ព័ត៌មានថ្មីៗ

អាជ្ញាធរជាតិអប្សរា និងសហភាពសហព័ន្ធយុវជនកម្ពុជាជួបពិភាក្សាអំពីការរៀបចំព្រឹត្តិការណ៍អង្គរសង្ក្រាន្តឆ្នាំថ្មីនៅរមណីយដ្ឋានអង្គរ

បានផ្សាយនៅ ថ្ងៃទី 23 ខែ មករា ឆ្នាំ2018 10:42 AM ដោយ ៖ អាជ្ញាធរជាតិអប្សរា

ព្រឹក ថ្ងៃទី២២ ខែមករា ឆ្នាំ២០១៨នេះ អាជ្ញាធរជាតិអប្សរា និងសហភាពសហព័ន្ធយុវជនកម្ពុជាបានជួបពិភាក្សាគ្នាអំពីដំណើរការរៀបចំព្រឹត្តិការណ៍អង្គរសង្ក្រាន្ត្រឆ្នាំថ្មី ឆ្នាំ ច សំរឹទ្ធិស័ក ព.ស ២៥៦២ នៅអគ្គនាយកដ្ឋាននៃអាជ្ញាធរជាតិអប្សរា។

កិច្ចពិភាក្សានេះធ្វើឡើងក្រោមអធិបតីភាពឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា និងឯកឧត្តម សុខ សប្បាយណា ប្រធានផ្នែកប្រតិបត្តិនៃព្រឹត្តការណ៍អង្គរសង្រ្កាន្ត តំណាងឯកឧត្តម ហ៊ុន ម៉ានី ប្រធានសហភាពសហព័ន្ធកម្ពុជា(ស.ស.យ.ក) ដោយមានការចូលរួមពីថ្នាក់ដឹកនាំ និងក្រុមការងារជាច្រើនរូបទៀត។

មានប្រសាសន៍ក្នុងជំនួបពិភាក្សានេះ ឯកឧត្តម សុខ សប្បាយណា បានរៀបរាប់អំពីភាពជោគជ័យជាបន្តបន្ទាប់នៃព្រឹត្តការណ៍អង្គរសង្រ្កាន្តរយៈពេល៥ឆ្នាំកន្លងមក ជាពិសេសកំណើនភ្ញៀវមកទស្សនាកម្សាន្តតាំងពីចំនួនប្រមាណជាង៧ម៉ឺននាក់នៅឆ្នាំ២០១៣ កើនរហូតដល់ជាង១លាន៦សែននាក់នៅឆ្នាំ២០១៧កន្លងទៅ។

តាមគម្រោងសម្រាប់ឆ្នាំទី៦នេះព្រឹត្តិការណ៍ជាប្រវត្តិសាស្ត្រនេះ អង្គរសង្ក្រាន្តនឹងកែសម្រួល និងបន្ថែមនូវកម្មវិធីថ្មីៗមួយចំនួនទៀត ដើម្បីឲ្យមានទាក់ទាញកាន់តែខ្លាំង ដូចជាកម្មវិធីបំបួសនាគ កម្មវិធីសមាធិនៅក្បែរប្រាសាទអង្គរវត្ត កម្មវិធីព្រៃប្រសិទ្ធីដើម្បីបណ្តុះការស្រឡាញ់ព្រៃឈើនិងសត្វព្រៃ និងកម្មវិធីបាញ់ព្រួញជាដើម។

ជាមួយគ្នានេះ ឯកឧត្តម សុខ សប្បាយណា ក៏បានលើកឡើងនូវសំណើចំនួន១០៤ចំណុច ពាក់ព័ន្ធនឹងសមត្ថកិច្ចរបស់អាជ្ញាធរជាតិអប្សរាក្នុងការជំរុញឲ្យព្រឹត្តិការប្រព្រឹត្តទៅដោយរលូនដូចជា ការកាត់ក្រីមែកឈើបញ្ជៀសគ្រោះថ្នាក់ ការថែទាំទីធ្លាសៅបៃតងរហូតដល់កម្មវិធី និងទីតាំងរៀបចំកម្មវិធីជាដើម។

