ព័ត៌មានថ្មីៗ

មន្ត្រីជំនាញនៃអាជ្ញាធរជាតិអប្សរាប្រាប់ពលរដ្ឋកុំឲ្យបារម្ភពីបញ្ហាដង្កូវចោះដើមឈើ

បានផ្សាយនៅ ថ្ងៃទី 13 ខែ មិនា ឆ្នាំ2017 02:29 PM ដោយ ៖ អាជ្ញាធរជាតិអប្សរា

ហ្វូងដង្កូវជាច្រើន បាននិងកំពុងបំផ្លាញដើមរុក្ខជាតិរបស់អ្នកភូមិអង្គរ ដូចជាដើមត្នោត និងដើមដូង។ អ្នកជំនាញបានហៅជំងឺនេះថា ជាជំងឺក្រាភ្លើង ហើយវាតែងកើតមាននៅរដូវក្តៅ ដែលវាស៊ីមែកស្លឹកដើមត្នោត និងដូង។ យ៉ាងណា អ្នកជំនាញរបស់អាជ្ញាធរជាតិអប្សរា បានប្រាប់ប្រជាពលរដ្ឋកុំឲ្យបារម្ភពីបញ្ហានេះ ព្រោះថាដង្កូវនោះគ្រាន់តែស៊ីស្លឹក ហើយវាមិនបង្កឲ្យដើមរុក្ខជាតិងាប់ទេ។

ដើម្បីទប់ស្កាត់បញ្ហាទាំងនេះ អ្នកជំនាញនៃនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា បានប្រាប់ពីវិធីដើម្បីទប់ស្កាត់ ការរាតត្បាតជំងឺដង្កូវចោះនេះ។ លោក សួន គង់សុភារិទ្ធ បុគ្គលិកផ្នែកដាំឈើបានឲ្យដឹងថា ជាជំហានដំបូងគេអាចទប់ស្កាត់ជំងឺខាងលើនេះ ដោយការកាត់មែកដែលដង្កូវស៊ីចេញ និងប្រមូលដុតចោល ដើម្បីបង្ការពីការរាតត្បាត ដោយសារការបង្កកំណើតរបស់ហ្វូងដង្កូវ។

តាមការបញ្ជាក់របស់លោក គង់សុភារិទ្ធ យើងក៏អាចប្រើថ្នាំគីមីពុលដើម្បីកំចាត់ហ្វូងដង្កូវនេះបានផងដែរ និងវិធានការមួយទៀត គឺការផ្សំថ្នាំបុរាណ ដោយយកថ្នាំជក់លាយជាមួយសំបកស្លែង រួចបាញ់ស្លឹក ឬដើមដែលដង្កូវចោះ។

តាមការចុះស្រាវជ្រាវ និងសួរប្រជាពលរដ្ឋ គេបានរកឃើញថា បញ្ហានេះបានកើតឡើងរយៈពេល២ទៅ៣ឆ្នាំហើយ ប៉ុន្តែវាមិនច្រើនដូចឆ្នាំនេះ។ តំបន់ដែលមានបញ្ហាដង្កូវចោះស៊ីស្លឹកដើមឈើនេះច្រើនជាងគេ គឺនៅភូមិក្រវ៉ាន់ និងភូមិអារក្សស្វាយ សង្កាត់នគរធំ ក្រុងសៀមរាប។ អ្នកជំនាញពន្យល់ថា ដង្កូវបានចោះស៊ីធាងដូងខ្លាំងជាងដើមត្នោត ហើយដោយសារមិនសូវធន់នោះ ធ្វើឲ្យដើមដូងមួយចំនួនតូច បានងាប់ដោយសារជំងឺនេះផងដែរ។

លោក គង់សុភារិទ្ធ បានបន្ថែមថា៖« ដើមត្នោតធន់ជាងដើមដូង។ តាមការចុះត្រួតពិនិត្យ ឃើញថាមានដើមដូងខ្លះបានងាប់ ដោយសារដង្កូវស៊ីខ្លាំងពេក។ ដំណោះស្រាយ យើងត្រូវរួសរាន់ កាត់មែកដែលដង្កូវស៊ីនោះចេញ និងប្រមូលដុតភ្លាម ជៀសវាងកុំឲ្យវារាតត្បាតតទៅទៀត...»។

ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរា លោក និន ចាន់សាមៀន បានពន្យល់ពីបាតុភូតនេះផងដែរថា វាមិនមានអ្វីដែលគួរឲ្យបារម្ភនោះទេ។ លោក សាមៀន ពន្យល់យ៉ាងដូច្នេះថា៖« គេគ្រាន់តែកាត់មែកភ្លាមៗ យកទៅដុតចោល នោះពងដង្កូវនឹងងាប់អស់។ ដើមដែលដង្កូវស៊ីអស់ គឺវានឹងលាស់ស្លឹកថ្មីវិញ វាអត់ងាប់ទេ ដូច្នេះសូមប្រជាពលរដ្ឋកុំបារម្ភ នៅពេលដង្កូវវាក្លាយជាមេអំបៅ ហើយមេអំបៅនោះ នឹងហើរចេញពីកន្លែងនោះ លែងមានអ្វីកើតឡើងទៀតហើយ...»៕










