ព័ត៌មានថ្មីៗ

គណៈប្រតិភូអាជ្ញាធរជាតិអប្សរាបំពេញទស្សនកិច្ចនៅប្រទេសជប៉ុនដើម្បីពង្រឹងកិច្ចសហប្រតិបត្តិការលើផ្នែកជួសជុលនិងអភិរក្សអង្គរ

បានផ្សាយនៅ ថ្ងៃទី 26 ខែ មករា ឆ្នាំ2018 09:23 AM ដោយ ៖ អាជ្ញាធរជាតិអប្សរា

គណៈប្រតិភូអាជ្ញាធរជាតិអប្សរា ដឹកនាំដោយឯកឧត្តម ហង់ ពៅ អគ្គនាយករង ទទួលបន្ទុកនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ បានទៅបំពេញទស្សនកិច្ចផ្លូវការនៅប្រទេសជប៉ុនរយៈពេល៧ថ្ងៃ ចាប់ពីថ្ងៃទី២១ដល់ថ្ងៃទី២៧ ខែមករា ឆ្នាំ២០១៨ ដើម្បីពង្រីកកិច្ចសហប្រតិបត្តិការលើផ្នែកជួសជុលនិងអភិរក្សបេតិកភណ្ឌក្នុងតំបន់អង្គរ។

ក្នុងដំណើរទសន្សនកិច្ចផ្លូវការនេះ ឯកឧត្តមនិងក្រុមការងារបានចូលជួបសម្តែងការគួរសមនិងពិភាក្សាការងារជាមួយថ្នាក់ដឹកនាំជាច្រើនរូបតាមស្ថាប័ននានាដូចជាលោក តូស៊ីអាគី កូសូ សកលវិទ្យាធិការនៃសកលវិទ្យាល័យសូហ្វីយ៉ាជប៉ុន លោកសាស្ត្រាចារ្យបណ្ឌិត យូស៊ីអាគី អ៊ីហ្ស៊ីសាវ៉ា ប្រធានមជ្ឈមណ្ឌលអាស៊ីសិក្សាស្រាវជ្រាវនិងបណ្តុះបណ្តាលធនធានមនុស្សនៃសាកលវិទ្យាល័យសូហ្វីយ៉ា លោក តូម៉ូយូគី សាគូរ៉ៃ អនុប្រធានមូលនិធិជប៉ុន និងលោក ហាម៉ាដា យ៉ាស នាយករងទីភ្នាក់ងារវប្បធម៌ជប៉ុន។

គួរបញ្ជាក់ដែរថា សាកលវិទ្យាល័យសូហ្វីយ៉ា និងមូលនិធិជប៉ុនទាំងអស់នេះ សុទ្ធតែបានចូលរួមចំណែកដ៏ធំក្នុងការបណ្តុះបណ្តាលធនធានមនុស្សរបស់កម្ពុជាយ៉ាងច្រើនគ្រប់វិស័យ ពិសេសលើវិស័យបេតិកភណ្ឌ ហើយក៏មានកិច្ចសហប្រតិបត្តិការជួសជុលបុរាណដ្ឋានជាច្រើននៅក្នុងឧទ្យានអង្គរផងដែរ។

បន្ថែមពីនោះទៀត គណៈប្រតិភូនៃអាជ្ញាធរជាតិអប្សរាក៏បានចូលរួមពិធីបើកពិរព័ណ៌រូបថតស្តីពីសកម្មភាពជួសជុលនិងអភិរក្សប្រាសាទនៅកម្ពុជាដែលរៀបចំឡើងនៅសកលវិទ្យាល័យសូហ្វីយ៉ា ដោយមានវត្តមានរបស់លោកជំទាវ ជា គឹមថា ឯកអគ្គរាជទូតព្រះរាជាណាចក្រកម្ពុជាប្រចាំប្រទេសជប៉ុនជាអធិបតីក្នុងកម្មវិធី៕




















អាជ្ញាធរជាតិអប្សរា មានកិត្តិយសសូមជំរាបជូនដំណឹងដល់គ្រប់ក្រសួង មន្ទីរ ស្ថាប័នជាតិ-អន្តរជាតិ និងសាធារណជនទាំងអស់អោយបានជ្រាបថា៖ ក្នុងគោលដៅពង្រឹង ក៏ដូចជាអភិវឌ្ឍសេវាកម្មទេសចរណ៍នៃរមណីយដ្ឋានអង្គរ អាជ្ញាធរជាតិអប្សរាបានសិក្សាបង្កើត និងដាក់ឲ្យដំណើរការសាកល្បងគេហទំព័រទេចរណ៍ www.angkor.com.kh នាអំឡុងខែកុម្ភៈ ឆ្នាំ២០១៧។ តាមរយៈគេហទំព័រនេះ ភ្ញៀវជាតិ និងអន្តរជាតិបានស្វែងយល់ពីរមណីយដ្ឋានអង្គរបានស៊ីជម្រៅ ទាំងព័ត៌មាន ប្រវត្តិសាស្ត្រ សង្គម និតិវិធីនានា ដែលត្រូវអនុវត្តមុន និងអំឡុងពេលទស្សនា រួមទាំងព័ត៌មានសំខាន់ សំរាប់ទេសចរ ក្នុងការរៀបចំកញ្ចប់ទស្សនកិច្ចមកកាន់អង្គរ។
ថ្មីៗនេះ គេហទំព័រមួយឈ្មោះសារព័ត៌មានក្រមា បានចុះផ្សាយថា «អ្នកលេងហ្វេសបុករិះគន់អាជ្ញាធរអប្សរា ដែលមិនមើលជនជាតិចិនសរសេរអក្សរចិននៅក្នុងបរិវេណប្រាសាទអង្គរវត្ត» កាលពីថ្ងៃទី២០ ខែមិថុនា ឆ្នាំ២០១៨។

