ព័ត៌មានថ្មីៗ

គណៈប្រតិភូខេត្តយូណាន ស្វែងរកកិច្ចសហប្រតិបត្តិការជាមួយអាជ្ញាធរជាតិអប្សរា

បានផ្សាយនៅ ថ្ងៃទី 27 ខែ ធ្នូ ឆ្នាំ2017 02:44 PM ដោយ ៖ អាជ្ញាធរជាតិអប្សរា

នៅស្នាក់ការអាជ្ញាធរជាតិអប្សរានារសៀលថ្ងៃទី ២៦ ខែធ្នូ ឆ្នាំ២០១៧ មានជំនួបពិភាក្សាការងាររវាង អាជ្ញាធរជាតិអប្សរា និងគណៈប្រតិភូខេត្ត យូណាន ដើម្បីស្វែងយល់ និងសហប្រតិបត្តិការលើការងារអភិរក្ស និងជួសជុលប្រាសាទក្នុងរមណីយដ្ឋានអង្គរ។

ជាកិច្ចចាប់ផ្តើមទៅកាន់គណៈប្រតិភូខេត្តយូណាន ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា បានរៀបរាប់ពីការងារស្នូលរបស់អាជ្ញាធរជាតិអប្សរា ដែលដើរតួយ៉ាងសំខាន់ក្នុងការងារអភិរក្ស និងអភិវឌ្ឍន៍រមណីយដ្ឋានអង្គរ។ ឯកឧត្តមបន្ថែមថា មកដល់ឆ្នាំ២០១៧នេះ គឺមានរយៈពេល២៥ឆ្នាំហើយ ដែលរមណីយដ្ឋានអង្គរ ត្រូវបានចុះបញ្ជីជាសម្បត្តិបេតិកភណ្ឌពិភពលោក នាថ្ងៃទី១៤ ធ្នូ ឆ្នាំ១៩៩២។ ក្នុងរយៈពេលនេះ អង្គរទទួលបានជោគជ័យជាច្រើនទាំងក្របខណ្ឌជាតិ និងអន្តរជាតិ ពោលគឺយើងសម្រេចបាននូវការរក្សាតម្លៃលេចធ្លោជាសកលនៃអង្គរតាមរយៈការងារអភិរក្ស ការងារអភិវឌ្ឍន៍ប្រកបដោយចីរភាពដែលផ្តោតលើវិស័យទេសចរណ៍ បរិស្ថាន ព្រៃឈើ និងសហគមន៍មនុស្ស។

លោក Zhou Hong អគ្គនាយករងទទួលបន្ទុកផ្នែកការងាររៀបចំអភិវឌ្ឍន៍ក្រុង នៃខេត្តយូណាន បានរៀបរាប់ពីភូមិសាស្រ្តនៃខេត្តយូណាន ជាពិសេសខេត្តនេះមានរមណីយដ្ឋានចំនួន ៥ ដែលបានចូលក្នុងបញ្ជីបេតិកភណ្ឌពិភពលោក។ លោក Zhou Hong បានដឹកនាំប្រតិភូទស្សនាប្រាសាទក្នុងរមណីយដ្ឋានអង្គរ និងបានមើលឃើញពីការងារជួសជុលទាំងឡាយ ហើយលើកសរសើរថា ការជួសជុលនោះមានបច្ចេកទេសត្រឹមត្រូវ ដែលគួររៀនសូត្រតាម។ ក្រៅពីកោតសរសើរចំពោះការងារអភិរក្សហើយនោះ លោក Zhou Hong ក៏បានអញ្ជើញឯកឧត្តមអគ្គនាយកអាជ្ញាធរជាតិអប្សរា ទៅទស្សនកិច្ចនៅខេត្ត យូណានផងដែរ។

