ព័ត៌មានថ្មីៗ

ការតាំងពិព័រណ៌រូបថតតំបន់អង្គរនៅតំបន់ភ្នំហ័ងសាននៃសាធារណៈរដ្ឋប្រជាមានិតចិនបានសម្ពោធជាផ្លូវការហើយ

បានផ្សាយនៅ ថ្ងៃទី 27 ខែ សីហា ឆ្នាំ2017 08:26 AM ដោយ ៖ អាជ្ញាធរជាតិអប្សរា

រូបថតតំបន់អង្គរចំនួន១០០ផ្ទាំង ដែលបង្ហាញអំពីប្រាង្គប្រាសាទ បរិស្ថាន និងប្រពៃណី ទំនៀមទម្លាប់ប្រជាជនអ្នកស្រុកអង្គរ ត្រូវបានសម្ពោធដាក់តាំងពិព័រណ៌ជាផ្លូវការ នៅព្រឹកថ្ងៃទី២៦ ខែសីហា ឆ្នាំ២០១៧ នេះ ក្រោមអធិបតីភាព ឯកឧត្តម Kong Xiahong អភិបាលក្រុងហ័ងសាន ឯកឧត្តម សុខ សង្វារ អគ្គនាយករងអាជ្ញាធរជាតិអប្សរា និងលោក សូរ ប្លាតុង អភិបាលក្រុងសៀមរាប នៅសណ្ឋាគារ Xihai លើកំពូលភ្នំហ័ងសាន ខេត្តអានហ៊ុយ សាធារណៈរដ្ឋប្រជាមានិតចិន។

ថ្លែងក្នុងពិធីនេះ ឯកឧត្តម Kong Xiahong អភិបាលក្រុងហ័ងសាន បានសម្តែងនូវការស្វាគមន៍យ៉ាងកក់ក្តៅចំពោះប្រតិភូកម្ពុជា និងបានលើកឡើងពីចំណងមិត្តភាព ព្រមទាំងកិច្ចសហប្រតិបត្តិការយ៉ាងជិតស្និតរវាងប្រទេសទាំងពីរ កម្ពុជា-ចិន។ ឯកឧត្តមក៏បានថ្លែងអំណរគុណចំពោះថ្នាក់ដឹកនាំនិងក្រុមការងារអាជ្ញាធរជាតិអប្សរា ដែលបានសហការយ៉ាងល្អជាមួយគណៈកម្មាធិការរដ្ឋបាលរមណីយដ្ឋានហ័ងសាន ក្នុងឋានៈជាដៃគូកិច្ចសហប្រតិបត្តិការអន្តរជាតិ និងជាស្ថាប័នគ្រប់គ្រង់តំបន់ទេសចរណ៍បេតិកភណ្ឌពិភពលោកដូចគ្នា។

ឯកឧត្តម សុខ សង្វារ ក៏បានថ្លែងអំណរគុណចំពោះអភិបាលក្រុងហ័ងសាន និងគណៈកម្មាធិការរដ្ឋបាលរមណីយដ្ឋានហ័ងសាន ដែលបានទទួលស្វាគមន៍ប្រតិភូប្រកបដោយភាពកក់ក្តៅបំផុត ជាពិសេសការរៀបចំកម្មវិធីសម្ពោធការតាំងពិព័រណ៌រូបថតតំបន់អង្គរនៅពេលនេះ។ ឯកឧត្តមក៏បានរំឭកអំពីចំណងមិត្តភាពដ៏ល្អរវាងរដ្ឋាភិបាលកម្ពុជា-ចិន និងបានរំឭកអំពីប្រវត្តិនៃការភ្ជាប់ទំនាក់ទំនងគ្នាតាំងពីបុរាណកាល រហូតមកដល់បច្ចុប្បន្ន ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានរក្សានិងបង្កើនកិច្ចសហប្រតិបត្តិការយ៉ាងជិតស្និទ្ធបំផុតនៃប្រជាជននិងរដ្ឋាភិបាលប្រទេសទាំងពីរ។ ឯកឧត្តមក៏បានលើកឡើងអំពីកិច្ចសហការរវាងអាជ្ញាធរជាតិអប្សរា ជាមួយស្ថាប័នផ្សេងៗជាច្រើនរបស់ចិន ទៅលើផ្នែកជួសជុលប្រាសាទ ការអភិវឌ្ឍកសិកម្ម បច្ចេកវិទ្យា និងការអភិវឌ្ឍទេសចរណ៍។

