សារមន្ទីរព្រះនរោត្តមសីហនុ-អង្គរ ជាបណ្តុំចំណេះដឹងផ្នែកប្រវត្តិសាស្ត្រ ប្រវត្តិសិល្បៈ សម្រាប់កូនខ្មែរសិក្សាស្វែងយល់អាជ្ញាធរជាតិអប្សរាចុះទប់ស្កាត់ និងអប់រំប្រជាពលរដ្ឋពីរគ្រួសារ ពីការរុករានដីធ្វើកសិកម្ម ដើម្បីសង្រ្គោះ ប្រាសាទបន្ទាយខ្យង
បានផ្សាយនៅ
ថ្ងៃទី 21 ខែ កក្កដា ឆ្នាំ2015 03:01 AM ដោយ ៖ អាជ្ញាធរជាតិអប្សរា
អាជ្ញាធរជាតិអប្សរា សហការជាមួយសមត្ថកិច្ចពាក់ព័ន្ធ មានមណ្ឌលអភិវឌ្ឍន៍យោធិនពិការ សម្តេចតេជោហ៊ុន សែន ៣១៧ នគរបាលការពារបេតិកភណ្ឌ សាលាឃុំបល្ល័ង្ក ប៉ុស្តិ៍រដ្ឋបាលឃុំបល្លង្ក័ និងមេភូមិស្នាសង្គ្រាម បានចុះទប់ស្កាត់និងអប់រំប្រជាពលរដ្ឋ២គ្រួសារ ដែលបានរុករានដីធ្វើកសិកម្ម ក្នុងបរិវេណប្រាសាទបន្ទាយខ្យង ដែលស្ថិតនៅភូមិស្នាសង្រ្គាម ឃុំបល្ល័ង្ក ស្រុកប្រាសាទបាគង ខេត្តសៀមរាប។ ក្រុមការងារនេះ ដឹកនាំដោយ លោក ឈាន រដ្ឋា ប្រធាននាយកដ្ឋានស្តីទីនៃនាយកដ្ឋានអភិរក្សប្រាសាទក្រៅឧទ្យានអង្គរ។
តាមរបាយការណ៍របស់នាយកដ្ឋានអភិរក្សប្រាសាទក្រៅឧទ្យានអង្គរ ចុះថ្ងៃទី២០ ខែកក្កដា ឆ្នាំ២០១៥ បញ្ជាក់ថា ប្រជាពលរដ្ឋចំនួនពីររូប ដែលមានឈ្មោះ ឈឿន យ៉ាន់ និងឈ្មោះ កាំ ពិ មានទីលំនៅនៅភូមិស្នាសង្រ្គាម ឃុំបល្ល័ង្ក ស្រុកប្រាសាទបាគង ខេត្តសៀមរាប បានធ្វើការរុករានយកដីធ្វើកសិកម្ម នៅក្នុងតំបន់ការពារប្រាសាទបន្ទាយខ្យងដែលកំពុងធ្វើការអភិរក្ស។
បន្ទាប់ពីក្រុមការងាររបស់អាជ្ញាធរជាតិអប្សរា សមត្ថកិច្ចពាក់ព័ន្ធ និងអាជ្ញាធរមូលដ្ឋានបានចុះទៅឃាត់ និងណែនាំឲ្យពួកគាត់បាន យល់ដឹងអំពីកិច្ចការអភិរក្សបេតិកភណ្ឌ ដែលជាសម្បត្តិរបស់យើងទាំងអស់គ្នារួចមក ប្រជាពលរដ្ឋទាំងពីររូបខាងលើ បានយល់ព្រមឈប់រុករានដីតំបន់ការពារប្រាសាទតទៅទៀត ហើយបានធ្វើកិច្ចសន្យាប្រគល់ដីឲ្យអាជ្ញាធរអប្សរាដើម្បីដាំដើមឈើឡើងវិញ។
ជាមួយគ្នានេះដែរ ដើម្បីឆ្លើយតបទៅនឹងសំណូមពររបស់អាជ្ញាធរដែនដី និងសមកិច្ចពាក់ព័ន្ធ អាជ្ញាធរអប្សរា នឹងធ្វើការបោះបង្គោលកំណត់តំបន់ការពារប្រាសាទបន្ទាយខ្យងនៅពេលឆាប់ៗខាង មុខ។
សូមបញ្ជាក់ថា ប្រាសាទបន្ទាយខ្យង ត្រូវបានសាងសង់ឡើងដោយព្រះរាជគ្រូ យជ្ញវរាហ ក្នុងអំឡុងសតវត្សទី១០។ ព្រះរាជគ្រូអង្គនេះ ជាព្រះគ្រូរបស់ព្រះមហាក្សត្រពីរជំនាន់គឺ ព្រះបាទរាជេន្ទ្រវរ្ម័ន និងព្រះបាទជ័យវរ្ម័នទី៥។ លោកបានកសាងប្រាសាទសំខាន់ៗចំនួន៣គឺ ប្រាសាទបន្ទាយស្រី ប្រាសាទបន្ទាយខ្យង និងប្រាសាទមួយទៀតនៅឃុំដំដែក ស្រុកសូទ្រនិគម ដែលតាមបញ្ជីសារពើភ័ណ្ឌហៅថា ប្រាសាទសេកតាទុយ៕
