ព័ត៌មានថ្មីៗ

អាជ្ញាធរជាតិអប្សរារៀបចំសិក្ខាសាលាស្តីពីការងារស្រាវជ្រាវនៅមន្ទីរពេទ្យទន្លេស្ងួតដល់និស្សិតអន្តរជាតិមកពី៩ប្រទេស

បានផ្សាយនៅ ថ្ងៃទី 29 ខែ កក្កដា ឆ្នាំ2017 01:58 PM ដោយ ៖ អាជ្ញាធរជាតិអប្សរា

ព្រឹកថ្ងៃទី២៨ ខែកក្កដា ឆ្នាំ២០១៧នេះ អាជ្ញាធរជាតិអប្សរាសហការជាមួយវិទ្យាស្ថានស្រាវជ្រាវអាស៊ីភាគអាគ្នេយ៍នៃប្រទេសសិង្ហបុរីបានរៀបចំសិក្ខាសាលាមួយនៅមជ្ឈមណ្ឌលបណ្ដុះបណ្ដាលអង្គរនៃអាជ្ញាធរជាតិអប្សរា ដោយផ្ដោតសំខាន់ទៅលើការសិក្សាស្រាវជ្រាវមន្ទីរពេទ្យទន្លេស្ងួត ដែលកសាងឡើងក្នុងរាជ្យព្រះបាទជ័យវរ្ម័នទី៧។

និស្សិតអន្តរជាតិដែលបានចូលរួមក្នុងសិក្ខាសាលានេះ មាន១៤រូប មកពី៩ប្រទេសគឺអាមេរិក សិង្ហបុរី អូស្ត្រាលី ឥណ្ឌា ភូមា ម៉ាឡេស៊ី ឥណ្ឌូនេស៊ី វៀតណាម និងប្រទេសហ្វីលីពីន។

ឯកឧត្តម ត័ន ប៊ុនសុយ អគ្គនាយករង និងជាតំណាងអាជ្ញាធរជាតិអប្សរា បញ្ជាក់ថា ក្នុងការស្រាវជ្រាវលើប្រធានបទណាមួយ យើងត្រូវប្រមូលលទ្ធផលនៃការស្រាវជ្រាវដែលបានធ្វើឡើងរហូតមកដល់ពេលនេះ ហើយនៅក្នុងករណីមន្ទីរពេទ្យទន្លេស្ងួត យើងត្រូវប្រើប្រាស់រូបថត Lidar ដែលថតបាននៅឆ្នាំ២០១២។ បន្ទាប់ពីទទួលបានការបណ្តុះបណ្តាលស្តីពីអារ្យធម៌ខ្មែរ និងប្រាសាទខ្មែរហើយ អ្នកជំនាញអាជ្ញាធរជាតិអប្សរានឹងបង្ហាត់បង្រៀននិស្សិតទាំងនេះអំពីការធ្វើការកំណាយ។ កំណាយនេះគឺដើម្បីកំណត់ទីតាំងរបស់មន្ទីរពេទ្យ ដែលយើងដឹងថានៅខាងលិចព្រះវិហារ ប៉ុន្តែដោយសារមន្ទីរពេទ្យនេះសាងសង់ឡើងពីឈើ យើងឥតមានស្លាកស្នាមនៅលើដីសេសសល់ទេក្នុងបច្ចុប្បន្ន។

ឯកឧត្តមបានបញ្ជាក់ថា ដូច្នេះ អ្វីដែលនៅសេសសល់គឺ ព្រះវិហារសង់អំពីឥដ្ឋ។ យើងនឹងធ្វើកំណាយនៅទិសខាងលិចតាមបណ្តោយបន្ទាត់មួយដែលមានចម្ងាយប្រហែល១៥ម៉ែត្រពីព្រះវិហារ។ យើងសង្ឃឹមថា នឹងរកឃើញស្លាកស្នាមបន្ថែមទៀតដើម្បីបញ្ជាក់ថា ទីនេះជាមន្ទីរពេទ្យបុរាណពិតប្រាកដមែន។

អាជ្ញាធរជាតិអប្សរាមានមោទនភាព ដោយស្ថាប័នអន្តរជាតិនានាបានទទួលស្គាល់នូវសមត្ថភាពរបស់មន្ត្រីជំនាញលើការបណ្តុះបណ្តាលនិស្សិតមកពីអាស៊ីអាគ្នេយ៍ក្នុងវិស័យស្រាវជ្រាវលើមន្ទីរពេទ្យបុរាណ។ វគ្គបណ្តុះបណ្តាលនេះ នឹងយកទៅផ្សព្វផ្សាយដល់សិក្ខាកាមនៃប្រទេសទាំង៩ខាងលើ ដែលជាហេតុធ្វើឲ្យប្រជាជននៃប្រទេសទាំងនេះកាន់តែស្គាល់តម្លៃនៃអង្គរ ហើយក៏ជាកត្តាទាក់ទាញនូវភ្ញៀវទេសចរមកទស្សនាប្រាសាទខ្មែរកាន់តែច្រើនឡើង៕







