ព័ត៌មានថ្មីៗ

អាជ្ញាធរជាតិអប្សរាបានបើកវគ្គបណ្តុះបណ្តាលដល់បុគ្គលិកថ្មីចំនួន១០៣នាក់ ស្តីពីប្រព័ន្ធគ្រប់គ្រង បរិស្ថានអង្គរ ផ្សារភ្ជាប់ទៅនឹងការគ្រប់គ្រងតំបន់រមណីយដ្ឋានអង្គរបេតិកភណ្ឌពិភពលោក

បានផ្សាយនៅ ថ្ងៃទី 07 ខែ កក្កដា ឆ្នាំ2017 09:31 AM ដោយ ៖ អាជ្ញាធរជាតិអប្សរា

ដើម្បីទទួលបាននូវប្រសិទ្ធភាពការងារក្នុងការគ្រប់គ្រងបរិស្ថាន នៅតំបន់រមណីយដ្ឋានអង្គរ អាជ្ញាធរជាតិអប្សរាបានបើកវគ្គបណ្តុះបណ្តាលស្តីពីប្រព័ន្ធគ្រប់គ្រងបរិស្ថានអង្គរ ផ្សារភ្ជាប់ទៅនឹងការគ្រប់គ្រងតំបន់រមណីយដ្ឋានអង្គរបេតិកភណ្ឌពិភពលោក ដល់បុគ្គលិកថ្មីចំនួន១០៣នាក់ ក្រោមអធិបតីភាពឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា និងជាប្រធានអង្គភាពគ្រប់គ្រងបរិស្ថាន នៅព្រឹកថ្ងៃព្រហស្បតិ៍ ទី០៦ ខែកក្កដា ឆ្នាំ២០១៧ នៅសាលសន្និសិទអង្គរអាជ្ញាធរជាតិអប្សរា។

ឯកឧត្តម សុខ លក្ខិណា បានមានប្រសាសន៍ថា ដើម្បីធ្វើការបណ្តុះបណ្តាលបុគ្គលិកថ្មីឱ្យទទួលបានប្រសិទ្ធភាពលើការងារផ្នែកប្រព័ន្ធគ្រប់គ្រងបរិស្ថាន។ ឯកឧត្តមបន្តថា វគ្គបណ្តុះបណ្តាលនេះ គឺធ្វើឡើង ដើម្បីឱ្យសិក្ខាកាមស្វែង យល់នូវផលប៉ះពាល់ទៅលើបរិស្ថានដែលកើតចេញពីសកម្មភាព និងចេញពីវិធានការការងាររបស់ខ្លួន។ សូមបញ្ជាក់ថា អាជ្ញាធរជាតិអប្សរាទទួលបាននូវវិញ្ញាបនបត្រ ISO14001 ពីស្ថាប័នធានាគុណភាពជប៉ុន JQA (Japan Quality Assurance) ដែលស្ថាប័ននេះ ទទួលស្គាល់ជាអន្តរជាតិ ដូចការខិតខំរបស់អាជ្ញាធរជាតិអប្សរា ជាពិសេសការគ្រប់គ្រងប្រព័ន្ធបរិស្ថាន ។

លោក អ៊ុន មណីនីតា គ្រូឧទ្ទេសនាម ប្រព័ន្ធគ្រប់គ្រងបរិស្ថានបាន លើកឡើងថា ដើម្បីឱ្យអង្គរទទួលបានវិញ្ញាបនបត្រ ISO14001 រាល់លើកនោះ គឺត្រូវផ្តើមចេញពីយើងរាល់គ្នា។ លោក នីតា ក៏បានលើកឡើងពីគោលនយោបាយបរិស្ថានរបស់អាជ្ញាធរជាតិអប្សរាថា អាជ្ញាធរជាតិអប្សរាប្តេជ្ញាចិត្តជំរុញការស្ថាបនាសង្គមមួយឈរលើមូលដ្ឋានអភិវឌ្ឍន៍ស៊ីសង្វាក់គ្នារវាង ធម្មជាតិ ប្រាសាទ និងអ្នកស្រុក ពោលគឺរវាង បរិស្ថាន វប្បធម៌ និងសហគមន៍ ដើម្បីធានានូវការអភិវឌ្ឍប្រកបដោយ និរន្តរភាពសម្រាប់អ្នកជំនាន់ក្រោយ តាមរយៈសកម្មភាពជួសជុលថែរក្សាប្រាសាទ និងសកម្មភាព អភិវឌ្ឍន៍តំបន់ដោយសហការជិតស្និទ្ធជាមួយស្ថាប័នជាតិ-អន្តរជាតិ ។

