ព័ត៌មានថ្មីៗ

ប្រាសាទតាសោម

បានផ្សាយនៅ ថ្ងៃទី 25 ខែ តុលា ឆ្នាំ2017 10:41 AM ដោយ ៖ អាជ្ញាធរជាតិអប្សរា

ប្រាសាទតាសោម បានកសាងឡើងនៅចុងស.វទី១២ ដើមស.វទី១៣នៃគ.ស ក្នុងរជ្ជកាលព្រះបាទជ័យវរ្ម័នទី៧។ ប្រាសាទនេះមានទីតាំងស្ថិតនៅវង់ធំ ខាងកើតប្រាសាទនាគព័ន្ធ មានកំពែង៣ជាន់ ហើយកំពែងនីមួយៗមានខ្លោងទ្វារចេញចូលនិងសំណង់ប្រាង្គកណ្តាលរំលេចដោយក្បាច់រចនាដ៏ច្រើន។

ប្រាសាទតាសោម ត្រូវបានគេបំផ្លាញដោយចេតនាក្នុងរវាងស.វទី១៥ឬ១៦ ដែលធ្វើឱ្យប្រាសាទនេះស្ថិតក្នុងសភាពបែកបាក់និងទ្រុឌទ្រោមយ៉ាងធ្ងន់ធ្ងរអស់ជាច្រើនរយឆ្នាំ។ នៅឆ្នាំ១៩៩៨ អង្គការមូលនិធិប្រាសាទពិភពលោក (WMF) និងអាជ្ញាធរជាតិអប្សរាបានសហការគ្នារៀបចំគម្រោងអភិរក្សប្រាសាទតាសោមឡើងវិញ ហើយបានបញ្ចប់គម្រោងឱ្យរួចរាល់ជាស្ថាពរនៅឆ្នាំ២០១២។

កិច្ចការដែលអង្គការមូលនិធិប្រាសាទពិភពលោកបានធ្វើនៅប្រាសាទតាសោម គឺបានរៀបចំឯកសារទាក់ទងនឹងប្រាសាទ ពង្រឹងរចនាសម្ពន្ធសំណង់ដែលបាក់បែក ខូចខាត និងត្រង់ផ្នែកដែលរលំធ្លាក់ឱ្យរឹងមាំល្អ ព្រមទាំងរៀបចំសម្រួលដល់ការទស្សនារបស់ភ្ញៀវទេសចរ ក៏ដូចជាពន្យល់រៀបរាប់បង្ហាញពីប្រវត្តិសាស្ត្រទាក់ទងនឹងប្រាសាទតាសោមផងដែរ។ បន្ថែមពីនោះ ក្រុមការងារគម្រោងក៏បានសម្អាតច្រកចេញចូល រោងទង និងទីធ្លាជុំវិញប្រាសាទឱ្យស្អាត ដើម្បីសម្រួលដល់ការឆ្លងកាត់ពីលិចទៅកើត។ ពិសេសគឺខ្លោងទ្វារខាងលិចនិងខាងកើត ក៏ត្រូវបានធ្វើការជួសជុលនិងពង្រឹងឡើងវិញឱ្យមាំទាំនិងធានាបាននូវសុវត្ថិភាពដល់ភ្ញៀវទេសចរពេលឆ្លងកាត់។

បើទោះបីប្រាសាទនេះតូច នៅឆ្ងាយបន្តិចពីប្រាសាទផ្សេងៗក៏ដោយ ក៏កម្រទេសចររំលងណាស់ ព្រោះប្រាសាទនេះមានក្បាច់រចនាល្អរស់រវើក មានប្រវត្តិដ៏គួរឱ្យចាប់អារម្មណ៍ រួមទាំងសោភ័ណភាពទេសភាពគួរឱ្យចង់ទស្សនា និងទៅលេងកម្សាន្ត។

តោះសូមទស្សនាកម្រងរូបភាពទិដ្ឋភាពប្រាសាទតាសោមដូចតទៅ៖
















សិស្សានុសិស្សដែលកំពុងរៀនថ្នាក់ទី៤,៥ និងទី៦ នៅក្នុងរមណីយដ្ឋានអង្គរ ទទួលបានការបណ្ដុះបណ្តាលក្នុងគម្រោងអប់រំបរិស្ថាន ដែលជាគម្រោងសហការជាមួយអាជ្ញាធរជាតិអប្សរា ស្ថាប័នធានាគុណភាពជប៉ុន (JQA) មន្ទីរអប់រំ យុវជន និងកីឡា និងសាកលវិទ្យាល័យ សូហ្វីយ៉ា។ សិស្សានុសិស្សទាំងនោះ ត្រូវបានអប់រំឱ្យស្គាល់សំរាម ប្រភពដែលបណ្ដាលឱ្យមានសំរាម របៀបកាត់បន្ថយសំរាម រួមនិងដំណោះស្រាយជាដើម។ល។
ជាគោលនយោបាយរបស់អាជ្ញាធរជាតិអប្សរាក្នុងការអភិរក្សតំបន់អង្គរមានទាំង ជំនឿ សាសនា សិល្បៈ ទំនៀមទម្លាប់ របៀបរបបរស់នៅ និងលើកកម្ពស់ជីវភាពប្រជាពលរដ្ឋ អាជ្ញាធរជាតិអប្សរាតែងសហការ ផ្តល់យោបល់ ជួយគាំទ្រាំសហគមន៍ ដើម្បីឱ្យសហគមន៍មានគំនិតឆ្នៃប្រឌិត និងចូលរួមអភិវឌ្ឍន៍សហគមន៍ខ្លួនដោយខ្លួនឯង។
សេចក្ដីជូនដំណឹងស្ដីពី ការកាត់ដកហូតដើមឈើ និងកាត់ក្រីមែកឈើដែលមានហានិភ័យខ្ពស់នៅតាមបរិវេណប្រាសាទ ក្នុងរមណីយដ្ឋានអង្គរ

សេចក្ដីជូនដំណឹងស្ដីពីការជីកប្រឡាយតាមព្រំផ្ទៃដីព្រៃឈើ ដើម្បីការពារ និងរក្សាព្រៃឈើក្នុងឧទ្យានអង្គរ
ជាការរួមចំណែកជាមួយវិស័យអប់រំក្នុងការបណ្តុះបណ្តាលកុមារឱ្យស្គាល់ពីប្រាង្គប្រាសាទ ប្រវត្តិភូមិសាស្ត្រ និងវប្បធម៌ប្រពៃណីក្នុងតំបន់ នាយកដ្ឋានផ្សព្វផ្សាយនៃអាជ្ញាធរជាតិអប្សរា បានបណ្តុះបណ្តាលដល់សិស្សានុសិស្សអំពីបេតិកភណ្ឌក្នុងតំបន់អង្គរនៅសាលាបឋមសិក្សា ហ៊ុន សែន ស្វាយចេក ចំនួន២០០នាក់ ឱ្យស្គាល់ ចូលរួម ថែរក្សា ការពារបុរាណដ្ឋាន ទំនៀមទម្លាប់ ជំនឿសាសនា និងបរិស្ថានក្នុងតំបន់ដែលពួកគេរស់នៅ កាលពីថ្ងៃទី១២ ខែធ្នូ ឆ្នាំ២០១៨។
ដើមដំបូងមុន12345...190191បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
1697
ម្សិលមិញ
:
2569
សប្តាហ៍នេះ
:
07450
ខែនេះ
:
0100609
សរុប
:
007691308