ព័ត៌មានថ្មីៗ

អាជ្ញាធរជាតិអប្សរា ទទួលកុលាលភាជន៍ពីតំណាងសមាគមមគ្គុទេសក៍ភាសាចិន

បានផ្សាយនៅ ថ្ងៃទី 29 ខែ មករា ឆ្នាំ2018 09:21 AM ដោយ ៖ អាជ្ញាធរជាតិអប្សរា

នៅរសៀលថ្ងៃទី២៦ ខែមករា ឆ្នាំ២០១៨ តំណាងសមាគមមគ្គុទេសភាសាចិន-កម្ពុជា លោក ធៀម ធឿន ដែលមានទីលំនៅរស់នៅភូមិវាល ឃុំគោកចក បានយកកុលាលភាជន៍ ដែលមានដូចជាថូ និងបំណែកក្រឡមួយចំនួន យកមកប្រគល់ជូនអាជ្ញាធរជាតិអប្សរា។ តាមការលើកឡើងរបស់លោក ធៀម ធឿន កុលាលភាជន៍នេះ ត្រូវបានអ្នកជិតខាងរបស់លោក រើសបានដោយចៃដន្យនៅពេលគាត់ជីកដីគាស់ដើមចេកលើដីរបស់ខ្លួន អំឡុងខែកក្កដា ឆ្នាំ២០១៧។

ពិធីប្រគល់កុលាលភាជន៍នេះ ត្រូវបានធ្វើឡើងនៅសារមន្ទីរព្រះនរោត្តម សីហនុ-អង្គរ ក្រោមវត្តមានឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា តំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា។

លោក ធៀម ធឿន បានឱ្យដឹងថា កុលាលភាជន៍ដែលយកមកប្រគល់នៅពេលនេះ គឺជារបស់អ្នកជិតលោក ដែលបានជីកដីឃើញកាលពីកន្លងមក។ លោកបន្ថែមថា ក្រោយរក្សាទុកជាច្រើនមក អ្នកភូមិម្នាក់នោះបានប្រគល់ឱ្យលោកអំឡុងសប្តាហ៍មុនដើម្បីរក្សាទុក តែចុងក្រោយលោកសម្រេចប្រគល់វត្ថុបុរាណទាំងនេះដល់អាជ្ញាធរជាតិអប្សរា ដែលមានសមត្ថកិច្ចថែរក្សាវត្ថុទាំងនេះ។

លោកបញ្ជាក់ទៀតថា លោកស្រឡាញ់វប្បធម៌ដូនតា និងចង់ថែរក្សាឱ្យនៅគង់វង្ស និងបានសម្រេចចិត្តយកមកប្រគល់ជូនដល់សារមន្ទីរសីហនុ-អង្គរ ដើម្បីជួសជុល និងថែរក្សា។

លោក ឆាយ រចនា ប្រធានការិយាល័យសិក្សាកុលាលភាជន៍នៃមជ្ឍមណ្ឌលអន្តរជាតិ ស្រាវជ្រាវ និងតម្តល់ឯកសារអង្គរ បានបង្ហាញថា បំណែកកុលាលភាជន៍ទាំងនេះស្ថិតក្នុងពីរសម័យកាលផ្សេងគ្នា គឺសម័យអង្គរ និងក្រោយអង្គរ។ ចំណែកកុលាលភាជន៍ដែលទទួលបាននេះ គឺកុលាលភាជន៍ខ្មែរ និងមួយចំណែកជាកុលាលភាជន៍ចិន។ លោកបានបញ្ជាក់ថានេះជាភស្តុតាងមួយបង្ហាញថាខ្មែរសម័យបុរាណក្រៅពីផលិតកុលាលភាជន៍សម្រាប់ប្រើប្រាស់ក្នុងស្រុក ថែមទាំងបាននាំចូលពីចិនទៀតផងតាមរយៈឈ្មួញចិន។ លោកបន្ថែមថាតួនាទីសំខាន់នៃកុលាលភាជន៍គឺប្រើប្រាស់សម្រាប់សាសនា និងសម្រាប់ជីវភាពប្រចាំថ្ងៃ។