តាមរបាយការណ៍របស់នាយកដ្ឋានអភិរក្សប្រាសាទក្រៅឧទ្យានអង្គរ ចុះថ្ងៃទី២០ ខែកក្កដា ឆ្នាំ២០១៥ បញ្ជាក់ថា ប្រជាពលរដ្ឋចំនួនពីររូប ដែលមានឈ្មោះ ឈឿន យ៉ាន់ និងឈ្មោះ កាំ ពិ មានទីលំនៅនៅភូមិស្នាសង្រ្គាម ឃុំបល្ល័ង្ក ស្រុកប្រាសាទបាគង ខេត្តសៀមរាប បានធ្វើការរុករានយកដីធ្វើកសិកម្ម នៅក្នុងតំបន់ការពារប្រាសាទបន្ទាយខ្យងដែលកំពុងធ្វើការអភិរក្ស។
បន្ទាប់ពីក្រុមការងាររបស់អាជ្ញាធរជាតិអប្សរា សមត្ថកិច្ចពាក់ព័ន្ធ និងអាជ្ញាធរមូលដ្ឋានបានចុះទៅឃាត់ និងណែនាំឲ្យពួកគាត់បាន យល់ដឹងអំពីកិច្ចការអភិរក្សបេតិកភណ្ឌ ដែលជាសម្បត្តិរបស់យើងទាំងអស់គ្នារួចមក ប្រជាពលរដ្ឋទាំងពីររូបខាងលើ បានយល់ព្រមឈប់រុករានដីតំបន់ការពារប្រាសាទតទៅទៀត ហើយបានធ្វើកិច្ចសន្យាប្រគល់ដីឲ្យអាជ្ញាធរអប្សរាដើម្បីដាំដើមឈើឡើងវិញ។
ជាមួយគ្នានេះដែរ ដើម្បីឆ្លើយតបទៅនឹងសំណូមពររបស់អាជ្ញាធរដែនដី និងសមកិច្ចពាក់ព័ន្ធ អាជ្ញាធរអប្សរា នឹងធ្វើការបោះបង្គោលកំណត់តំបន់ការពារប្រាសាទបន្ទាយខ្យងនៅពេលឆាប់ៗខាង មុខ។
សូមបញ្ជាក់ថា ប្រាសាទបន្ទាយខ្យង ត្រូវបានសាងសង់ឡើងដោយព្រះរាជគ្រូ យជ្ញវរាហ ក្នុងអំឡុងសតវត្សទី១០។ ព្រះរាជគ្រូអង្គនេះ ជាព្រះគ្រូរបស់ព្រះមហាក្សត្រពីរជំនាន់គឺ ព្រះបាទរាជេន្ទ្រវរ្ម័ន និងព្រះបាទជ័យវរ្ម័នទី៥។ លោកបានកសាងប្រាសាទសំខាន់ៗចំនួន៣គឺ ប្រាសាទបន្ទាយស្រី ប្រាសាទបន្ទាយខ្យង និងប្រាសាទមួយទៀតនៅឃុំដំដែក ស្រុកសូទ្រនិគម ដែលតាមបញ្ជីសារពើភ័ណ្ឌហៅថា ប្រាសាទសេកតាទុយ៕
អត្ថបទផ្សេងទៀត
លទ្ធផលកំណាយបុរាណវិទ្យារបស់ អាជ្ញាធរជាតិអប្សរានិងសាលាបារាំងចុងបូព៌ានៅប្រាសាទអកយំ
អកយំ ជាឈ្មោះប្រាសាទសង់អំពីឥដ្ឋមុនសម័យអង្គរ រាងសាជី (Pyramide) ស្ថិតនៅលើខឿនបីជាន់ មានទំហំ១០០ម៉ែត្របួនជ្រុងស្មើ កសាងឡើងក្នុងរាជព្រះបាទភវវរ្ម័ន ដែលឧទ្ទិសចំពោះទេព «កុម្ភីរេស្វរៈ» ក្នុងអំឡុងសតវត្សទី៦នៃគ.ស។ គេបានរកឃើញសិលាចារឹកចំនួនបីផ្ទាំងនៅក្នុងប្រាសាទនេះ គឺផ្ទាំងទី១នៅលើស៊ុមទ្វារចូលប្រាង្គកណ្តាលផ្នែកខាងកើត ដែលបានបញ្ជាក់អំពីកាលបរិច្ឆេទស្ថិតក្នុងឆ្នាំ៦៧៤នៃគ.ស។ ផ្ទាំងទី២នៅលើស៊ុមទ្វារចូលប្រាង្គកណ្តាលផ្នែកខាងត្បូង បញ្ជាក់កាលបរិច្ឆេទនាដើមសតវត្សទី៨ និងផ្ទាំងទី៣ជាអក្សរចារមួយខ្សែលើជើងទម្រកប់ក្រោមដីកាលលើកទំនប់បារាយណ៍ ដែលបង្ហាញអំពីកាលបរិច្ឆេទឆ្នាំ១០០១នៃគ.ស។( ថ្ងៃទី 22 ខែ មិនា ឆ្នាំ2016 )
