ព័ត៌មានថ្មីៗ

សុខសន្តិភាពបានធ្វើឱ្យអង្គរវត្តបង្ហាញនូវស្នាមញញឹមដល់ទេសចរគ្រប់ទិសទី និងស្រូបទាញចំណូលមិនចេះរីងស្ងួត!

បានផ្សាយនៅ ថ្ងៃទី 07 ខែ កក្កដា ឆ្នាំ2017 09:15 AM ដោយ ៖ អាជ្ញាធរជាតិអប្សរា

យោងតាមបណ្ដាញទំនាក់ទំនងសង្គម     (Facebook)      សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍នៅថ្ងៃទី៦ ខែកកក្កដា ឆ្នាំ២០១៧នេះថា ពេលនេះកម្ពុជាកំពុងក្លាយជាចំណុចក្តៅរបស់ទេសចរពិភពលោក ជាពិសេសអង្គរវត្ត អច្ឆរិយៈតែមួយគ្មានពីរលើលោក។ កាលពីប្រទេសជាតិធ្លាក់ក្នុងភ្នក់ភ្លើងសង្រ្គាម អង្គរវត្តនិងប្រាសាទរាប់ពាន់ទៀត ត្រូវបានបោះបង់ចោលដោយគ្មានការថែទាំ ហើយក៏គ្មានភ្ញៀវទេសចរណាហ៊ានមកទស្សនាអង្គរវត្តឡើយ។ សង្រ្គាមគឺធ្វើឱ្យកម្ពុជាបាត់បង់ចំណូលពីវិស័យទេសចរណ៍យ៉ាងច្រើន។

សម្តេចនាយករដ្ឋមន្ត្រីបានបន្តថា “ពេលនេះអង្គរវត្តដែលជាដួងព្រលឹងរបស់កម្ពុជានិងជាបេតិកភណ្ឌរបស់ពិភពលោក ត្រូវបានអភិរក្ស ថែរក្សាជួសជុលឡើងវិញ ហើយដែលកំពុងទាក់ទាញទាំងភ្ញៀវទេសចរជាតិ និងអន្តរជាតិរាប់លាននាក់ក្នុងមួយឆ្នាំៗ។ អង្គរវត្តដែលជាមរតកអច្ឆរិយៈរបស់ខ្មែរ មិនត្រឹមតែបានផ្ដល់ការងារជូនប្រជាពលរដ្ឋខ្មែរនោះទេ ប៉ុន្តែប្រាសាទដ៏ចំណាស់មួយនេះក៏បានផ្ដល់ការងារយ៉ាងច្រើនដល់ជនជាតិបរទេសផងដែរ។

សម្តេចតេជោ ហ៊ុន សែន បានបញ្ជាក់ថា គ្មានតម្លៃអ្វីស្មើនឹងតម្លៃសន្តិភាពឡើយ។ សន្តិភាពបានធ្វើឱ្យអ្វីៗទាំងអស់ ដែលបានលិចកប់និងបាត់បង់បានងើបលូតលាស់ឡើងវិញ។ សន្តិភាពបានធ្វើឱ្យអង្គរវត្តបង្ហាញនូវស្នាមញញឹមដល់ទេសចរគ្រប់ទិសទី។ យើងរួមគ្នាថែរក្សាការពារសន្តិភាព ដើម្បីអង្គរវត្តកាន់តែមានឱកាសស្វាគមន៍ភ្ញៀវទេសចរ ដែលជាប្រភពចំណូលមិនចេះរីងស្ងួតរបស់កម្ពុជា។

ក្នុងកាលៈទេសៈ ប្រទេសមានសុខសន្តិភាព អង្គរក៏បានក្លាយជាបេតិកភណ្ឌពិភពលោក ក្រោមការខិតខំប្រឹងប្រែងរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ។ ក៏ដោយសារកត្តាសន្តិភាពនេះដែរ ទើបអង្គរត្រូវបានស្រោចស្រង់ អភិរក្ស ជួសជុលឱ្យរួចផុតពីហានិភ័យគ្រប់ប្រភេទ រាប់ទាំងការគាស់កកាយ និងការជួញដូរវត្ថុបុរាណទៀតផង។ ក្នុងការរួមចំណែកអភិរក្សនិងអភិវឌ្ឍន៍ប្រកបដោយចីរភាពរមណីយដ្ឋានអង្គរ អាជ្ញាធរជាតិអប្សរាដែលមានតួនាទីគ្រប់គ្រងតំបន់ឧទ្យានអង្គរ បានខិតខំជួសជុល អភិរក្សប្រាសាទបុរាណ បានធ្វើឱ្យអង្គរក្លាយជាទីចាប់អារម្មណ៍របស់ទេសចរជាតិនិងអន្តរជាតិឱ្យមកទស្សនាកាន់តែច្រើនឡើងៗ។ ក្រៅពីនោះតាមរយៈកត្តាសន្តិភាព ក៏មានបណ្តាដៃគូសហប្រតិបត្តិការបរទេសជាច្រើនចូលមករួមការងារលើកតម្លៃអភិរក្សនិងការពារមណីយដ្ឋានអង្គរជាមួយកម្ពុជាផងដែរ៕






