នៅព្រឹកថ្ងៃព្រហស្បតិ៍ ២កើត ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៨ ខែមករា ឆ្នាំ២០១៨ គណៈកម្មាធិការជំនាញនៃរដ្ឋសភាសាធារណរដ្ឋកូរ៉េទទួលបន្ទុកការងារអប់រំ កីឡា វប្បធម៌ និងទេសចរណ៍ បានសម្តែងការគួរសមជាមួយ ឯកឧត្តមបណ្ឌិត ស៊ុ ម៉ាប់ អគ្គនាយកអាជ្ញាធរជាតិអប្សរា និងស្វែងយល់ពីគម្រោងជួសជុលប្រាសាទពិធូរ។ គម្រោងជួសជុលប្រាសាទព្រះពិធូរ គឺជាកិច្ចសហប្រតិបត្តិការរវាងអាជ្ញាធរជាតិអប្សរា និង មូលនិធិបេតិកភណ្ឌវប្បធម៌កូរ៉េ (KOCHEF) និងភ្នាក់ងារសហប្រតិបត្តិការអន្តរជាតិកូរ៉េ (KOICA)។
សេចក្តីប្រកាសព័ត៌មាន
( ថ្ងៃទី 17 ខែ មករា ឆ្នាំ2018 )
អាជ្ញាធរជាតិអប្សរាសូមប្រកាសជូនសាធារណជនដែលបានទិញដីឡូតិ៍ពីក្រុមហ៊ុនហ្គោលឌែន អ៊ីហ្គល រៀលអ៊ិស្ទេត ខូអិលធីឌី ដែលមានទីតាំងនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប (ចំណុចផ្លូវ៦០ម៉ែត្រឬអង្គរឃ្យុងយូ) មកធ្វើការពិនិត្យផ្ទៀងផ្ទាត់ក្បាលដីជាមួយក្រុមការងារអន្តរក្រសួងដោះស្រាយគោលនយោបាយដីធ្លីបុរីវប្បធម៌ទេសចរណ៍ នៅមជ្ឈមណ្ឌលអាជ្ញាធរជាតិអប្សរា ដើម្បីជៀសវាងការខូចខាតផលប្រយោជន៍ជាយថាហេតុ។ សូមអានសេចក្តីលម្អិតនៃសេចក្តីប្រកាសព័ត៌មានដូចខាងក្រោម៖
ស្ថាប័នធានាគុណភាពជប៉ុន (Japanese Quality Assurance) បានបើកសវនកម្មប្រចាំឆ្នាំលើការងារគ្រប់គ្រងបរិស្ថាននៃអាជ្ញាធរជាតិអប្សរា រយៈពេល៣ថ្ងៃ ចាប់ពីថ្ងៃទី១៦ដល់ទី១៨ ខែមករា ឆ្នាំ២០១៨។ ពិធីបើកដំណើរការសវនកម្ម បានធ្វើឡើងនៅព្រឹកថ្ងៃទី១៦ ខែមករា ក្រោមអធិបតីភាពឯកឧត្តម សុខ លក្ខិណា ប្រធានអង្គភាពគ្រប់គ្រងប្រព័ន្ធបរិស្ថាននៃអាជ្ញាធរជាតិអប្សរា និងជាតំណាងអគ្គនាយកអាជ្ញាធរជាតិអប្សរា និងសវនករនៃស្ថាប័ន JQA ចំនួន២រូប គឺលោក Kozo Sakurada និងលោក Yamada Mamoru។​
រោងទងកូរសមុទ្រទឹកដោះនៃប្រាសាទអង្គរវត្តដែលស្ថិតនៅផ្នែក អាគ្នេយ៍ នឹងត្រូវធ្វើការបំពាក់ពិតានឡើងវិញ។ ការបំពាក់ពិតានឈើនៅលើរោងទងកូរសមុទ្រទឹកដោះនៅប្រាសាទអង្គរវត្ត ជាគម្រោងសហការនៃអាជ្ញាធរជាតិអប្សរា និងអង្គការមូលនិធិប្រាសាទបុរាណពិភពលោក (World Monument Fund-WMF) របស់សហរដ្ឋអាមេរិក។
នៅព្រឹកថ្ងៃទី១៥ ខែមករា ឆ្នាំ២០១៨ គម្រោងសុវុឌ្ឍិកម្មនៃការសម្អាតទឹក និងការគ្រប់គ្រងទឹកក្នុងតំបន់អង្គរ (PAAGERA) បានរៀបចំបទបង្ហាញស្តីពីលទ្ធផលគម្រោងសាកល្បងទីផ្សារអនាម័យ ដើម្បីចែករំលែកបទពិសោធន៍ ដល់មន្ត្រីបុគ្គលិក៣៥រូបនៃអាជ្ញាធរជាតិអប្សរា ដែលធ្វើការងារពាក់ព័ន្ធនឹងការអប់រំប្រជាពលរដ្ឋ។
ដើមដំបូងមុន12345...144145បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
0888
ម្សិលមិញ
:
4070
សប្តាហ៍នេះ
:
19528
ខែនេះ
:
0092851
សរុប
:
004456215