ព័ត៌មានថ្មីៗ

អាជ្ញាធរជាតិអប្សរាសហការជាមួយឥណ្ឌាជួសជុលសាលរបាំនៃប្រាសាទតាព្រហ្ម

បានផ្សាយនៅ ថ្ងៃទី 06 ខែ កក្កដា ឆ្នាំ2017 02:29 PM ដោយ ៖ អាជ្ញាធរជាតិអប្សរា

សាលរបាំនៃប្រាសាទតាព្រហ្មបានរងការខូចខាតយ៉ាងធ្ងន់ធ្ងរ ដោយសារការបាក់ធ្លាក់នៃដុំថ្មគរលើគ្នាជាគំនរយ៉ាងធំ ពេលនេះកំពុងទទួលបានការជួសជុលឡើងវិញ ដោយអាជ្ញាធរជាតិអប្សរាសហការជាមួយភាគីឥណ្ឌា ដែលគ្រោងនឹងបញ្ចប់នៅឆ្នាំ២០១៩ខាងមុខ។

«សាលរបាំនៃប្រាសាទតាព្រហ្មដែលទួលរងការខូចខាតរហូតក្លាយជាពំនូកថ្មមួយគំនរនោះ ឥលូវនេះត្រូវបានជួលជុលឡើងវិញសម្រេចបានពី ៧០% ទៅ៨០%ហើយ» នេះបើតាមសម្ដីរបស់ លោក ចាន់ ឡាយ អ្នកគ្រប់គ្រងការដ្ឋានជួសជុលប្រាសាទតាព្រហ្ម កាលពីថ្ងៃទី៥ ខែកក្កដា ឆ្នាំ២០១៧។ លោកបន្ថែមទៀតថា «អ្នកជំនាញគ្រោងនឹងជួលជុលសាលរបាំនេះប្រមាណជាពាក់កណ្ដាលនៃសាលរបាំទាំងមូល ដើម្បីទុកមួយផ្នែកឱ្យសល់សម្រាប់ភ្ញៀវទេសចរធ្វើការប្រៀបធៀបរវាងផ្នែកដែលបានជួសជុលស្ដារឡើងវិញ និងផ្នែកដែលទុកឱ្យនៅតាមសភាពដើម»។

តាមការរៀបរាប់របស់លោក ចាន់ ឡាយ ការងារជួសជុលមកទល់នឹងពេលនេះ គឺបានសម្រេចរួចរាល់ផ្នែកគ្រឹះ ជញ្ជាំង និងដំបូលមួយផ្នែកធំហើយនៅផ្នែកខាងជើង នៅសល់តែដំបូលផ្នែកកណ្តាល និងការសម្អាតបន្ថែមទៀតប៉ុណ្ណោះ។ ម្យ៉ាងទៀត ឥឡូវនេះ ក្រុមការងារបានឈប់សម្រាកមួយរយៈប្រមាណពីរ ឬបីខែ ដោយសាររដូវកាលនេះជារដូវភ្លៀងធ្លាក់ ហើយការងារដែលសេសសល់ជាផ្នែកដំបូល ដែលធ្វើឲ្យក្រុមការងារពិបាកឡើងចុះ ព្រោះរអិលអាចបណ្តាលឲ្យគ្រោះថ្នាក់បាន។

គួររម្លឹកថា ក្រោយការស្នើសុំពីរាជរដ្ឋាភិបាលកម្ពុជាក្នុងឆ្នាំ២០០២ រដ្ឋាភិបាលឥណ្ឌាតាមរយៈស្ថាប័នស្រាវជ្រាវបុរាណវិទ្យាឥណ្ឌា (Archeological Survey of India-ASI) រួមសហការជាមួយអាជ្ញាធរជាតិអប្សរា និងអង្គការយូណេស្កូ បានចាប់ផ្តើមការអភិរក្សជួសជុល ទល់ទ្រជាបន្តបន្ទាប់នូវប្រាសាទតាព្រហ្ម។ ក្នុងដំណាក់កាលទី១(២០០៤-២០១៤) គម្រោងនេះសម្រេចបានការជួសជុលរួចរាល់ទាំងស្រុងនូវរោងទងខាងកើតឆៀងខាងត្បូង រានហាលខាងលិច ខ្លោងទ្វារច្រកចូលទី៤ ខ្លោងទ្វារខាងលិច និងជញ្ជាំងថ្មបាយក្រៀមអមសងខាង។ ក្រៅពីចំណុចជួសជុលទាំងនេះ នៅមានផ្នែកច្រើនទៀត ដែលក្រុមការងារបានធ្វើការទល់ទ្រ និងចងរឹតដោយខ្សែកាប ដើម្បីការពារការរបេះធ្លាក់ឬដួលរលំបន្ថែមទៀត។ សម្រាប់ជំហានទី២ (២០១៥-២០២៥) គម្រោងកំពុងដំណើរការជួសជុលផ្គុំឡើងវិញនូវសាលរបាំ ដែលរងខូចខាតស្ទើរទាំងស្រុង តាមរយៈការប្រមូលបំណែកថ្មធ្លាក់ខូចខាត មករៀបដំឡើងនៅតាមទីតាំងឲ្យដូចពីសម័យបុរាណឡើងវិញ៕



