ជាការឆ្លើយតប ឯកឧត្តមសុខ សង្វារ បានបង្ហាញពីជំហរគាំទ្រទាំងស្រុងរបស់អាជ្ញាធរជាតិអប្សរាចំពោះការប្រារព្ធនូវព្រឹត្តការណ៍អង្គរសង្រ្កាន្តឆ្នាំ២០១៨ខាងមុខនេះ។ ជាក់ស្តែង អាជ្ញាធរជាតិអប្សរាបានរៀបចំក្រុមការងារអង្គរសង្ក្រាន្ត និងបានដំណើរការបណ្តើរៗខ្លះទៅហើយ។ ចំពោះសំណើដែលបានលើកឡើងមកនេះ អាជ្ញាធរជាតិអប្សរា នឹងបើកអង្គប្រជុំផ្ទៃក្នុងដើម្បីពិនិត្យសំណូមពរនីមួយៗ ដើម្បីប្រគល់ជូនមន្ត្រីជំនាញដោះស្រាយ និងឆ្លើយតបឲ្យបានទាន់ពេលវេលា។ ជាចុងក្រោយឯកឧត្តមក៏បានបង្ហាញការប្តេជ្ញាចិត្តសហការ ដើម្បីជំរុញឲ្យព្រឹត្តិការណ៍អង្គរសង្ក្រាន្តឆ្នាំថ្មីដំណើរការដោយរលូន និងកាន់តែជោគជ័យជាងឆ្នាំមុនៗថែមទៀត៕
































នាព្រឹកថ្ងៃចន្ទ ៦កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៥ ខែតុលា ឆ្នាំ២០១៨ លោក ឡុង កុសល ប្រធាននាយកដ្ឋានផ្សព្វផ្សាយ ក្នុងនាមថ្នាក់ដឹកនាំអាជ្ញាធរជាតិអប្សរា ចូលរួមព្រះរាជពិធីគោរពព្រះបរមវិញ្ញាណក្ខន្ធអតីតព្រះមហាវីរៈក្សត្រ ព្រះបរមរតនកោដ្ឋ ចំពោះការយាងចូលទីវង្គត់គម្រប់៦ព្រះវស្សា នៅព្រះរាជដំណាក់ខេត្តសៀមរាប។
ឆ្លងកាត់ជីវិតសិក្សា បទពិសោធន៍ការងារផ្នែកបុរាណវិទ្យា និងការស្រាវជ្រាវជាង២០ឆ្នាំជាមួយស្ថាប័នជាតិ-អន្តរជាតិ លោកបណ្ឌិត អ៊ា ដារិទ្ធ អនុប្រធានមជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរនៃអាជ្ញាធរជាតិអប្សរា ត្រូវបានសកលវិទ្យាល័យ CORNELL សហរដ្ឋអាមេរិក អញ្ជើញឱ្យទៅសហការបង្រៀនជាមួយសាស្ត្រាចារ្យ Kaja McGowan រយៈពេល១ឆមាស ចាប់ពីថ្ងៃទី១ សីហា ដល់២៤ ធ្នូ ឆ្នាំ២០១៨។
ដើម្បីពង្រីកវិសាលភាពនៃរមណីយដ្ឋានអង្គរលើឆាកអន្តរជាតិ តាមរយៈការចងសម្ពន្ធភាពជាមួយរមណីយដ្ឋានផ្សេងៗលើសកលលោក នាថ្ងៃទី៤ ខែតុលា ឆ្នាំ២០១៨នេះ អាជ្ញាធរអប្សរាបានសម្រេចុះអនុស្សារណៈនៃការយោគយល់គ្នាមួយជាមួយឧទ្យានណាយហ្គារ៉ា នៃប្រទេសកាណាដា។ អនុស្សារណៈនេះធ្វើឡើងស្របគ្នានឹងពិធីប្រកាសសម្ពោធស្ថានកុងស៊ុលកិត្តិយសនៃព្រះរាជាណាចក្រកម្ពុជាប្រចាំទីក្រុងតូរ៉ុនតូនៃប្រទេសកាណាដា ក្នុងន័យរឹតចំណងភាពជាបងប្អូននៃរមណីយដ្ឋានពិភពលោកទាំងពីរគឺ រមណីយដ្ឋានអង្គរ និងឧទ្យានណាយហ្គារ៉ា ដើម្បីស្វែងរកកិច្ចសហការរួមគ្នា លើការងារគ្រប់គ្រង និងអភិវឌ្ឍន៍ទេសចរណ៍នៃរមណីយដ្ឋានទាំងពីរ។
នៅព្រឹកថ្ងៃទី២៧ ខែកញ្ញា ឆ្នាំ២០១៨ អាជ្ញាធរជាតិអប្សរា បានរៀបចំការប្រឡងជ្រើសរើសភ្ញាក់ងារទេសចរណ៍សម្រាប់ឆ្នាំ ២០១៨។ ការប្រឡងនេះ ត្រូវបានរៀបចំឡើងនៅសាលសន្និសីទអង្គរ នៃអាជ្ញាធរជាតិអប្សរា។
ដើមដំបូងមុន12345...179180បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
2672
ម្សិលមិញ
:
2288
សប្តាហ៍នេះ
:
04960
ខែនេះ
:
0036620
សរុប
:
007291051