អត្ថបទនេះបានលើកយកមតិរបស់អ្នកប្រើប្រាស់បណ្តាញសង្គមមួយចំនួនបានប្រើនូវពាក្យអសុរោះ ប្រមាថមើលងាយ និងផ្តល់ភាពអយុត្តិធម៌ហាក់គ្មានការយល់ដឹងច្បាស់លាស់ពីអ្វីដែលកើតឡើងពីមុនមក ជាពិសេសលើកិច្ចខិតខំប្រឹងប្រែងរបស់សមត្ថកិច្ចគ្រប់ជំនាញក្នុងការថែរក្សាបេតិកភណ្ឌក្នុងតំបន់អង្គរ។
ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៩ ខែមិថុនា ឆ្នាំ២០១៨នេះ នៅទីស្តីការក្រសួងសេដ្ឋកិច្ច និងហិរញ្ញវត្ថុ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និង លោក លី អាន ប្រធានការិយាល័យប្រឹក្សាផ្នែកសេដ្ឋកិច្ច និងពាណិជ្ជកម្ម នៃស្ថានទូតសាធារណៈរដ្ឋប្រជាមានិតចិនប្រចាំនៅព្រះរាជាណាចក្រកម្ពុជា បានចុះហត្ថលេខាស្តីពីកិច្ចព្រមព្រៀងសម្រាប់ការអនុវត្តគម្រោងជួសជុលព្រះបរមរាជវាំងនៅអង្គរ-ខេត្តសៀមរាប។
នារសៀលថ្ងៃទី២០ ខែមិថុនា ឆ្នាំ២០១៨នេះ អាជ្ញាធរជាតិអប្សរាបានចុះហត្ថលេខាលើកិច្ចព្រមព្រៀងទទួលថវិកាចំនួន២៤៧,០៨០,០០០រៀល ពីក្រុមហ៊ុនថៃសាមសុងអេឡិចត្រូនិក ដែលបានប្រើប្រាស់រូបភាពនៃប្រាសាទអង្គរវត្ត នៅលើប្រអប់ (box) និងនៅលើផ្ទាំងមុខ (theme) នៃទូរស័ព្ទដៃម៉ាក Samsung Galaxy «J» ស៊េរី២០១៦ តាមរយៈយុទ្ធនាការ «មោទនភាពជាតិក្នុងដៃអ្នក» ក្នុងចេតនាបំផុសទឹកចិត្តស្រលាញ់ និងមោទនភាពចំពោះប្រាសាទអង្គរវត្ត។
នៅព្រឹកថ្ងៃទី១៩ ខែមិថុនា ឆ្នាំ២០១៨ នាស្នាក់ការអាជ្ញាធរជាតិអប្សរា វគ្គបណ្ដុះបណ្តាលពីជំនាញផលិតវីដេអូ និងបទយកការណ៍ដល់មន្រ្តី និងបុគ្គលិកនៅនាយកដ្ឋានផ្សព្វផ្សាយត្រូវបានចាប់ផ្តើម។ វគ្គបណ្តុះបណ្តាលមានរយៈពេល៣ថ្ងៃ គឺថ្ងៃទី១៩-២១ ខែមិថុនា ឆ្នាំ២០១៨ រៀបចំឡើងក្នុងបំណងដើម្បីពង្រឹងការផលិតវីដេអូ និងបទយកការណ៍ បម្រើដល់ប្រយោជន៍ក្នុងការផ្សាយចេញនូវសមិទ្ធិផលនានាអាជ្ញាធរជាតិអប្សរាឲ្យកាន់តែទូលំទូលាយ។ សិក្ខាកាមដែលចូលរួមវគ្គបណ្ដុះបណ្តាលនេះ គឺជាមន្រ្តី និងបុគ្គលិកនាយកដ្ឋានផ្សព្វផ្សាយចំនួន១៣នាក់ និងមន្ត្រីសាលាខេត្តកំពង់ធំចំនួន០៤នាក់ សរុបមានចំនួន ១៧នាក់។
ដើមដំបូងមុន12345...166167បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
9238
ម្សិលមិញ
:
10837
សប្តាហ៍នេះ
:
69530
ខែនេះ
:
0210861
សរុប
:
005848167