ព័ត៌មានថ្មីៗ

អាឡឺម៉ង់បន្តបំប៉នសម្ថភាពការងារអភិរក្សថ្មដល់មន្រ្តីជំនាញអាជ្ញាធរជាតិអប្សរា

បានផ្សាយនៅ ថ្ងៃទី 14 ខែ កុម្ភៈ ឆ្នាំ2018 03:23 PM ដោយ ៖ អាជ្ញាធរជាតិអប្សរា

ប្រទេសអាឡឺម៉ង់តាមរយៈស្ថាប័នGIZ បានបន្តជួយបណ្តុះបណ្តាលមន្ត្រីជំនាញរបស់អាជ្ញាធរជាតិអប្សរាលើការងារអភិរក្សថ្មថែមទៀតក្នុងឆ្នាំនេះ។ វគ្គបណ្តុះបណ្តាលថ្មី ដែលទើបបើកកម្មវិធីនៅព្រឹកថ្ងៃទី១៤ ខែកុម្ភៈ ឆ្នាំ២០១៨នេះ គឺវគ្គបណ្តុះបណ្តាល ស្តីអំពី Laboratory and Science in Applied Conservation។

វគ្គនេះ រៀបចំឡើងដោយអញ្ជើញមន្ត្រីជំនាញ១១រូប ដែលធ្លាប់ទទួលបានការបណ្តុះបណ្តាលជាច្រើនឆ្នាំមកហើយ ដើម្បីបំប៉នការយល់ដឹងថែមទៀត កាន់តែស៊ីជម្រៅអំពីរចនាសម្ពន្ធថ្ម ការតាមដានពីបម្រែបម្រួលរបស់ថ្ម របៀបប្រើប្រាស់ថ្ម របៀបប្រើប្រាស់ថ្នាំ និងសម្ភារៈផ្សេងៗទៅតាមបទដ្ឋានការអភិរក្ស និងការសិក្សារូបវន្តរបស់ថ្មតាមបែបពិសោធន៍វិទ្យាសាស្រ្ត ដោយមានការអនុវត្តទ្រឹស្តីនៅក្នុងមន្ទីរពិសោធន៍ផ្ទាល់តែម្តង។

អ្នកស្រីបណ្ឌិត Grifi Federica ដែលជាគ្រូឧទ្ទេសនៃវគ្គបណ្តុះបណ្តាលនះ លើកឡើងថាប្រធានបទសំខាន់នៃវគ្គបណ្តុះបណ្តាលនេះគឺនៅត្រង់ថា “វាមានគម្លាតគ្នារវាងទ្រឹស្តីវិទ្យាសាស្ត្រ និងការអនុវត្តជាក់ស្តែងលើការងារអភិរក្សថ្ម។ ខ្ញុំចង់ឱ្យអ្នកអភិរក្សយើងបំពេញនូវគម្លាតនេះ ដោយផ្សារភ្ជាប់នូវទ្រឹស្តីវិទ្យាសាស្ត្រជាមួយនឹងការអនុវត្តជាក់ស្តែង។ យើងនឹងបកស្រាយទ្រឹស្តីវិភាគបែបវិទ្យាសាស្ត្រចូលទៅក្នុងការងារជាក់ស្តែងនៅការដ្ឋាន។ ម្យ៉ាងទៀត យើងឃើញថា ទ្រឹស្តីភាគច្រើនមានលក្ខណៈជាវិទ្យាសាស្ត្រ ដែលធ្វើឱ្យអ្នកអភិរក្សពិបាកយល់។ ខ្ញុំនឹងយកទ្រឹស្តីនេះមកបកស្រាយដោយភាសាសាមញ្ញសម្រាប់ក្រុមអ្នកអភិរក្សយើងងាយយល់ ងាយស្តាប់បាន”។

