ព័ត៌មានថ្មីៗ

គម្រោងសុវុឌ្ឍិកម្មនៃការសម្អាតទឹក និងការគ្រប់គ្រងទឹកក្នុងតំបន់អង្គរបង្ហាញលទ្ធផលជាវិជ្ជមានជុំវិញគម្រោងសាកល្បងទីផ្សារអនាម័យនៅតំបន់អង្គរ

បានផ្សាយនៅ ថ្ងៃទី 16 ខែ មករា ឆ្នាំ2018 10:01 AM ដោយ ៖ អាជ្ញាធរជាតិអប្សរា

នៅព្រឹកថ្ងៃទី១៥ ខែមករា ឆ្នាំ២០១៨ គម្រោងសុវុឌ្ឍិកម្មនៃការសម្អាតទឹក និងការគ្រប់គ្រងទឹកក្នុងតំបន់អង្គរ (PAAGERA) បានរៀបចំបទបង្ហាញស្តីពីលទ្ធផលគម្រោងសាកល្បងទីផ្សារអនាម័យ ដើម្បីចែករំលែកបទពិសោធន៍ ដល់មន្ត្រីបុគ្គលិក៣៥រូបនៃអាជ្ញាធរជាតិអប្សរា ដែលធ្វើការងារពាក់ព័ន្ធនឹងការអប់រំប្រជាពលរដ្ឋ។

ការធ្វើបទបង្ហាញនៅពេលនេះ គឺធ្វើឡើងក្រោយពីគម្រោងបានអនុវត្តកម្មវិធីទីផ្សារអនាម័យទៅលើឃុំចំនួន២ ក្នុងស្រុកបន្ទាយស្រី គឺឃុំរុនតាឯក និងឃុំរំចេក ពីខែមករា ដល់ឧសភា ឆ្នាំ២០១៧កន្លងទៅ។ តាមរយៈបទបង្ហាញដោយលោក សេង គុយស្រ៊ាន់ ទីប្រឹក្សាគម្រោងPAAGERA បង្ហាញថា គម្រោងទីផ្សារអនាម័យធ្វើឡើងដោយអនុវត្តជាមួយភ្នាក់ងារលក់បង្គន់ ដោយការបណ្តុះបណ្តាលភ្នាក់ងារលក់ និងការអប់រំផ្សព្វផ្សាយផ្ទាល់ជាមួយសហគ្រាសផលិតបង្គន់។ ជាមួយគ្នានេះ ក្រុមការងារក៏សហការជាមួយអជ្ញាធរមូលដ្ឋានដោយជំរុញ និងលើកទឹកចិត្តប្រជាជនចូលរួមសហការនិងសាងសង់បង្គន់ តាមដាននិងសហការជាមួយភាគីពាក់ព័ន្ធផ្សេងៗទៀត។

លោក គុយស្រ៊ាន់ ក៏បានបង្ហាញលទ្ធផលដែលមានការរីកចម្រើនគួរឲ្យកត់សម្គាល់នៃការអនុវត្តគម្រោងដូចជា ក្រោយអនុវត្តគម្រោង បង្គន់លក់បានចំនួន៣៣១ ក្នុងនោះឃុំគោលដៅបានចំនួន១១៦បង្គន់។ ដោយគិតជារួម ឃុំរំចេកមានគ្រួសារដែលមានបង្គន់ប្រើប្រាស់កើនឡើង៥% ស្មើនឹង៥៧% (មុនអនុវត្តគម្រោងមានត្រឹមតែ៥២%) ចំណែកឃុំរុនតាឯកកើនឡើងចំនួន៨% ស្មើនឹង៣៣% (មុនគម្រោងមានត្រឹមតែ២៥%)។

លោកជូ រ៉ាឌីណា អ្នកសម្របសម្រួលគម្រោងមានប្រសាសន៍ថា គម្រោងសាកល្បងទីផ្សារអនាម័យក្នុងតំបន់អង្គរមានគោលដៅបញ្ឈប់ការបន្ទោបង់ពាសវាលពាសកាល ស្របតាមយុទ្ធសាស្រ្តរបស់រាជរដ្ឋាភិបាលកម្ពុជាដែលបានដាក់ចេញបញ្ហាអនាម័យគឺធ្វើយ៉ាងណាឱ្យប្រជាពលរដ្ឋមានបង្គន់អនាម័យសមស្របនៅឆ្នាំ២០២៥។

លោកបញ្ជាក់ថាបន្ទាប់ពីបញ្ចប់គម្រោងនេះជោគជ័យ នឹងមានការអនុវត្តនៅភូមិ ឃុំផ្សេងៗទៀតក្នុងតំបន់អង្គរ។ ជាចុងក្រោយលោក ជូ រ៉ាឌីណា ក៏បានស្នើដល់ប្រជាពលរដ្ឋឱ្យចូលរួមសហការជាមួយក្រុមការងារអាជ្ញាធរអប្សរា ដែលចុះផ្សព្វផ្សាយក្នុងការប្រើប្រាស់បង្គន់ និងឱ្យពួកគាត់ចូលរួមឱ្យបានច្រើនពិសេសអ្នកដែលមិនទាន់មានបង្គន់សម្រាប់ប្រើប្រាស់ ហើយផ្លាស់ប្តូរទម្លាប់ពីការបន្ទោបង់ពាសវាលពាសកាល មកប្រើប្រាស់បង្គន់អនាម័យវិញ៕




















