ព័ត៌មានថ្មីៗ

ប្រតិភូអាជ្ញាធរជាតិអប្សរាជួបពិភាក្សាបច្ចេកទេសលម្អិតពីគម្រោងជួសជុលស្ពានហាលអង្គរវត្ត និងស្វែងយល់ពីការជួសជុលស្ពានបុរាណ និងវិមានបុរាណនៅប្រទេសជប៉ុន

បានផ្សាយនៅ ថ្ងៃទី 29 ខែ មករា ឆ្នាំ2018 02:24 PM ដោយ ៖ អាជ្ញាធរជាតិអប្សរា

នៅថ្ងៃទី២៣ ខែមករា ឆ្នាំ២០១៨ គណៈប្រតិភូនៃអាជ្ញាធរជាតិអប្សរា ដឹកនាំដោយឯកឧត្តម ហង់ ពៅ អគ្គនាយករង និងសាស្ត្រាចារ្យ Azedine Beschaouch លេខាវិទ្យាសាស្ត្រអចិន្ត្រៃយ៍នៃគណៈកម្មាធិការអាយស៊ីស៊ីអង្គរ និងជាទីប្រឹក្សាអាជ្ញាធរជាតិអប្សរា បានចូលរួមកិច្ចប្រជុំបច្ចេកទេសស្តីពីការជួសជុលស្ពានហាលប្រាសាទអង្គរវត្ត នៅសាកលវិទ្យាល័យសូហ្វីយ៉ា-ជប៉ុន ក្នុងទីក្រុងតូក្យូ។

កិច្ចប្រជុំនេះធ្វើឡើងក្រោមការសម្របសម្រួលដោយលោក ស្សេនគីជិ ហ៊ីរ៉ាយ៉ាម៉ា សាស្ត្រាចារ្យកិត្តិយសនៃសាកលវិទ្យាល័យនីហុន និងជាប្រធានគណៈកម្មការបច្ចេកទេសនៃគម្រោងជួសជុលស្ពានហាលប្រាសាទអង្គរវត្ត។

ប្រធានបទនៃកិច្ចប្រជុំដែលមានរយៈពេលជាង៦ម៉ោងនេះ បានផ្តោតសំខាន់លើ ការគ្រប់គ្រងទឹកនៅកសិន្ធុអង្គរវត្ត ស្ថានភាពទ្រេតនិងប៉ោងនៃស្ពានហាល ការប្រើប្រាស់បេតុងដើម្បីពង្រឹងជញ្ជាំង ការបំពេញដីខាងក្នុងឡើងវិញ ការទល់ទ្រជញ្ជាំង សុវត្ថិភាពនៃការរើ ឬមិនរើជញ្ជាំង ការផ្លាស់ប្តូរដុំថ្មបាយក្រៀមដែលពុកផុយនៅជាប់ទឹក ការអនុវត្តគម្រោងជួសជុលស្ពានហាលសាកល្បង ការប្រើប្រាស់បច្ចេកទេសថត3Dសម្រាប់គម្រោងអភិរក្សជួសជុលនិងការប្រើប្រាស់Drone និងរបៀបវារៈផ្សេងៗជាច្រើនទៀត។

ក្រៅពីកិច្ចប្រជុំដ៏សំខាន់នេះ គណៈប្រតិភូនៃអាជ្ញាធរជាតិអប្សរាក៏បានទៅសិក្សាស្វែងយល់អំពីការងារជួសជុលបេតិកភណ្ឌវប្បធម៌នៅខេត្តគូម៉ាម៉ូតូ ដែលមានលក្ខណៈប្រហាក់ប្រហែលគ្នានឹងស្ពានហាលប្រាសាទអង្គរវត្តដែរ គឺការជួសជុលស្ពានបុរាណចំនួន៣កន្លែង និងវិមានបុរាណដែលរងការខូចខាតដោយសារគ្រោះរញ្ជួយផែនដី បាក់រលំជញ្ជាំងនិងស្រុតដីខាងក្នុង។