ជារៀងរាល់ឆ្នាំ តាំងពីបរមបុរាណមកហើយ ឱ្យតែដល់ខែមាឃ អ្នកស្រុកអង្គរដែលមានជំនឿនិងរក្សាបានខ្ជាប់ខ្ជួននូវមរតកទាក់ទងនឹងពិធីលៀងមេមត់ តែងប្រារព្ធពិធីនេះមិនដែលខកខាននៅតាមភូមិស្រុករបស់ខ្លួនយ៉ាងអធិកអធម។ ជាក់ស្តែងពិធីនេះ ត្រូវបានរៀបចំយ៉ាងគគ្រឹកគគ្រេង កាលពីថ្ងៃ៣រោច ខែមាឃ ឆ្នាំរកា ត្រូវនឹងថ្ងៃទី០៣ ខែកុម្ភៈ ឆ្នាំ២០១៨ កន្លងមក នៅផ្ទះអ្នកស្រី គង់ ជាគ្រូធំមួយមានគេគោរពច្រើន ស្ថិតក្នុងភូមិនគរក្រៅ សង្កាត់គោកចក ខេត្ត/ក្រុងសៀមរាប។
ប្រទេសអាឡឺម៉ង់តាមរយៈស្ថាប័នGIZ បានបន្តជួយបណ្តុះបណ្តាលមន្ត្រីជំនាញរបស់អាជ្ញាធរជាតិអប្សរាលើការងារអភិរក្សថ្មថែមទៀតក្នុងឆ្នាំនេះ។ វគ្គបណ្តុះបណ្តាលថ្មី ដែលទើបបើកកម្មវិធីនៅព្រឹកថ្ងៃទី១៤ ខែកុម្ភៈ ឆ្នាំ២០១៨នេះ គឺវគ្គបណ្តុះបណ្តាល ស្តីអំពី Laboratory and Science in Applied Conservation។
គម្រោងអភិវឌ្ឍន៍ភូមិធម្មជាតិរុនតាឯក បានផ្តោតសំខាន់លើការអភិវឌ្ឍកសិកម្មដោយធម្មជាតិ មិនប្រើប្រាស់សារធាតុគីមី។ ដើម្បីជំរុញគម្រោងនេះឲ្យដំណើរការទៅដោយរលូន អាជ្ញាធរជាតិអប្សរាបានសហការជាមួយស្ថាប័នបរទេសមួយចំនួន ដែលមានជំនាញលើការងារកសិកម្មធម្មជាតិ។
ភ្នាក់ងារទេសចរដែលបំពេញការងារនៅតាមប្រាសាទក្នុងរមណីយដ្ឋានអង្គរចំនួន៤០នាក់ បានទទួលការបណ្តុះបណ្តាលវគ្គសង្គ្រោះបឋមពីអង្គការ NPO Srolanh Project បង្រៀនដោយអ្នកជំនាញជប៉ុន៩រូប។
សិក្ខាកាម២២រូប នៃក្រសួងវប្បធម៌និងវិចិត្រសិល្បៈ ជាមន្ត្រីជំនាញមកពីអាជ្ញាធរជាតិអប្សរា នាយកដ្ឋានគាំពារនិងអភិរក្សសំណង់បុរាណ អាជ្ញាធរជាតិព្រះវិហារ និងអាជ្ញាធរជាតិសំបូរព្រៃគុក បានបញ្ចប់វគ្គសិក្សាអំពី ការរៀបចំផែនការមេនៃសំណង់ប្រាសាទបុរាណក្នុងតំបន់អង្គរ កាលពីថ្ងៃទី៩ ខែកុម្ភៈ ឆ្នាំ២០១៨។
ដើមដំបូងមុន12345...149150បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
4125
ម្សិលមិញ
:
8224
សប្តាហ៍នេះ
:
12349
ខែនេះ
:
0181795
សរុប
:
004722393