ឯកឧត្តម សុខ សង្វារ អគ្គនាយករងនៃអាជ្ញាធរអប្សរា បានថ្លែងអំណរគុណ និងកោតសរសើដល់លោក ធៀម ធឿង ដែលមានចិត្តចង់ថែរក្សាទុកកេរមរតកវប្បធម៌ខ្មែរ តាមរយៈការប្រគល់ជូន កុលាលភាជន៍ដល់អាជ្ញាធរជាតិអប្សរា។ ឯកឧត្តមបញ្ជាក់ថាដើម្បីដឹងឱ្យកាន់តែច្បាស់លាស់ ក្រុមអ្នកជំនាញបុរាណវិទ្យានឹងសិក្សាបន្ថែមអំពីសម័យកាល និងតួនាទី របស់កុលាលភាជន៍ទាំងនេះ។

ឯកឧត្តមក៏បានសំណូមពរដល់ប្រជាជនទាំងអស់សូមចូលរួម ក្នុងរណីរកឃើញវត្ថុបុរាណនានា ត្រូវផ្តល់ព័ត៌មានដល់អាជ្ញារធរមូលដ្ឋាន ឬតាមរយៈអាជ្ញាធរជាតិអប្សរាដើម្បីអោយអ្នកជំនាញសិក្សាស្រាវជ្រាវ និងយកមករក្សាទុកនៅសារមន្ទីរ ដើម្បីទុកជាសម្បត្តិវប្បធម៌ឱ្យកូនចៅបានដឹង ក៏ដូចជាបង្ហាញដល់អន្តរជាតិបានដឹងឮផង៕


























សេចក្ដីជូនដំណឹងស្ដីពី ការកាត់ដកហូតដើមឈើ និងកាត់ក្រីមែកឈើដែលមានហានិភ័យខ្ពស់នៅតាមបរិវេណប្រាសាទ ក្នុងរមណីយដ្ឋានអង្គរ

សេចក្ដីជូនដំណឹងស្ដីពីការជីកប្រឡាយតាមព្រំផ្ទៃដីព្រៃឈើ ដើម្បីការពារ និងរក្សាព្រៃឈើក្នុងឧទ្យានអង្គរ
ជាការរួមចំណែកជាមួយវិស័យអប់រំក្នុងការបណ្តុះបណ្តាលកុមារឱ្យស្គាល់ពីប្រាង្គប្រាសាទ ប្រវត្តិភូមិសាស្ត្រ និងវប្បធម៌ប្រពៃណីក្នុងតំបន់ នាយកដ្ឋានផ្សព្វផ្សាយនៃអាជ្ញាធរជាតិអប្សរា បានបណ្តុះបណ្តាលដល់សិស្សានុសិស្សអំពីបេតិកភណ្ឌក្នុងតំបន់អង្គរនៅសាលាបឋមសិក្សា ហ៊ុន សែន ស្វាយចេក ចំនួន២០០នាក់ ឱ្យស្គាល់ ចូលរួម ថែរក្សា ការពារបុរាណដ្ឋាន ទំនៀមទម្លាប់ ជំនឿសាសនា និងបរិស្ថានក្នុងតំបន់ដែលពួកគេរស់នៅ កាលពីថ្ងៃទី១២ ខែធ្នូ ឆ្នាំ២០១៨។
នារាត្រីថ្ងៃទី០៧ ខែធ្នូ ឆ្នាំ២០១៨ សិល្បៈស្បែកធំខ្មែរនិងសិល្បៈ Arirang របស់កូរ៉េ ដែលជាបេតិកភណ្ឌវប្បធម៌អរូបីសម្រាប់មនុស្សជាតិត្រូវបានបង្ហាញរួមគ្នា ដើម្បីអបអរការបញ្ចប់គម្រោងជួសជុលក្រុមប្រាសាទព្រះពិធូរជំហានទី១។
នេះជាព្រឹត្តិការណ៍ប្រវត្តិសាស្ត្រនារាត្រីថ្ងៃទី៥ ខែធ្នូ ឆ្នាំ២០១៨ ដែលព្រះករុណាជាម្ចាស់ជីវិតតម្កល់លើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីបិទអបអរសាទរខួប២៥ឆ្នាំនៃការបង្កើតអាយស៊ីស៊ី-អង្គរ និងព្រះរាជពិធីលៀងសាយភោជន៍ នៅព្រះលានជល់ដំរី ក្រុងអង្គរធំ ខេត្តសៀមរាប។
ដើមដំបូងមុន12345...190191បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
5863
ម្សិលមិញ
:
8779
សប្តាហ៍នេះ
:
38236
ខែនេះ
:
0086432
សរុប
:
007677131