ព័ត៌មានថ្មីៗ

សេចក្តីជូនដំណឹងស្តីពីការផ្អាកចរាចរណ៍លើបណ្តោយផ្លូវមុខប្រាសាទអង្គរវត្ត

បានផ្សាយនៅ ថ្ងៃទី 16 ខែ ធ្នូ ឆ្នាំ2015 03:24 PM ដោយ ៖ អាជ្ញាធរជាតិអប្សរា
អគ្គនាយកដ្ឋានអាជ្ញាធរជាតិអប្សរា មានកិត្តិយសសូមជម្រាបជូនដំណឹងដល់គ្រប់ក្រសួង-មន្ទីរ ស្ថាប័នជាតិ-អន្តរជាតិ សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ ក្រុមហ៊ុនអាជីវកម្ម ព្រមទាំងសាធារណជនទាំងអស់ មេត្តាជ្រាបថា៖ ក្នុងគោលបំណងចូលរួមផ្សព្វផ្សាយពីសក្កានុពលទេសចរណ៍ លើកស្ទួយព្រះពុទ្ធសាសនា និងទាក់ទាញភ្ញៀវទេសចរជាតិ-អន្តរជាតិ មកទស្សនាព្រះរាជាណាចក្រកម្ពុជា ជាពិសេសរមណីយដ្ឋានអង្គរកាន់តែច្រើនឡើងថែមទៀត អគ្គនាយកដ្ឋានអាជ្ញាធរជាតិអប្សរា បានសហការជាមួយមជ្ឈមណ្ឌលវប្បធម៌ព្រះពុទ្ធសាសនាកម្ពុជា ផ្ដល់ទីតាំងរៀបចំពិធីបូជាប្រទីបនៅមុខប្រាសាទអង្គរវត្ត និងរាប់បាត្រព្រះសង្ឃ៣០០០អង្គរ នៅលើទីធ្លាព្រះលានជល់ដំរី។ ដូចនេះ ដើម្បីឲ្យពិធីបូជាប្រទីប និងរាប់បាត្រ អាចប្រព្រឹត្តទៅបានរលូន អាជ្ញាធរជាតិអប្សរា សូមជូនដំណឹងដូចខាងក្រោម៖

១. ធ្វើការផ្អាកចរាចរណ៍មួយរយៈ លើបណ្ដោយផ្លូវមុខប្រាសាទអង្គរវត្ត ត្រង់កែងផ្លូវស្នងការនគរបាលការពារបេតិកភណ្ឌ និងកែងផ្លូវកន្លែងលក់សំបុត្រមកពីព្រលានយន្តហោះ នៅថ្ងៃទី១៩ ខែធ្នូ ឆ្នាំ២០១៥ ចាប់ពីម៉ោង ១៣:៣០ថ្ងៃត្រង់ រហូតដល់ ម៉ោង១៨:៣០ល្ងាច។

២. ធ្វើចរាចរណ៍ឯកទិស ចាប់ពីខ្លោងទ្វារទន្លេអុំ នៅថ្ងៃទី២០ ខែធ្នូ ឆ្នាំ២០១៥ ចាប់ពីម៉ោង ០៧:០០ព្រឹក រហូតដល់ម៉ោង១២:០០ថ្ងៃត្រង់ ដោយយានជំនិះអាចចេញតាមខ្លោងទ្វារជ័យ ដីឆ្នាំង ឬខ្លោងទ្វារតាកាវ។

ក្រៅពីពេលវេលាដែលបានកំណត់ខាងលើ ការទស្សនានិងការធ្វើចរាចរណ៍នឹងប្រព្រឹត្តជាធម្មតា។

អាស្រ័យហេតុនេះ សូមគ្រប់ក្រសួង-មន្ទីរ ស្ថាប័នជាតិ-អន្តរជាតិ សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ ក្រុមហ៊ុនអាជីវកម្ម ព្រមទាំងសាធារណជនទាំងអស់មេត្តាជ្រាបជាព័ត៌មានតាមការគួរ។


១៖ អគ្គនាយកអាជ្ញាធរជាតិអប្សរាដឹកនាំក្រុមការងារចុះពិនិត្យរៀបចំការងារមួយចំនួនក្នុងតំបន់រមណីយដ្ឋានអង្គរ
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ រួមមាន ការងារនៅបរិវេណខាងមុខប្រាសាទអង្គរវត្ត ទីទួលបុរាណដ្ឋានប្រាសាទបាយក្អែក ការដ្ឋានជួសជុលស្ពានហាល ការងាររៀបចំសួនបៃតង ការពង្រីកការដាំកូនឈើ និងគម្រោងសិក្សាលើកបង្គន់អនាម័យខាងត្បូងប្រាសាទអង្គរវត្ត និងការងារនៅប្រាសាទព្រះខ័នជាដើម។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន
ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
ក្រុមការងារនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ ប្រចាំច្រកទាំង៦របស់អាជ្ញាធរជាតិអប្សរា បានអនុញ្ញាត ឱ្យប្រជាពលរដ្ឋធ្វើលំនៅដ្ឋាននិងជួសជុលតិចតួចចំនួន២១ករណី ក្នុងចំណោម ពាក្យស្នើសុំទាំងអស់ចំនួន៤៩ករណី នាក្នុងអំឡុងសប្តាហ៍ទី៤ នៃខែមិថុនាឆ្នាំ ២០២០។
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន និងមានប្រសិទ្ធភាពខ្ពស់។
ដើមដំបូងមុន12345...327328បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
14682
ម្សិលមិញ
:
24645
សប្តាហ៍នេះ
:
14682
ខែនេះ
:
0131981
សរុប
:
011594577