ព័ត៌មានថ្មីៗ

ឯកសារដ៏មានសារៈសំខាន់សម្រាប់អ្នកចង់ដឹងពីតំបន់អង្គរដែលជាបេតិកភណ្ឌពិភពលោក

បានផ្សាយនៅ ថ្ងៃទី 15 ខែ មិនា ឆ្នាំ2017 12:14 PM ដោយ ៖ អាជ្ញាធរជាតិអប្សរា

សៀវភៅថ្មីដ៏មានសារៈប្រយោជន៍ចំនួន៨ក្បាលនិង៨ចំណងជើងដែល មជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរនៃអាជា្ញធរជាតិអប្សរាទើបនឹងទទួលបាន ត្រូវបានដាក់តម្កល់ទុកក្នុងបណ្ណាល័យរបស់មជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជា្ញធរជាតិអប្សរាសម្រាប់ប្រយោជន៍ដល់ការសិក្សាស្រាវជា្រវ។នេះបើយោងតាមសេចក្តីជូនដំណឹងរបស់មជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជា្ញធរជាតិអប្សរាកាលពីថ្ងៃទី១០ ខែមីនា ឆ្នាំ២០១៧។

ខ្លឹមសារនៃសៀវភៅទាំងនេះមានដូចជា៖
-លទ្ធផលនៃការស្រាវជ្រាវនៅប្រទេសកម្ពុជា ថៃ ភូមា វៀតណាមនិងឡាវតាមរយៈការសិក្សាសិលាចារឹកនិងកំណាយបុរាណវិទ្យាជាពិសេសលទ្ធផលស្រាវជ្រាវដ៏សន្លឹកសន្ធាប់នៅតំបន់អង្គររបស់អ្នកស្រាវជ្រាវជាតិបារាំងដែលជារបកគំហើញថ្មីអំពីអង្គរ។
-លទ្ធផលនៃការធ្វើកំណាយសង្រ្គោះក្នុងបរិវេណព្រលានយន្តហោះខេត្តសៀមរាប
-បញ្ជីសារពើភណ្ឌសមុច្ច័យបានពីកំណាយ
-កាលបរិច្ឆេទស្ថានីយ
-លទ្ធផលនៃការធ្វើកំណាយសង្រ្គោះនៅលើកន្លែងដែលមានមនុស្សតាំងទីរស់នៅនាស.វ.ទី១២-១៣នៅក្នុងបរិវេណព្រលានយន្តហោះខេត្តសៀមរាប
-ចំនួនរមណីយដ្ឋាននៅលើភ្នំគូលែន
-ការបរិយាយនិងចំណុចនិយាមការនៃរមណីយដ្ឋាននីមួយៗ
-ការជួសជុលប្រាសាទបាពួន
-កាលបរិច្ឆេទថ្មីនៃបា្រសាទបាពួកតាមការសិក្សាស្រាវជ្រាវរបស់លោកPascal Royére
-គំនូរប្លង់
-រូបថតល្អៗបង្ហាញពីចម្លាក់រឿងទេពកថាតូចៗទាំងឡាយនៃប្រាសាទបាពួក
-វប្បធម៌គឺជាចតុស្តម្ភនៃការអភិវឌ្ឍដោយចីរភាព
-ទឹកនិងមរតកនៅអង្គរ ប្រាសាទ ប្រព័ន្ធធារាសាស្រ្តបុរាណនិងការជួសជុលស្តារឡើងវិញនាពេលថ្មីៗនេះ
-ការសិក្សាស្រាវជ្រាវពីប្រវត្តិព្រះវិហារវត្តប្រាសាទបាគងខេត្តសៀមរាបតាមវិធីសាស្រ្តជាតិពិន្ធុវិទ្យានិងកំណាយបុរាណ
-កិច្ចការអភិរក្សព្រះវិហារវត្តប្រាសាទបាគងផ្នែកគំនូរផាត់ពណ៌និងសំណង់ស្ថាបត្យកម្ម
-ការងារនេះធ្វើដោយអ្នកជំនាញខ្មែរស្ទើរតែទាំងស្រុង
-សកម្មភាពស្រាវជ្រាវ ជួសជុល ថែរក្សា និងអភិរក្សមរតកវប្បធម៌រូបីនិងអរូបីរបស់សាកលវិទ្យាល័យសូហ្វីយ៉ានៃប្រទេសទាំង៥ក្នុងតំបន់អាស៊ី
-របាយការណ៍សិក្ខាសាលារបស់សាកលវិទ្យាល័យសូហ្វីយ៉ាបានធ្វើនៅឆ្នាំ២០១៥អមដោយអត្ថបទរបស់វាគ្មិននិងបទបង្ហាញដោយសាស្ត្រាចារ្យនិងអ្នកស្រាវជា្រវល្បីៗ ក្នុងនោះមានវាគ្មិនខ្មែរដូចជាសាស្រ្តាចារ្យ អាំង ជូលាន បណ្ឌិត លី វណ្ណា បណ្ឌិត ទិន ទីណា បណ្ឌិត ឈាន រដ្ឋា និង លោក ម៉ៅ សុខនី