តាមរយៈការចុះសិក្សាផ្ទាល់ដល់ការដ្ឋានទាំងនេះ គណៈប្រតិភូអាជ្ញាធរជាតិអប្សរាទទួលបានបទពិសោធន៍ ចំណេះដឹងល្អៗមួយចំនួន សម្រាប់អនុវត្តគម្រោងជួសជុលស្ពានហាលឲ្យកាន់តែល្អប្រសើរថែមទៀត។

នេះជាលទ្ធផលវិជ្ជមានមួយនៃដំណើរទស្សនកិច្ចផ្លូវការនៃគណៈប្រតិភូអាជ្ញាធរជាតិអប្សរា ដឹកនាំដោយឯកឧត្តម ហង់ ពៅ អគ្គនាយករង ទទួលបន្ទុកនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ ទៅកាន់ប្រទេសជប៉ុនរយៈពេល៧ថ្ងៃ ចាប់ពីថ្ងៃទី២១ដល់ថ្ងៃទី២៧ ខែមករា ឆ្នាំ២០១៨ ដើម្បីពង្រីកកិច្ចសហប្រតិបត្តិការលើផ្នែកជួសជុលនិងអភិរក្សបេតិកភណ្ឌក្នុងតំបន់អង្គរ៕































សេចក្ដីជូនដំណឹងស្ដីពី ការកាត់ដកហូតដើមឈើ និងកាត់ក្រីមែកឈើដែលមានហានិភ័យខ្ពស់នៅតាមបរិវេណប្រាសាទ ក្នុងរមណីយដ្ឋានអង្គរ

សេចក្ដីជូនដំណឹងស្ដីពីការជីកប្រឡាយតាមព្រំផ្ទៃដីព្រៃឈើ ដើម្បីការពារ និងរក្សាព្រៃឈើក្នុងឧទ្យានអង្គរ
ជាការរួមចំណែកជាមួយវិស័យអប់រំក្នុងការបណ្តុះបណ្តាលកុមារឱ្យស្គាល់ពីប្រាង្គប្រាសាទ ប្រវត្តិភូមិសាស្ត្រ និងវប្បធម៌ប្រពៃណីក្នុងតំបន់ នាយកដ្ឋានផ្សព្វផ្សាយនៃអាជ្ញាធរជាតិអប្សរា បានបណ្តុះបណ្តាលដល់សិស្សានុសិស្សអំពីបេតិកភណ្ឌក្នុងតំបន់អង្គរនៅសាលាបឋមសិក្សា ហ៊ុន សែន ស្វាយចេក ចំនួន២០០នាក់ ឱ្យស្គាល់ ចូលរួម ថែរក្សា ការពារបុរាណដ្ឋាន ទំនៀមទម្លាប់ ជំនឿសាសនា និងបរិស្ថានក្នុងតំបន់ដែលពួកគេរស់នៅ កាលពីថ្ងៃទី១២ ខែធ្នូ ឆ្នាំ២០១៨។
នារាត្រីថ្ងៃទី០៧ ខែធ្នូ ឆ្នាំ២០១៨ សិល្បៈស្បែកធំខ្មែរនិងសិល្បៈ Arirang របស់កូរ៉េ ដែលជាបេតិកភណ្ឌវប្បធម៌អរូបីសម្រាប់មនុស្សជាតិត្រូវបានបង្ហាញរួមគ្នា ដើម្បីអបអរការបញ្ចប់គម្រោងជួសជុលក្រុមប្រាសាទព្រះពិធូរជំហានទី១។
នេះជាព្រឹត្តិការណ៍ប្រវត្តិសាស្ត្រនារាត្រីថ្ងៃទី៥ ខែធ្នូ ឆ្នាំ២០១៨ ដែលព្រះករុណាជាម្ចាស់ជីវិតតម្កល់លើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីបិទអបអរសាទរខួប២៥ឆ្នាំនៃការបង្កើតអាយស៊ីស៊ី-អង្គរ និងព្រះរាជពិធីលៀងសាយភោជន៍ នៅព្រះលានជល់ដំរី ក្រុងអង្គរធំ ខេត្តសៀមរាប។
ដើមដំបូងមុន12345...190191បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
6250
ម្សិលមិញ
:
8779
សប្តាហ៍នេះ
:
38623
ខែនេះ
:
0086819
សរុប
:
007677518