ឯកឧត្តមក៏បានលើកឡើងអំពីកិច្ចសហការយ៉ាងជិតស្និតរវាងអាជ្ញាធរជាតិអប្សរា និងគណគណៈកម្មាធិការរដ្ឋបាលរមណីយដ្ឋានហ័ងសាន នៃសាធារណៈរដ្ឋប្រជាមានិតចិន ដោយស្ថាប័នទាំងពីរបានចុះអនុស្សារណៈនៃការយោគយល់គ្នា កាលពីថ្ងៃទី១២ ខែតុលា ឆ្នាំ២០១៦ កន្លងទៅ និងបានរៀបចំតាំងពិព័រណ៌តំបន់ភ្នំហ័ងសាន នៅប្រាសាទបន្ទាយស្រី រយៈពេលបីខែ កាលពីខែតុលា ឆ្នាំ២០១៦កន្លងទៅ ហើយពេលនេះ អាជ្ញាធរជាតិអប្សរា បានរៀបចំការតាំងពិព័រណ៌រូបថតតំបន់អង្គររយៈពេលបីខែដូចគ្នា នៅលើកំពូភ្នំហ័ងសាន ដែលជាតំបន់ទេសចរណ៍បេតិកភណ្ឌពិភពលោកដ៏ល្បីល្បាញមួយរបស់ចិន។

ការរៀបចំតាំងពិព័រណ៌នេះ ក្នុងគោលបំណងដើម្បីផ្សព្វផ្សាយតំបន់ទេសចរណ៍អង្គរ និងវប្បធម៌ទំនៀមទម្លាប់របស់ខ្មែរ ទៅកាន់ភ្ញៀវទេសចរអន្តរជាតិ ជាពិសេសភ្ញៀវទេសចរចិន ហើយក្រុមការងារជឿជាក់ថានឹងអាចទាក់ទាញភ្ញៀវទេសចរអន្តរជាតិមកទស្សនាតំបន់អង្គរឱ្យកាន់តែច្រើនឡើងថែមទៀត៕










