ព័ត៌មានថ្មីៗ

គម្រោងជួសជុលក្រុមប្រាសាទព្រះពិធូរនាំចូលឧបករណ៍ពិសោធន៍ថ្ម ដើម្បីបម្រើការងារអភិរក្សជួសជុលរបស់ខ្លួន

បានផ្សាយនៅ ថ្ងៃទី 13 ខែ តុលា ឆ្នាំ2017 02:15 PM ដោយ ៖ អាជ្ញាធរជាតិអប្សរា

ក្រុមការងារអភិរក្សជួសជុលក្រុមប្រាសាទព្រះពិធូរគឺមូលនិធិបេតិកភណ្ឌវប្បធម៌កូរ៉េ (KCHF) និងភ្នាក់ងារសហប្រតិបត្តិការអន្តរជាតិកូរ៉េ (KOICA) បាននាំចូលឧបករណ៍ពិសោធន៍កម្រិតរឹងមាំនៃថ្ម ដែលមានឈ្មោះថា Universal Testing Machine (UTM) ដើម្បីបម្រើដល់ការងារចាំបាច់របស់ខ្លួន។

លោក Kim Jiseo អ្នកគ្រប់គ្រងគម្រោងជួសជុលនេះ បញ្ជាក់នៅរសៀលថ្ងៃទី១២ ខែតុលាថា ការនាំចូលឧបករណ៍ពិសោធន៍ថ្មមកក្នុងគម្រោងនេះ ដោយសារនៅប្រទេសកម្ពុជាមិនទាន់ម៉ាស៊ីនប្រភេទនេះនៅឡើយ។ កន្លងមក ក្រុមគម្រោងផ្សេងៗតែងយកបំណែកថ្មទៅពិសោធនៅប្រទេសផ្សេងៗដូចជា ជប៉ុន ឬថៃជាដើម។

លោកបន្ថែមថា ការនាំចូលម៉ាស៊ីនប្រភេទនេះមកកម្ពុជានឹងជំរុញឲ្យការងារដំណើរការបានលឿន ហើយងាយស្រួល។ ម៉ាស៊ីននេះនឹងជួយយើងឲ្យដឹងអំពីកម្រិតរឹងមាំរបស់ថ្មថា តើអាចប្រើប្រាស់បានយូរប៉ុនណាទៀត ដើម្បីយើងសម្រេចចិត្តប្រើប្រាស់ឡើងវិញឬអត់។ ដូច្នេះ រាល់ថ្មដែលត្រូវប្រើប្រាស់ក្នុងគម្រោងទាំងថ្មចាស់ដែលមានស្រាប់ និងថ្មថ្មីដែលត្រូវជំនួស គឺត្រូវឆ្លងកាត់ពិសោធន៍ពីម៉ាស៊ីនេះ។

លោក Jiseo រៀបរាប់ថា មកទល់នឹងពេលនេះ ក្រុមគម្រោងរបស់លោកបាននាំចូលឧបករណ៍សំខាន់ជាច្រើនមុខដូចជា ម៉ាស៊ីនUTM, ម៉ាស៊ីនកាត់ថ្ម, Microscope, និងឧបករណ៍វាស់កម្រិតទឹកក្រោមដីជាដើម ដែលមានតម្លៃសរុបប្រមាណជាង១លានដុល្លារអាមេរិក។ ឧបករណ៍ទាំងនេះ ត្រូវបានប្រើប្រាស់សម្រាប់ការងារស្រាវជ្រាវ និងពិសោធន៍សម្ភារៈដែលត្រូវជួសជុលប្រាសាទ ដូចជា ថ្មបាយក្រៀម ថ្មភក់ និងលោហធាតុផ្សេងៗ។

លោកបន្ថែមថា រាល់ឧបករណ៍ទំនើបទាំងនេះ ក្រុមការងារបានបណ្តុះបណ្តាលមន្ត្រីជំនាញអាជ្ញាធរជាតិអប្សរាឲ្យចេះប្រើប្រាស់ដើម្បីបង្កើនសមត្ថភាពរបស់ពួកគាត់។ ជាក់ស្តែង មន្ត្រីជំនាញមកពីប្រទេសកូរ៉េនឹងបណ្តុះបណ្តាលមន្ត្រីអាជ្ញាធរជាតិអប្សរានូវវិធីប្រើប្រាស់ម៉ាស៊ីUTMនេះ នៅដើមខែវិច្ឆិកាខាងមុខ។