ក្រុមអ្នកបច្ចេកទេសអាជ្ញាធរជាតិអប្សរាកំពុងសម្អាតស្មៅនិងកាត់ក្រីកូនឈើនៅលើប្រាសាទក្រហម
ប្រាសាទក្រហមជាប្រាសាទឥដ្ឋដែលមានតម្កល់រូបព្រះឥសូររាំដ៏អស្ចារ្យកម្ពស់៤.៥០ម៉ែត្រ (បច្ចុប្បន្នសល់តែបំណែកខ្លះនៅក្នុងប្រាសាទ ឯខ្លះទៀតរក្សាទុកនៅសារមន្ទីរអង្គរ) តាមរចនាប័ទ្មកោះកេរ ឧទ្ទិសចំពោះព្រហ្មញ្ញសាសនា។ អ្នកស្រុក អ្នកធ្វើដំណើរ អ្នកស្រាវជ្រាវមានជំនឿយ៉ាងខ្លាំងលើប្រាសាទក្រហម ព្រោះទីនោះមានអ្នកតាក្រហមដ៏ពូកែស័ក្តិសិទ្ធិ។( ថ្ងៃទី 01 ខែ កុម្ភៈ ឆ្នាំ2016 )
ថ្នាក់នាំ មន្រ្តី បុគ្គលិក របស់អាជ្ញាធរជាតិអប្សរា ចូលរួមក្នុងពិធីបុណ្យឆ្លងសមិទ្ធផលនៅស្ពានព្រះទិស និងអបអរសាទរទិវាបុណ្យជាតិ ៧ មករា
កាលពីថ្ងៃទី ០៦ ខែមករា ឆ្នាំ២០១៦ លោក ឈាន រដ្ឋា ប្រធាននាយកដ្ឋានស្តីទី នៃនាយកដ្ឋានអភិរក្សប្រាសាទក្រៅឧទ្យានអង្គរ បានដឹកនាំមន្រី្ត បុគ្គលិកក្រោមឱវាទ ទៅចូលរួមក្នុងពិធីបុណ្យនៅស្ពានបុរាណព្រះទិស (ស្ពានកំពង់ក្តី) ដែលផ្តួចផ្តើមឡើងដោយព្រះសង្ឃ គណៈកម្មការវត្ត ព្រមទាំងពុទ្ធបរិស័ទចំណុះជើងវត្តជីក្រែង និងសាលាស្រុកជីក្រែង ដែលប្រព្រឹត្តទៅពីថ្ងៃទី ០៦ ដល់ថ្ងៃទី ០៨ ខែមករា ឆ្នាំ ២០១៦។( ថ្ងៃទី 08 ខែ មករា ឆ្នាំ2016 )
ចម្លាក់ព្រះកេសទេវតាចំនួន៣នៅខ្លោងទ្វារទន្លេអុំ ត្រូវបានឆ្លាក់ឡើងវិញតាមរយៈការឧបត្ថម្ភថវិកាពីសប្បុរសជនដែលស្រឡាញ់មត៌កវប្បធម៌
លោក នាង ឈុនអេង និងលោកស្រី យ៉ង់ ដេត ព្រមទាំងលោកស្រី នាង សុវណ្ណារ៉ា ជាបុត្រ ដែលសព្វថ្ងៃរស់នៅទីក្រុងភ្នំពេញបានចំណាយថវិកាផ្ទាល់ខ្លួន ដើម្បីឆ្លាក់ព្រះកេសទេវតាចំនួន៣ ពីថ្មភក់ជំនួសព្រះកេសស៊ីម៉ង់ត៍ដើម្បីដាក់នៅខ្លោងទ្វារទន្លេអុំ ក្រុងអង្គរធំ។( ថ្ងៃទី 04 ខែ មករា ឆ្នាំ2016 )
ប្រសាសន៍លោកជំទាវប្រធានអាជ្ញាធរជាតិអប្សរា
ការព្យាករណ៍អាកាសធាតុ
ក្រមប្រតិបត្តិអង្គរ / Angkor Code of Conduct (Width = 230)
វីដេអូក្រមប្រតិបត្តិអង្គរ
.jpg){kind=small}