នៅរសៀលថ្ងៃទី១៧ មករា ឆ្នាំ ២០១៩ នៅស្នាក់ការអាជ្ញាធរជាតិអប្សរា មានជំនួបពិភាក្សាការងាររវាងថ្នាក់ដឹកនាំនៃអាជ្ញាធរជាតិអប្សរា និងគណៈប្រតិភូប្រទេសកាណាដា ដើម្បីពិភាក្សាលើកិច្ចសហប្រតិបត្តិការមួយចំនួនទៅថ្ងៃអនាគត។ តំណាងអាជ្ញាធរជាតិអប្សរា ដឹកនាំដោយឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ និងគណៈប្រតិភូកាណាដា ដឹកនាំដោយឯកឧត្តម Geng Tan សមាជិករដ្ឋសភានៃរដ្ឋ Ontario។
គម្រោង ប៉ាជឺរ៉ា (PAAGERA) ដែលជាកិច្ចសហការរវាងអាជ្ញាធរជាតិអប្សរា និងរដ្ឋាភិបាលបារាំង បាននិងកំពុងអនុវត្តន៍ដោយផ្តល់ថវិកាបដិភាគសង់បង្គន់អនាម័យសម្រាប់ប្រជាពលរដ្ឋរស់នៅរមណីយដ្ឋានអង្គរ។ គម្រោងនេះគ្របដណ្តប់លើភូមិទាំងអស់ក្នុងតំបន់រមណីយដ្ឋានអង្គរ គឺផ្តល់ជូនគ្រួសារនានាកំពុងរស់នៅតំបន់រមណីយដ្ឋានអង្គដែលមានបំណងចង់បានបង្គន់អនាម័យប្រើប្រាស់ជាលក្ខណៈឯកជន តែខ្វះថវិកាដើម្បីសង់បង្គន់អនាម័យដែលមានភាពល្អប្រសើរ។
អ្នកជំនាញអភិរក្សថ្មនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការបស់អាជ្ញាធរជាតិអប្សរា សហការជាមួយស្ថាប័ន GIZ រួមទាំងអ្នកស្រាវជ្រាវកូរ៉េ បានពិភាក្សាផ្លាស់ប្តូរយោបល់លម្អិតតាមជំនាញនីមួយៗ ដើម្បីបំពេញការងារអភិរក្សក្នុងការប្រើប្រាស់បច្ចេកទេសនិងសម្ភារៈដែលមិនប៉ះពាល់ដល់ការជួសជុលព្រះពុទ្ធរូបពីរអង្គសម័យក្រោយអង្គរស្ថិតនៅប្រាង្គកណ្តាលនៃប្រាសាទប្រែរូប។
ឆ្លៀតក្នុងឱកាសអញ្ជើញទស្សនកិច្ចនៅខេត្តសៀមរាបរយៈពេល២ថ្ងៃ ពីថ្ងៃទី៤-៥ ខែធ្នូ ឆ្នាំ២០១៨ ដើម្បីចូលរួមជាអធិបតីក្នុងពិធីបើកជាផ្លូវការខួបលើកទី ២៥ឆ្នាំ នៃការបង្កើតគណៈកម្មាធិការអន្ដរជាតិ អាយស៊ីស៊ី-អង្គរ និងកិច្ចប្រជុំបច្ចេកទេសលើកទី៣១ កិច្ចប្រជុំពេញអង្គលើកទី២៥ នៃអាយស៊ីស៊ី-អង្គរ លោកជំទាវ Audrey AZOULAY អគ្គនាយិកាយូណេស្កូ បានធ្វើទស្សនកិច្ចតាមការដ្ឋានជួសជុល តាមប្រាសាទមួយចំនួនក្នុងរមណីយដ្ឋានអង្គរ ដោយមានការអមដំណើរដោយឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា និងមន្ត្រីមួយចំនួននៃអង្គការយូណេស្កូ។
៧មករា ១៩៧៩ - ៧មករា ២០១៩ គឺមានរយៈពេល៤០ឆ្នាំហើយដែលប្រទេសកម្ពុជា ប្រជាជនកម្ពុជា បានរួចផុតពីរបបប្រល័យពូជសាសន៍ដ៏យង់ឃ្នងដែលមានរយៈពេល៣ឆ្នាំ ៨ខែ ២០ថ្ងៃ ក្រោមការគ្រប់គ្រងរបស់ប៉ុលពត។
ដើមដំបូងមុន12345...192193បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
7447
ម្សិលមិញ
:
14475
សប្តាហ៍នេះ
:
42628
ខែនេះ
:
0076871
សរុប
:
007803890