ព័ត៌មានថ្មីៗ

អាជ្ញាធរជាតិអប្សរា ដង្ហែទៀនវស្សា និងគ្រឿងបរិក្ខារ ប្រគេនព្រះសង្ឃដែលគង់ចាំវស្សានៅវត្តរលួស

បានផ្សាយនៅ ថ្ងៃទី 10 ខែ សីហា ឆ្នាំ2015 05:01 AM ដោយ ៖ អាជ្ញាធរជាតិអប្សរា

ដើម្បីរួមចំណែកថែរក្សាប្រពៃណី និងទំនុកបម្រុងព្រះសង្ឃ ដែលត្រូវ គង់ចាំវស្សារយៈពេល៣ខែតាមពុទ្ធវិន័យនោះ ក្រុមការងារសហគមន៍ប្រចាំស្រុកបាគង ដឹកនាំដោយឯកឧត្តម សុខ លក្ខិណា អគ្គនាយករងនៃអាជ្ញាធរជាតិអប្សរា កាលពីថ្ងៃទី០៧ ខែសីហាកន្លងទៅនេះបាននាំយកទេយ្យទានមួយចំនួន ទៅប្រគេនព្រះសង្ឃ នៅវត្តព្រះស្នេហាបរិច្ឆ័ត្តព្រឹក្ស ហៅវត្តរលួស ស្រុកប្រាសាទបាគង ខេត្តសៀមរាប។

មានប្រសាសន៍សំណេះសំណាលខ្លីនាឱកាសនោះ ឯកឧត្តម សុខ លក្ខិណា បានលើកឡើងថា តាំងពីដើមរៀងមក វត្តអារាមគឺឃ្លាំងផ្ទុកនូវមរតកវប្បធម៌ដ៏មានតម្លៃ ហើយបានរួមចំណែក យ៉ាងច្រើនក្នុងកិច្ចការអភិរក្សប្រាសាទ និងបេតិកភណ្ឌជាតិ។ ដោយយល់ឃើញពីបញ្ហានេះហើយ ទើបអាជ្ញាធរជាតិអប្សរាយកចិត្តទុកដាក់ថែរក្សាវត្តអារាម ទំនៀមទម្លាប់ប្រពៃណី ដូចគ្នានឹងការថែរក្សាប្រាសាទនានាផងដែរ។

សូមរំឭកថា រមណីយដ្ឋានអង្គរ ដែលចុះក្នុងបញ្ជីបេតិកភណ្ឌពិភពលោក តាំងពីចុងឆ្នាំ១៩៩២មក មិនមែនមានតែប្រាសាទបុរាណប៉ុណ្ណោះទេ គឺរួមបញ្ចូលទាំងវត្តអារាម ព្រៃព្រឹក្សា បឹងបួរ ភូមិដ្ឋានអ្នកស្រុកទាំងអស់ដែលស្ថិតនៅក្នុងផ្ទៃដី៤០១គីឡូម៉ែត្រក្រឡា។ ម្យ៉ាងទៀត ទំនៀមទម្លាប់ប្រពៃណី ជំនឿសាសនា ដែលកំពុងបន្តប្រតិបត្តិដោយអ្នកស្រុកអង្គរសព្វថ្ងៃ គឺជាដួងព្រលឹងនៃប្រាង្គប្រាសាទខ្មែរ។ ប្រពៃណីទាំងអស់នេះហើយ ដែលធ្វើឲ្យអង្គររបស់យើងក្លាយជាបេតិកភណ្ឌមានជីវិត។ ហេតុនេះហើយ ទើបអាជ្ញាធរជាតិអប្សរា ដែលទទួលបន្ទុកថែរក្សា និងអភិរក្សរមណីដ្ឋានអង្គរ តែងយកចិត្តទុកដាក់សិក្សាស្រាវជ្រាវ និងជំរុញការចូលរួមថែរក្សា វប្បធម៌ប្រពៃណីរបស់អ្នកស្រុកអង្គររហូតមក៕
ក្រុមការងារសហគមន៍ប្រចាំស្រុកប្រាសាទបាគងដឹកនាំដោយ ឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកប្រាសាទបាគង បានចុះពិនិត្យ លទ្ធភាពជាក់ស្តែងការជួសជុលទំនប់ទឹកប្រវែង ១៦ម x ១២ម ជម្រៅ ៧ម ដែលបានដាច់ខូចខាតកាលពីឆ្នាំ២០១៣ ដោយគ្រោះទឹកជំនន់។ ការចុះពិនិត្យនេះប្រព្រឹត្តទៅកាលពីថ្ងៃទី០៥ ខែមេសា ឆ្នាំ២០១៦ ដោយមានការចូលរួមពីនាយកដ្ឋានជំនាញពាក់ព័ន្ធនានានៃអាជ្ញាធរជាតិអប្សរា និងលោក ស៊ត់ ដន ជាមេភូមិត្រាច តំណាងឱ្យប្រជាពលរដ្ឋ។
ប្រជាពលរដ្ឋពីរគ្រួសារដែលមានផ្ទះនៅជាប់គ្នា ស្ថិតនៅក្នុងភូមិតាស្នេហ៍ ឃុំដូនកែវ ស្រុកពួក ដែលរងគ្រោះដោយសារភ្លើងឆាបឆេះផ្ទះ បានទទួលអំណោយសង្គ្រោះបឋមរបស់ឯកឧត្តមបណ្ឌិតសភាចារ្យ សុខ អាន ឧបនាយកដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា។
ក្រុមការងារសហគមន៍ទី១ នៃអាជ្ញាធរជាតិអប្សរាប្រចាំស្រុកប្រាសាទបាគង នៅព្រឹកថ្ងៃទី២៩ខែមីនាឆ្នាំ២០១៦នេះបាននាំយកនូវសម្ភារៈ និងគ្រឿងបរិភោគមួយចំនួន ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប។
ក្រុមការងារសហគមន៍ក្រុមទី១របស់អាជ្ញាធរជាតិអប្សរា ប្រចាំក្រុងសៀមរាប កាលពីព្រឹក ថ្ងៃទី២៤ ខែមីនា ឆ្នាំ២០១៦ បានបន្តចុះដោះស្រាយបញ្ហារបស់ប្រជាពលរដ្ឋ ដែលបានស្នើសុំជួសជុលផ្ទះ ធ្វើបង្គន់ និងសាងសង់សំណង់ចាំបាច់ផ្សេងៗ របស់ពួកគាត់ ព្រមទាំងសុំជួសជុលផ្លូវក្នុងភូមិជាដើម។ល។
អំណោយជាសម្ភារៈប្រើប្រាស់រួមទាំងអង្ករចំនួន៥គីឡូក្រាម ដែលផ្តល់ជូនដោយអង្គការសប្បុរសធម៌ជប៉ុន ក្តីសង្ឃឹមនៃកម្ពុជា (Hope of Cambodia) ត្រូវបានចែកជូនដល់ប្រជាពលរដ្ឋចំនួន២៦០ គ្រួសារ មកពីភូមិចំនួន១០ ក្នុងឃុំលាងដៃ និងឃុំស្វាយចេក ស្រុកអង្ករធំ នៅព្រឹកថ្ងៃទី១៧ ខែកុម្ភៈឆ្នាំ២០១៦។
ដើមដំបូងមុន123456បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
7432
ម្សិលមិញ
:
8347
សប្តាហ៍នេះ
:
36067
ខែនេះ
:
0189576
សរុប
:
012959008