ជាកិច្ចឆ្លើយតប ឯកឧត្តមបណ្ឌិត ស៊ុំ ម៉ាប់ បានសម្តែងអារម្មណ៍រីករាយ និងស្វាគមន៍ចំពោះគម្រោងកិច្ចសហប្រតិបត្តិការនានា ក្នុងបំណងអភិរក្ស និងជួសជុលរមណីយដ្ឋានអង្គរ ជាពិសេសការផ្លាស់ប្តូរបទពិសោធន៍ល្អៗរវាងគ្នាទោវិញទៅមក និងការបណ្តុះបណ្តាលធនធានមនុស្ស។ ជាមួយគ្នាដែរនោះឯកឧត្តមក៏បានបញ្ជាក់ថា បច្ចុប្បន្ននេះអាជ្ញាធរជាតិអប្សរាក៏មានសហប្រតិបត្តិការជាមួយស្ថាប័នបណ្ឌិតសភាចិនសម្រាប់បេតិកភណ្ឌវប្បធម៌ ដែលបានជួសជុលប្រាសាទចៅសាយទេវតា និងកំពុងដំណើរការជួសជុលប្រាសាទតាកែវ។ បច្ចុប្បន្ន មានប្រទេស និងស្ថាប័នអន្តរជាតិជាង ៥០ ដែលកំពុងចូលរួមជួសជុលប្រាសាទក្នុងរមណីយដ្ឋានអង្គរ ទៅលើប្រាសាទជាង ៥០ ក្នុងចំណោម ៩១ប្រាសាទ ដែលបានចុះបញ្ជីជាសម្បត្តិបេតិកភណ្ឌពិភពលោកនៅកម្ពុជា៕








សិស្សានុសិស្សដែលកំពុងរៀនថ្នាក់ទី៤,៥ និងទី៦ នៅក្នុងរមណីយដ្ឋានអង្គរ ទទួលបានការបណ្ដុះបណ្តាលក្នុងគម្រោងអប់រំបរិស្ថាន ដែលជាគម្រោងសហការជាមួយអាជ្ញាធរជាតិអប្សរា ស្ថាប័នធានាគុណភាពជប៉ុន (JQA) មន្ទីរអប់រំ យុវជន និងកីឡា និងសាកលវិទ្យាល័យ សូហ្វីយ៉ា។ សិស្សានុសិស្សទាំងនោះ ត្រូវបានអប់រំឱ្យស្គាល់សំរាម ប្រភពដែលបណ្ដាលឱ្យមានសំរាម របៀបកាត់បន្ថយសំរាម រួមនិងដំណោះស្រាយជាដើម។ល។
ជាគោលនយោបាយរបស់អាជ្ញាធរជាតិអប្សរាក្នុងការអភិរក្សតំបន់អង្គរមានទាំង ជំនឿ សាសនា សិល្បៈ ទំនៀមទម្លាប់ របៀបរបបរស់នៅ និងលើកកម្ពស់ជីវភាពប្រជាពលរដ្ឋ អាជ្ញាធរជាតិអប្សរាតែងសហការ ផ្តល់យោបល់ ជួយគាំទ្រាំសហគមន៍ ដើម្បីឱ្យសហគមន៍មានគំនិតឆ្នៃប្រឌិត និងចូលរួមអភិវឌ្ឍន៍សហគមន៍ខ្លួនដោយខ្លួនឯង។
សេចក្ដីជូនដំណឹងស្ដីពី ការកាត់ដកហូតដើមឈើ និងកាត់ក្រីមែកឈើដែលមានហានិភ័យខ្ពស់នៅតាមបរិវេណប្រាសាទ ក្នុងរមណីយដ្ឋានអង្គរ

សេចក្ដីជូនដំណឹងស្ដីពីការជីកប្រឡាយតាមព្រំផ្ទៃដីព្រៃឈើ ដើម្បីការពារ និងរក្សាព្រៃឈើក្នុងឧទ្យានអង្គរ
ជាការរួមចំណែកជាមួយវិស័យអប់រំក្នុងការបណ្តុះបណ្តាលកុមារឱ្យស្គាល់ពីប្រាង្គប្រាសាទ ប្រវត្តិភូមិសាស្ត្រ និងវប្បធម៌ប្រពៃណីក្នុងតំបន់ នាយកដ្ឋានផ្សព្វផ្សាយនៃអាជ្ញាធរជាតិអប្សរា បានបណ្តុះបណ្តាលដល់សិស្សានុសិស្សអំពីបេតិកភណ្ឌក្នុងតំបន់អង្គរនៅសាលាបឋមសិក្សា ហ៊ុន សែន ស្វាយចេក ចំនួន២០០នាក់ ឱ្យស្គាល់ ចូលរួម ថែរក្សា ការពារបុរាណដ្ឋាន ទំនៀមទម្លាប់ ជំនឿសាសនា និងបរិស្ថានក្នុងតំបន់ដែលពួកគេរស់នៅ កាលពីថ្ងៃទី១២ ខែធ្នូ ឆ្នាំ២០១៨។
ដើមដំបូងមុន12345...190191បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
1
ថ្ងៃនេះ
:
1848
ម្សិលមិញ
:
2569
សប្តាហ៍នេះ
:
07601
ខែនេះ
:
0100760
សរុប
:
007691459