អ្នកស្រី មុត គឿន ជាសិក្ខាកាមដែលមកពីនាយកដ្ឋានអភិវឌ្ឍន៍ទេសចរណ៍អង្គរ បានលើកឡើងថា អ្នកស្រីមានការសប្បាយរីករាយដោយបានចូលរួមវគ្គបណ្តុះបណ្តាលនេះ ហើយក៏ជាឱកាសទទួលបានចំណេះដឹងថ្មីៗបន្ថែមទៀតផ្នែកគ្រប់គ្រងបរិស្ថាន ការអភិរក្ស និងអភិវឌ្ឍន៍នៅក្នុងតំបន់អង្គរ និងប្តេជ្ញាជួយជំរុញផ្សព្វផ្សាយគោលការបរិស្ថានដល់អាជីវករលក់ដូរ ដល់ភ្ញៀវជាតិ និងអន្តរជាតិដែលមកទស្សនានៅតំបន់រមណីយដ្ឋានអង្គរ។








រយៈពេល៦ខែដើមឆ្នាំ២០១៧កន្លងទៅនេះ នាយកដ្ឋានគ្រប់គ្រងព្រៃឈើទេសភាពវប្បធម៌ និងបរិស្ថាននៃអាជ្ញាធរជាតិអប្សរាបានដាំ និងចែកចាយកូនឈើដល់ស្ថាប័នពាក់ព័ន្ធ ជាពិសេសពូជឈើដែលមានក្នុងតំបន់អង្គរស្រាប់ដូចជា គគី ឈើទាល បេង គ្រញូង ជាដើមបានចំនួន ១២៦៣៦ដើម។
គិតត្រឹមថ្ងៃទី ០៧ ខែកក្កដា ឆ្នាំ២០១៧នេះ សត្វទោចម្កុដចំនួន២គូ ដែលបានព្រលែងក្នុងតំបន់អង្គរ ដោយអាជ្ញាធរជាតិអប្សរា សហការជាមួយអង្គការសម្ព័ន្ធមិត្តសត្វព្រៃ(Wildlife Alliance) និងក្រុមហ៊ុនខ្សែយោងអេកូទេសចរណ៍ (Angkor Zip line) បានបង្កើតកូន៣ក្បាលហើយ។
អាជ្ញាធរជាតិអប្សរា បានសហការជាមួយក្រុមគ្រូពេទ្យស្ម័គ្រចិត្តជប៉ុននៃអង្គការស្រឡាញ់ ដើម្បីបើកវគ្គបណ្តុះបណ្តាលសង្គ្រោះបឋមរយៈពេលមួយថ្ងៃ ដល់មន្ត្រីភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរចំនួន ៤០នាក់ ដែលមកពីប្រាសាទនានានៅក្នុងតំបន់អង្គរ នៅសាលសន្និសីទអង្គរ ព្រឹកថ្ងៃទី១៩ ខែកក្កដា ឆ្នាំ២០១៧ នេះ។
នៅឆមាសទី១ ឆ្នាំ២០១៧ កន្លងទៅនេះ ការងារសហគមន៍របស់អាជ្ញាធរជាតិអប្សរា បានចុះត្រួតពិនិត្យសំណើសាងសង់ និងជួសជុលសំណង់តូចតាចចំនួន៤៦៩ ករណី ក្នុងនោះដែរក្រុមការងារសហគមន៍ បានអនុញ្ញាតឱ្យប្រជាពលរដ្ឋសាងសង់ និងជួសជុល ចំនួន ៣២៦ករណី ក្នុងភូមិចំនួន១០ ដែលស្ថិតនៅក្នុង ស្រុកចំនួន៤ ក្រុង១ ក្នុងតំបន់ រមណីយដ្ឋានអង្គរ។
ប្រាសាទតានៃ មានរចនាប័ទ្មដ៏ល្អឯក មិនខុសពីប្រាង្គប្រាសាទបុរាណខ្មែរផ្សេងទៀត។ ទោះបី ជាបែបនេះក្តី បើនិយាយពីឈ្មោះនៃប្រាសាទមួយនេះ មានមនុស្សតិចណាស់ដែលបានស្គាល់ និងបានទៅដល់។ មានទីតាំងនៅក្នុងព្រៃខាងជើងប្រាសាទតាព្រហ្ម និងខាងកើតប្រាសាទតាកែវឆ្ពោះទៅខាងជើងប្រហែល ៨០០ម៉ែត្រ ប្រាសាទតានៃកសាងឡើងក្នុងសតវត្សទី១២ ក្នុងរាជ្យព្រះបាទជ័យវរ្ម័នទី៧ ដើម្បីឧទ្ទិសដល់ព្រះពុទ្ធសាសនាមហាយាន។
ដើមដំបូងមុន12345...116117បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
2455
ម្សិលមិញ
:
2860
សប្តាហ៍នេះ
:
13544
ខែនេះ
:
0117693
សរុប
:
002928612