព័ត៌មាន និងជាអ្នកជំនាញផ្នែកផលិតវីដេអូ និងបទយកការណ៍យ៉ាងប៉ិនប្រសព្វ។ ក្រៅតែពីការយល់ដឹងទ្រឹស្តី សិក្ខាកាម នឹងជ្រើសរើសយកប្រធានបទមួយចំនួនដើម្បីអនុវត្តន៍ជាក់ស្ដែង។

លោក ឡុង កុសល ប្រធាននាយកដ្ឋានផ្សព្វផ្សាយ បានថ្លែងក្នុងពិធីបើកវគ្គបណ្ដុះបណ្តាលថា ការផ្តល់ចំណេះដឹងនិងបទពិសោធន៍បន្ថែមដល់សិក្ខាកាមទាំងអស់គឺជាសកម្មភាពក្នុងការលើកកម្ពស់ចំណេះដឹងបច្ចេកទេសជំនាញ ដែលចំណេះដឹងទាំងនេះជាធនធានដ៏សំខាន់ក្នុងការច្បិចយកប្រធានបទសំខាន់ៗនៃការងារជាច្រើនរបស់ស្ថាប័ន ហើយរំលេចខ្លឹមសារហទាំងនោះដើម្បីផ្សព្វផ្សាយឲ្យបានសីុជម្រៅនិងទាន់ពេលវេលា។ បន្ថែមពីនេះ លោករំពឹងថាមន្រ្តី និងបុគ្គលិកដែលទទួលបន្ទុកផ្នែកព័ត៌មាន វីដេអូ និងបទយកការណ៍ កាន់តែមានលទ្ធភាពអាចផលិតព័ត៌មានគ្រប់ទម្រង់ សំដៅធ្វើយ៉ាងណាពាំនាំព័ត៌មាន ព្រឹត្តិការណ៍សំខាន់ៗរបស់អាជ្ញាធរជាតិអប្សរា ផ្សព្វផ្សាយឱ្យបានទូលំទូលាយដល់សាធារណជនបានដឹង៕










សេចក្ដីជូនដំណឹងស្ដីពី ការកាត់ដកហូតដើមឈើ និងកាត់ក្រីមែកឈើដែលមានហានិភ័យខ្ពស់នៅតាមបរិវេណប្រាសាទ ក្នុងរមណីយដ្ឋានអង្គរ

សេចក្ដីជូនដំណឹងស្ដីពីការជីកប្រឡាយតាមព្រំផ្ទៃដីព្រៃឈើ ដើម្បីការពារ និងរក្សាព្រៃឈើក្នុងឧទ្យានអង្គរ
ជាការរួមចំណែកជាមួយវិស័យអប់រំក្នុងការបណ្តុះបណ្តាលកុមារឱ្យស្គាល់ពីប្រាង្គប្រាសាទ ប្រវត្តិភូមិសាស្ត្រ និងវប្បធម៌ប្រពៃណីក្នុងតំបន់ នាយកដ្ឋានផ្សព្វផ្សាយនៃអាជ្ញាធរជាតិអប្សរា បានបណ្តុះបណ្តាលដល់សិស្សានុសិស្សអំពីបេតិកភណ្ឌក្នុងតំបន់អង្គរនៅសាលាបឋមសិក្សា ហ៊ុន សែន ស្វាយចេក ចំនួន២០០នាក់ ឱ្យស្គាល់ ចូលរួម ថែរក្សា ការពារបុរាណដ្ឋាន ទំនៀមទម្លាប់ ជំនឿសាសនា និងបរិស្ថានក្នុងតំបន់ដែលពួកគេរស់នៅ កាលពីថ្ងៃទី១២ ខែធ្នូ ឆ្នាំ២០១៨។
នារាត្រីថ្ងៃទី០៧ ខែធ្នូ ឆ្នាំ២០១៨ សិល្បៈស្បែកធំខ្មែរនិងសិល្បៈ Arirang របស់កូរ៉េ ដែលជាបេតិកភណ្ឌវប្បធម៌អរូបីសម្រាប់មនុស្សជាតិត្រូវបានបង្ហាញរួមគ្នា ដើម្បីអបអរការបញ្ចប់គម្រោងជួសជុលក្រុមប្រាសាទព្រះពិធូរជំហានទី១។
នេះជាព្រឹត្តិការណ៍ប្រវត្តិសាស្ត្រនារាត្រីថ្ងៃទី៥ ខែធ្នូ ឆ្នាំ២០១៨ ដែលព្រះករុណាជាម្ចាស់ជីវិតតម្កល់លើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីបិទអបអរសាទរខួប២៥ឆ្នាំនៃការបង្កើតអាយស៊ីស៊ី-អង្គរ និងព្រះរាជពិធីលៀងសាយភោជន៍ នៅព្រះលានជល់ដំរី ក្រុងអង្គរធំ ខេត្តសៀមរាប។
ដើមដំបូងមុន12345...190191បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
1
ថ្ងៃនេះ
:
0563
ម្សិលមិញ
:
2527
សប្តាហ៍នេះ
:
43464
ខែនេះ
:
0091660
សរុប
:
007682359