ងាកទៅគម្រោងជួសជុលក្រុមប្រាសាទព្រះពិធូរវិញ លោក Jiseo រៀបរាប់ថា ការជួសជុលបានចាប់ផ្តើមទៅលើរានហាលនៃប្រាសាទកោរសក់។ ការងារនេះកំពុងចាប់ផ្តើមដំណើរការ ដោយមានមន្ត្រីជំនាញអាជ្ញាធរជាតិអប្សរារ៣រូបដែលសហការធ្វើគឺ មន្ត្រីជំនាញផ្នែកបុរាណវិទ្យា វិស្វកម្ម និងជំនាញជួសជុល។ ក្រៅពីនេះ កម្មករខ្មែរចំនួន១២រូបកំពុងបំពេញការងារជួសជុលជាមួយអ្នកជំនាញ៕














នារសៀលថ្ងៃទី១២ ខែធ្នូ ឆ្នាំ២០១៧ អាជ្ញាធរជាតិអប្សរាបានប្រារព្ធពិធីប្រគល់មកុដមាសឬភ្នួងសក់ដែលរកឃើញនៅក្នុងកំណាយជួសជុលសាលរបាំប្រាសាទតាព្រហ្មកាលពីឆ្នាំ២០១២ រួមនឹងវត្ថុសិល្បៈបុរាណមួយចំនួន ដែលរក្សាទុកនៅអាជ្ញាធរជាតិអប្សរាកាលពីមុន ជូនក្រសួងវប្បធម៌និងវិចិត្រសិល្បៈជាអ្នករក្សាទុកជំនួសវិញ។
ក្រុមអ្នកជំនាញការជាន់ខ្ពស់ ចំនួនពីរក្រុមដែលទទួលបន្ទុកលើការងារអភិរក្ស និងការងារអភិវឌ្ឍន៍ប្រកបដោយចីរភាព នៃគណៈកម្មាធិការអន្តរជាតិដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា អាយស៊ីស៊ី-អង្គរ បានចុះពិនិត្យតាមដានការអនុវត្តការងារមួយចំនួនតាមការដ្ឋានជួសជុលក្នុងរមណីយដ្ឋានអង្គរ។ ការចុះពិនិត្យនេះ ធ្វើឡើងមុនកិច្ចប្រជុំអាយស៊ីស៊ី-អង្គរ ដែលគ្រោងនឹងរៀបចំនៅថ្ងៃទី១៣ និង១៤ ខែធ្នូ ឆ្នាំ២០១៧ នៅទីស្នាក់ការអាជ្ញាធរជាតិអប្សរា។
គណៈកម្មាធិការអន្តរជាតិដើម្បីសម្របសម្រួលកិច្ចគាំពារនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរហៅកាត់ថា អាយស៊ីស៊ី-អង្គរ (International Coordination Committee for the Safeguarding and Development of Historic Site of Angkor : ICC-Angkor) នឹងបើកកិច្ចប្រជុំពេញអង្គលើកទី២៤របស់ខ្លួន នៅថ្ងៃទី១៣ និងទី១៤ ខែធ្នូ ឆ្នាំ២០១៧ នាសាលសន្និសីទអង្គរ នៅមជ្ឈមណ្ឌលអាជ្ញាធរជាតិអប្សរា។
នៅរសៀលថ្ងៃទី១១ ខែធ្នូ ឆ្នាំ២០១៧ ក្រុមអ្នកជំនាញការជាន់ខ្ពស់ផ្នែកអភិរក្សនៃគណៈកម្មាធិការអាយស៊ីស៊ី-អង្គរ បានចុះត្រួតពិនិត្យមើលការងារចុះរុះរើសំណង់ខុសច្បាប់ក្នុងរមណីយដ្ឋានអង្គរ។
អស់រយៈពេល៥ថ្ងៃមានទាំងរត់ ជិះកង់ ចែវទូក បាញ់ធ្នូ ឆ្លងកាត់ឧបសគ្គជាច្រើននៅក្នុងទឹកដីអង្គរ ព្រឹត្តិការណ៍កីឡាអន្តរជាតិ Raid Amazones បានបញ្ចប់យ៉ាងជោគជ័យ និងប្រារព្ធពិធីបិទនៅសណ្ឋាគារប៉ារ៉ាឌីស វីឡា អង្គរ នាយប់ថ្ងៃទី០៩ ខែធ្នូ ឆ្នាំ២០១៧ ក្រោមវត្តមានឯកឧត្តម សុខ សង្វារ អគ្គនាយរងអាជ្ញាធរជាតិអប្សរាតំណាងអគ្គនាយក លោក ALEXANDER DEBANNE អ្នករៀបចំកម្មវិធី និងលោក ហ៊ុន សុជាតិ អ្នកសម្របសម្រួលកម្មវិធី រួមទាំងកីឡាការនីទាំង៣៤៧នាក់ចូលរួមយ៉ាងសប្បាយរីករាយ។
ដើមដំបូងមុន12345...137138បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
2566
ម្សិលមិញ
:
5895
សប្តាហ៍នេះ
:
14117
ខែនេះ
:
0116989
សរុប
:
004221725