សេចក្តីប្រកាសព័ត៌មាន
( ថ្ងៃទី 17 ខែ មករា ឆ្នាំ2018 )
អាជ្ញាធរជាតិអប្សរាសូមប្រកាសជូនសាធារណជនដែលបានទិញដីឡូតិ៍ពីក្រុមហ៊ុនហ្គោលឌែន អ៊ីហ្គល រៀលអ៊ិស្ទេត ខូអិលធីឌី ដែលមានទីតាំងនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប (ចំណុចផ្លូវ៦០ម៉ែត្រឬអង្គរឃ្យុងយូ) មកធ្វើការពិនិត្យផ្ទៀងផ្ទាត់ក្បាលដីជាមួយក្រុមការងារអន្តរក្រសួងដោះស្រាយគោលនយោបាយដីធ្លីបុរីវប្បធម៌ទេសចរណ៍ នៅមជ្ឈមណ្ឌលអាជ្ញាធរជាតិអប្សរា ដើម្បីជៀសវាងការខូចខាតផលប្រយោជន៍ជាយថាហេតុ។ សូមអានសេចក្តីលម្អិតនៃសេចក្តីប្រកាសព័ត៌មានដូចខាងក្រោម៖
ស្ថាប័នធានាគុណភាពជប៉ុន (Japanese Quality Assurance) បានបើកសវនកម្មប្រចាំឆ្នាំលើការងារគ្រប់គ្រងបរិស្ថាននៃអាជ្ញាធរជាតិអប្សរា រយៈពេល៣ថ្ងៃ ចាប់ពីថ្ងៃទី១៦ដល់ទី១៨ ខែមករា ឆ្នាំ២០១៨។ ពិធីបើកដំណើរការសវនកម្ម បានធ្វើឡើងនៅព្រឹកថ្ងៃទី១៦ ខែមករា ក្រោមអធិបតីភាពឯកឧត្តម សុខ លក្ខិណា ប្រធានអង្គភាពគ្រប់គ្រងប្រព័ន្ធបរិស្ថាននៃអាជ្ញាធរជាតិអប្សរា និងជាតំណាងអគ្គនាយកអាជ្ញាធរជាតិអប្សរា និងសវនករនៃស្ថាប័ន JQA ចំនួន២រូប គឺលោក Kozo Sakurada និងលោក Yamada Mamoru។​
រោងទងកូរសមុទ្រទឹកដោះនៃប្រាសាទអង្គរវត្តដែលស្ថិតនៅផ្នែក អាគ្នេយ៍ នឹងត្រូវធ្វើការបំពាក់ពិតានឡើងវិញ។ ការបំពាក់ពិតានឈើនៅលើរោងទងកូរសមុទ្រទឹកដោះនៅប្រាសាទអង្គរវត្ត ជាគម្រោងសហការនៃអាជ្ញាធរជាតិអប្សរា និងអង្គការមូលនិធិប្រាសាទបុរាណពិភពលោក (World Monument Fund-WMF) របស់សហរដ្ឋអាមេរិក។
នៅព្រឹកថ្ងៃទី១៥ ខែមករា ឆ្នាំ២០១៨ គម្រោងសុវុឌ្ឍិកម្មនៃការសម្អាតទឹក និងការគ្រប់គ្រងទឹកក្នុងតំបន់អង្គរ (PAAGERA) បានរៀបចំបទបង្ហាញស្តីពីលទ្ធផលគម្រោងសាកល្បងទីផ្សារអនាម័យ ដើម្បីចែករំលែកបទពិសោធន៍ ដល់មន្ត្រីបុគ្គលិក៣៥រូបនៃអាជ្ញាធរជាតិអប្សរា ដែលធ្វើការងារពាក់ព័ន្ធនឹងការអប់រំប្រជាពលរដ្ឋ។
ប្រាសាទភិមានអាកាសអតីតព្រះបរមរាជវាំងនៃក្រុងអង្គរធំ នឹងត្រូវជួសជុលឡើងវិញក្នុងពេលឆាប់ៗខាងមុខនេះ ដោយក្រុមរដ្ឋាភិបាលចិនសម្រាប់ការអភិរក្សអង្គរ ហៅកាត់ថា CSA (Chinese government team for Safegaurding Angkor) នៃសាធារណរដ្ឋប្រជាមានិតចិន។
ដើមដំបូងមុន12345...144145បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
1562
ម្សិលមិញ
:
4755
សប្តាហ៍នេះ
:
16132
ខែនេះ
:
0089455
សរុប
:
004452819