សារលិខិតថ្វាយព្រះពរ
( ថ្ងៃទី 15 ខែ មិថុនា ឆ្នាំ2018 )
ទូលព្រះបង្គំខ្ញុំម្ចាស់ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានអាជ្ញាធរជាតិអប្សរា រួមទាំងមន្ត្រី-បុគ្គលិកក្រោមបង្គាប់ទាំងអស់ ចូលរួមថ្វាយព្រះពរសព្ទសាធុការ ដល់អង្គព្រះមហាក្សត្រក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត នាឱកាសដ៏សែននក្ខត្តឫក្សនៃព្រះរាជពិធីចម្រើនព្រះជន្មាយុ គម្រប់៨២ព្រះវស្សា យាងចូល៨៣ព្រះវស្សា ដែលនឹងប្រព្រឹត្តិទៅនៅថ្ងៃចន្ទ ៦កើត ខែបឋមសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៨ ខែមិថុនា ឆ្នាំ២០១៨ខាងមុខនេះ។
នៅទីក្រុងបាងកកនៃប្រទេសថៃ នាព្រឹកថ្ងៃទី១៤ ខែមិថុនា ឆ្នាំ២០១៨នេះ អាជ្ញាធរជាតិអប្សរា និងអាជ្ញាធរDASTA (Designated Area for Sustainable Tourism Administration) របស់ប្រទេសថៃ បានចុះអនុស្សារណៈយោគយល់គ្នាជាផ្លូវការ ក្រោយបានជួបពិភាក្សានិងសិក្សាពីគ្នាអស់រយៈពេលជាងមួយឆ្នាំមក។
ប្រាសាទមេបុណ្យខាងលិចត្រូវបានអភិរក្ស ជួសជុល និងស្តារឡើងវិញដោយគម្រោងសហការរវាងអាជ្ញាធរជាតិអប្សរានិងរដ្ឋាភិបាលបារាំង តាមរយៈសាលាបារាំងចុងបូព៌ា ដែលចាប់ផ្តើមពីឆ្នាំ២០១២មក និងគ្រោងបញ្ចប់នៅឆ្នាំ២០១៩។ ប៉ុន្តែដោយមានកង្វះខាតផ្នែកថវិកានិងតាមការពិភាក្សាយ៉ាងហ្មត់ចត់រវាងស្ថាប័នពាក់ពន្ធ័ គម្រោងជួសជុលនឹងត្រូវប្រគល់មកអាជ្ញាធរជាតិអប្សរាជាអ្នកទទួលរ៉ាប់រងជួសជុលវិញ។
ដើម្បីទប់ស្កាត់ការបង្ហោះយន្តហោះខ្នាតតូច (Drone) ក្នុងតំបន់អង្គរឲ្យកាន់តែមានប្រសិទ្ធភាពជាងមុន នារសៀលថ្ងៃទី១១ ខែមិថុនា ឆ្នាំ២០១៨ អាជ្ញាធរជាតិអប្សរា បានបើកកិច្ចប្រជុំពិភាក្សាជាមួយស្ថាប័នជំនាញ និងសមត្ថកិច្ចពាក់ព័ន្ធផ្សេងៗដូចជា តំណាងរដ្ឋលេខាធិការដ្ឋានអាកាសចរណ៍ស៊ីវិលកម្ពុជា តំណាងអគ្គនាយកដ្ឋានគយ និងរដ្ឋាករកម្ពុជា តំណាងសាលាខេត្តសៀមរាប តំណាងស្នងការនគរបាលខេត្តសៀមរាប តំណាងមេបញ្ជាការកងរាជអាវុធហត្ថខេត្តសៀមរាប ប្រធាននាយកដ្ឋាននគរបាលទេសចរណ៍ តំណាងនាយកដ្ឋាននគរការពារបេតិកភណ្ឌ តំណាងគ្រឹះសា្ថនអង្គរ ប្រធានមន្ទីរវប្បធម៌ និងវិចិត្រសិល្បៈខេត្តសៀមរាប តំណាងមន្ទីរទេសចរណ៍ខេត្តសៀមរាប តំណាងមន្ទីរព័ត៌មានខេត្តសៀមរាប សមាគមមគ្គុទ្ទេសក៍ទេសចរណ៍ទាំង៦នៅខេត្តសៀមរាប តំណាងសមាគមទីភ្នាក់ងារទេសចរណ៍នៅខេត្តសៀមរាប និងមេធាវីរបស់អាជ្ញាធរជាតិអប្សរាជាដើម ដើម្បីរិះរកវិធានការស្របច្បាប់ និងអាចអនុវត្តបានប្រកបដោយប្រសិទ្ធភាព។
មន្រ្តីជំនាញនៃអាជ្ញាធរជាតិអប្សរាបានបង្ហាញថា ការងារកំណាយស្រាវជ្រាវនៅស្រះខាងជើងមុខអង្គរវត្ត ទទួលបានលទ្ធផលខ្លះហើយមកដល់ពេលនេះ។ ជាលទ្ធផលបឋមក្រុមការងារបានរកឃើញរចនាសម្ពន្ធស្រះដែលមានកាំជណ្តើរធ្វើអំពីថ្មបាយក្រៀមនៅតួស្រះនិងថ្មភក់នៅមាត់ស្រះ ក្រៅពីនោះមានការចាក់បង្គរដីជាស្រទាប់ៗខុសៗគ្នាដើម្បីរក្សាស្ថេរភាពផ្ទៃស្រះទាំងមូល។
ដើមដំបូងមុន12345...165166បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
1
ថ្ងៃនេះ
:
0666
ម្សិលមិញ
:
8554
សប្តាហ៍នេះ
:
09220
ខែនេះ
:
0150551
សរុប
:
005787857