ឯកឧត្តម ហង់ ពៅ អគ្គនាយករងនិងជាតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរាមានប្រសាសន៍ ក្នុងពិធីបើកវគ្គបណ្តុះបណ្តាលថា នេះមិនមែនជាលើកទីមួយទេដែល GIZ បានបើកវគ្គបណ្តុះបណ្តាលដល់អ្នកជំនាញខ្មែរ ប៉ុន្តែក្នុងករណីនេះមានរយៈពេលវែង និងសិក្សានៅមន្ទីរពិសោធន៍ផ្ទាល់ ដោយវិភាគលម្អិតលើសមាសធាតុថ្មតាមបែបវិទ្យាសាស្រ្ត។ ឯកឧត្តមបន្ថែមថា នេះជាវគ្គបណ្តុះបណ្តាលកម្រិតខ្ពស់មួយ ដែលអ្នកចូលរួមភាគច្រើនគឺសុទ្ធតែធ្លាប់ឆ្លងកាត់វគ្គបណ្តុះបណ្តាល និងមានជំនាញក្នុងការដ្ឋានស្រាប់ហើយ។ តែវគ្គនេះ នឹងជួយលម្អិតដល់ពួកគាត់រវាងទ្រឹស្តីវិទ្យាសាស្ត្រនិងការដែលគាត់អនុវត្តជាក់ស្តែងនៅការដ្ឋាន។

គួររំឭកផងដែរថាតាំងពីឆ្នាំ២០០៦ ស្ថាប័ន GIZ បានសហប្រតិបត្តិការជាមួយអាជ្ញាធរជាតិអប្សរាលើការបណ្តុះបណ្តាលអ្នកជំនាញលើការជួសជុលថ្ម។ នៅឆ្នាំ២០០៧ អាជ្ញាធរជាតិអប្សរាក៏បានបង្កើតអង្គភាពអភិរក្សថ្មឡើង (Stone Conservation Unit - SCU) ដើម្បីជួសជុលថ្មនៅតាមប្រាសាទ និងរចនាសម្ពន្ធផ្សេងៗ។ បច្ចុប្បន្នក្រុមការងារនេះបានទទួលបន្ទុកជួសជុលចម្លាក់ប្រាសាទ និងព្យាបាលថ្មនៅតាមប្រាសាទមួយចំនួនដូចជា ចម្លាក់តោនៅប្រាសាទក្រវ៉ាន់ ចម្លាក់តោនិងពុទ្ធបដិមានៅប្រាសាទប្រែរូប និងចម្លាក់មួយចំនួនទៀតនៅប្រាសាទបន្ទាយសំរ៉ែជាដើម៕