តាំងពីឆ្នាំ១៩៩៨ ជាពេលដែលកម្ពុជាទទួលបានសន្តិភាពពេញលេញលើផ្ទៃប្រទេស ក្រោមនយោបាយឈ្នះ-ឈ្នះរបស់ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឲ្យកិត្តិសព្ទអង្គរខ្ចរខ្ចាយកាន់តែខ្លាំងទៅកាន់ឆាកអន្តរជាតិ។
តំណាងសហគមន៍អភិវឌ្ឍន៍កសិកម្មកម្ពុជា ដឹកនាំដោយលោកវេជ្ជបណ្ឌិត ឃី លាង បានជួបជាមួយឯកឧត្តម ម៉ី ម៉ារ៉ាឌី ប្រធានគម្រោងភូមិធម្មជាតិរុនតាឯកនៃអគ្គនាយកដ្ឋានអាជ្ញាធរជាតិអប្សរា និងបានចុះអនុស្សារណៈយោគយល់គ្នាលើកិច្ចព្រមព្រៀងបង្កើនការដាំដំណាំកសិកម្មនិងទទួលទិញសណ្តែកផ្កាយពីប្រជាពលរដ្ឋនៅភូមិធម្មជាតិរុនតាឯក កាលពីថ្ងៃទី២១ ខែវិច្ឆិកា ឆ្នាំ២០១៧។
រាជរដ្ឋាភិបាលកម្ពុជា បានសម្រេចបង្កើតក្រុមការងារអន្តរក្រសួងមួយ ដើម្បីរៀបចំពិធីបួងសួងចម្រើនសេចក្តីសុខជូនព្រះរាជាណាចក្រកម្ពុជា នៅដើមខែធ្នូ គឺចាប់ពីថ្ងៃទី២ ដល់ទី៣ ឆ្នាំ២០១៧ នៅបរិវេណខាងមុខប្រាសាទអង្គរវត្ត។ ពិធីនេះ នឹងមានការចូលរួមពីថ្នាក់ដឹកនាំគ្រប់ជាន់ថ្នាក់របស់រាជរដ្ឋាភិបាល ព្រះសង្ឃ និង ប្រជាពលរដ្ឋជាច្រើនពាន់អង្គ/នាក់។
តបតាមការស្នើសុំរបស់ប្រទេសឥណ្ឌូណេស៊ី ដែលបានមើលឃើញពីភាពជោគជ័យនៃការគ្រប់គ្រងតំបន់រមណីយដ្ឋានអង្គរ នៅថ្ងៃទី២០ ខែវិច្ឆិកា ឆ្នាំ២០១៧នេះ មន្ត្រីជំនាញនៃអាជ្ញាធរជាតិអប្សរា បានចែករំលែកបទពិសោធន៍លើការងារអភិរក្សរមណីយដ្ឋានអង្គរ ដល់ប្រតិភូនៃប្រទេសឥណ្ឌូណេស៊ីចំនួន១២រូប ដែលជាមន្ត្រីជំនាញផ្នែកគ្រប់គ្រងទេសចរណ៍នៅប្រាសាទបូរ៉ូប៊ូឌួ។
នារសៀលថ្ងៃទី១៦ ខែវិច្ឆិកា ឆ្នាំ២០១៧ ប្រធានមន្ទីរបេតិកភណ្ឌវប្បធម៌ខេត្តសានទុងនៃសាធារណរដ្ឋប្រជាមានិតចិន បានដឹកនាំគណៈប្រតិភូជាច្រើនរូបចូលជួបសម្តែងការគួរសមជាមួយឯកឧត្តម ហង់ ពៅ អគ្គនាយករងតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងបានចុះហត្ថលេខាពង្រឹងកិច្ចសហប្រតិបត្តិការលើវិស័យទេសចរណ៍វប្បធម៌និងបេតិកភណ្ឌក្រុង Jining និងតំបន់អង្គរខេត្តសៀមរាប។
ដើមដំបូងមុន12345...133134បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
2509
ម្សិលមិញ
:
9890
សប្តាហ៍នេះ
:
73397
ខែនេះ
:
0331858
សរុប
:
004021274