សៀវភៅទាំងនេះមានប្រយោជន៍ខ្លាំងណាស់សម្រាប់ អ្នកស្រាវជា្រវជាតិ-អន្តរជាតិ មគ្គុទេ្ទសក៍ទេសចរណ៍ និងសាធារណជនដែលចង់សិក្សាស្រាវជ្រាវដើម្បីពង្រឹងសមត្ថភាពនិងបង្កើនចំណេះដឹងអំពីប្រវត្តិសាស្រ្ត វប្បធម៌ អរិយធម៌ ការរៀបចំរមណីយដ្ឋាន លទ្ធផលនៃការសិក្សាស្រាវជា្រវថ្មីៗនិងព័ត៌មានដែលពាក់ព័ន្ធនឹងការជួសជុលប្រាសាទនានាក្នុងតំបន់អង្គរដែលជាសម្បត្តិបេតិកភណ្ឌពិភពលោក។

មជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជា្ញធរជាតិអប្សរាសូមស្វាគមន៍រងចាំទទួលមន្រ្តីបុគ្គលិកអាជ្ញាធរជាតិអប្សរា អ្នកស្រាវជា្រវជាតិអន្តរជាតិ មគ្គុទេ្ទសក៍ទេសចរណ៍ និងសាធារណជនទាំងអស់ដែលមានបំណងចង់មកអានឬខ្ចីឯកសារទាំងនេះដោយមេត្រីភាព៕








អស់រយៈពេល៥ថ្ងៃមានទាំងរត់ ជិះកង់ ចែវទូក បាញ់ធ្នូ ឆ្លងកាត់ឧបសគ្គជាច្រើននៅក្នុងទឹកដីអង្គរ ព្រឹត្តិការណ៍កីឡាអន្តរជាតិ Raid Amazones បានបញ្ចប់យ៉ាងជោគជ័យ និងប្រារព្ធពិធីបិទនៅសណ្ឋាគារប៉ារ៉ាឌីស វីឡា អង្គរ នាយប់ថ្ងៃទី០៩ ខែធ្នូ ឆ្នាំ២០១៧ ក្រោមវត្តមានឯកឧត្តម សុខ សង្វារ អគ្គនាយរងអាជ្ញាធរជាតិអប្សរាតំណាងអគ្គនាយក លោក ALEXANDER DEBANNE អ្នករៀបចំកម្មវិធី និងលោក ហ៊ុន សុជាតិ អ្នកសម្របសម្រួលកម្មវិធី រួមទាំងកីឡាការនីទាំង៣៤៧នាក់ចូលរួមយ៉ាងសប្បាយរីករាយ។
ស្ពៃ ប៉េងប៉ោះ ត្រកូន ននោង ត្រឡាច សណ្តែកកួរ ត្រសក់ ត្រប់ និងកូនរុក្ខជាតិពូជជាច្រើន ត្រូវបានតាំងលក់យ៉ាងស្អេកស្កះនៅក្នុងស្តង់របស់អាជ្ញាធរជាតិអប្សរាក្នុងពិព័រណ៍ផលិតផលបន្លែ ផ្លែឈើកម្ពុជាលើកទី១០ កាលពីថ្ងៃទី០១ ដល់ថ្ងៃទី០៥ ខែធ្នូ ឆ្នាំ២០១៧កន្លងមកនេះ។
មន្ត្រីជំនាញខ្មែរផ្នែកអភិរក្សថ្ម នៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា កំពុងធ្វើការជួសជុលលើចម្លាក់តោចំនួនពីរដែលមានទីតាំងនៅផ្លូវឡើងទៅកាន់ជាន់ទី៥ផ្នែកខាងជើងនិងខាងត្បូងនិងបដិមាព្រះពុទ្ធរូបធ្វើនៅសម័យកណ្តាលចំនួនពីរអង្គ ស្ថិតក្នុងប្រាង្គកណ្តាល នៃប្រាសាទប្រែរូប ដែលស្ថិតនៅជ្រុងឦសាននៃស្រះស្រង់លើបណ្តោយផ្លូវវង់ធំ។
នារសៀលថ្ងៃទី៥ ខែធ្នូ ឆ្នាំ២០១៧នេះ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរាបានអនុញ្ញាតឲ្យលោក Du Lingxin ប្រធានគណៈកម្មាធិការអចិន្ត្រៃយ៍នៃរដ្ឋបាលតំបន់ Xicheng ទីក្រុងប៉េកាំង បានជួបសំណេះសំណាលការងារ នាទីស្នាក់ការអាជ្ញាធរជាតិអប្សរា។
ដើមដំបូងមុន12345...136137បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
0082
ម្សិលមិញ
:
5656
សប្តាហ៍នេះ
:
05738
ខែនេះ
:
0108610
សរុប
:
004213346