សារលិខិតថ្វាយព្រះពរ
( ថ្ងៃទី 15 ខែ មិថុនា ឆ្នាំ2018 )
ទូលព្រះបង្គំខ្ញុំម្ចាស់ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា រួមទាំងមន្ត្រី-បុគ្គលិកក្រោមបង្គាប់ទាំងអស់ ចូលរួមថ្វាយព្រះពរសព្ទសាធុការ ដល់អង្គព្រះមហាក្សត្រក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត នាឱកាសដ៏សែននក្ខត្តឫក្សនៃព្រះរាជពិធីចម្រើនព្រះជន្មាយុ គម្រប់៨២ព្រះវស្សា យាងចូល៨៣ព្រះវស្សា ដែលនឹងប្រព្រឹត្តិទៅនៅថ្ងៃចន្ទ ៦កើត ខែបឋមសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៨ ខែមិថុនា ឆ្នាំ២០១៨ខាងមុខនេះ។
នៅទីក្រុងបាងកកនៃប្រទេសថៃ នាព្រឹកថ្ងៃទី១៤ ខែមិថុនា ឆ្នាំ២០១៨នេះ អាជ្ញាធរជាតិអប្សរា និងអាជ្ញាធរDASTA (Designated Area for Sustainable Tourism Administration) របស់ប្រទេសថៃ បានចុះអនុស្សារណៈយោគយល់គ្នាជាផ្លូវការ ក្រោយបានជួបពិភាក្សានិងសិក្សាពីគ្នាអស់រយៈពេលជាងមួយឆ្នាំមក។
ប្រាសាទមេបុណ្យខាងលិចត្រូវបានអភិរក្ស ជួសជុល និងស្តារឡើងវិញដោយគម្រោងសហការរវាងអាជ្ញាធរជាតិអប្សរានិងរដ្ឋាភិបាលបារាំង តាមរយៈសាលាបារាំងចុងបូព៌ា ដែលចាប់ផ្តើមពីឆ្នាំ២០១២មក និងគ្រោងបញ្ចប់នៅឆ្នាំ២០១៩។ ប៉ុន្តែដោយមានកង្វះខាតផ្នែកថវិកានិងតាមការពិភាក្សាយ៉ាងហ្មត់ចត់រវាងស្ថាប័នពាក់ពន្ធ័ គម្រោងជួសជុលនឹងត្រូវប្រគល់មកអាជ្ញាធរជាតិអប្សរាជាអ្នកទទួលរ៉ាប់រងជួសជុលវិញ។
ដើម្បីទប់ស្កាត់ការបង្ហោះយន្តហោះខ្នាតតូច (Drone) ក្នុងតំបន់អង្គរឲ្យកាន់តែមានប្រសិទ្ធភាពជាងមុន នារសៀលថ្ងៃទី១១ ខែមិថុនា ឆ្នាំ២០១៨ អាជ្ញាធរជាតិអប្សរា បានបើកកិច្ចប្រជុំពិភាក្សាជាមួយស្ថាប័នជំនាញ និងសមត្ថកិច្ចពាក់ព័ន្ធផ្សេងៗដូចជា តំណាងរដ្ឋលេខាធិការដ្ឋានអាកាសចរណ៍ស៊ីវិលកម្ពុជា តំណាងអគ្គនាយកដ្ឋានគយ និងរដ្ឋាករកម្ពុជា តំណាងសាលាខេត្តសៀមរាប តំណាងស្នងការនគរបាលខេត្តសៀមរាប តំណាងមេបញ្ជាការកងរាជអាវុធហត្ថខេត្តសៀមរាប ប្រធាននាយកដ្ឋាននគរបាលទេសចរណ៍ តំណាងនាយកដ្ឋាននគរការពារបេតិកភណ្ឌ តំណាងគ្រឹះសា្ថនអង្គរ ប្រធានមន្ទីរវប្បធម៌ និងវិចិត្រសិល្បៈខេត្តសៀមរាប តំណាងមន្ទីរទេសចរណ៍ខេត្តសៀមរាប តំណាងមន្ទីរព័ត៌មានខេត្តសៀមរាប សមាគមមគ្គុទ្ទេសក៍ទេសចរណ៍ទាំង៦នៅខេត្តសៀមរាប តំណាងសមាគមទីភ្នាក់ងារទេសចរណ៍នៅខេត្តសៀមរាប និងមេធាវីរបស់អាជ្ញាធរជាតិអប្សរាជាដើម ដើម្បីរិះរកវិធានការស្របច្បាប់ និងអាចអនុវត្តបានប្រកបដោយប្រសិទ្ធភាព។
មន្រ្តីជំនាញនៃអាជ្ញាធរជាតិអប្សរាបានបង្ហាញថា ការងារកំណាយស្រាវជ្រាវនៅស្រះខាងជើងមុខអង្គរវត្ត ទទួលបានលទ្ធផលខ្លះហើយមកដល់ពេលនេះ។ ជាលទ្ធផលបឋមក្រុមការងារបានរកឃើញរចនាសម្ពន្ធស្រះដែលមានកាំជណ្តើរធ្វើអំពីថ្មបាយក្រៀមនៅតួស្រះនិងថ្មភក់នៅមាត់ស្រះ ក្រៅពីនោះមានការចាក់បង្គរដីជាស្រទាប់ៗខុសៗគ្នាដើម្បីរក្សាស្ថេរភាពផ្ទៃស្រះទាំងមូល។
ដើមដំបូងមុន12345...165166បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
4607
ម្សិលមិញ
:
9993
សប្តាហ៍នេះ
:
04607
ខែនេះ
:
0145938
សរុប
:
005783244