ព័ត៌មានថ្មីៗ

កម្មវិធីផ្សព្វផ្សាយបរិស្ថានស្ដីពីការអភិរក្សទឹក ក្នុងតំបន់អង្គរដល់សិស្សានុសិស្សវិទ្យាល័យហ៊ុន សែនប្រាសាទបាគង

បានផ្សាយនៅ ថ្ងៃទី 22 ខែ ឧសភា ឆ្នាំ2015 11:06 AM ដោយ ៖ អាជ្ញាធរជាតិអប្សរា

ព្រឹកថ្ងៃទី ២១ ខែឧសភា ឆ្នាំ២០១៥ អាជ្ញាធរជាតិអប្សរាបានបើកធ្វើកម្មវិធីផ្សព្វផ្សាយបរិស្ថានស្ដីពីការអភិរក្សទឹកក្នុងតំបន់អង្គរដល់សិស្សានុសិស្សវិទ្យាល័យហ៊ុន សែនប្រាសាទបាគងចំនួនជិត៥០នាក់។
កម្មវិធីផ្សព្វផ្សាយនេះធ្វើឡើងក្នុងគោលបំណង បង្ហាត់បង្ហាញឲ្យសិស្សានុសិស្ស​ដែលជាទំពាំង​ស្នង​ឫស្សីបានយល់ដឹងពីសារៈប្រយោជន៍ របស់ទឹកនិងផលប៉ះពាល់ចំពោះកិច្ចការអភិរក្សបេតិកភណ្ឌវប្បធម៌និងជីវភាពរស់នៅ ចំពោះការបាត់បង់គុណភាពទឹក ព្រមទាំងការងារអភិរក្សគុណភាពទឹករបស់អាជ្ញាធរជាតិអប្សរានៅក្នុងរមណីយដ្ឋានអង្គរដោយធ្វើការចុះទស្សនកិច្ចសិក្សាផ្ទាល់ នៅតាមបណ្តាទីតាំងសំខាន់ៗមួយចំនួនក្នុងឧទ្យានអង្គរដូចជា  សំណង់ទ្វារទឹកធំជិតប្រាសាទតាសោម ប្រាសាទនាគព័ន្ធ ត្រពាំងខ្យង   និងបារាយណ៏ខាងលិច ។ តាមការបង្ហាញរបស់ភ្នាក់ងារបច្ចេកទេសរបស់នាយកដ្ឋានគ្រប់គ្រងទឹក  នៃអាជ្ញាធរជាតិអប្សរាលោក ស៊ិន  ពិសី  បានបញ្ជាក់ថាទឹកមានសារៈសំខាន់ណាស់ចំពោះបា្រសាទ វិស័យកសិកម្ម និងជីវភាពប្រចាំថ្ងៃរបស់យើង។  ហេតុដូច្នេះហើយទើបអាជ្ញាធរជាតិអប្សរាចាត់ទុកការងាគ្រប់គ្រងទឹកនេះជាការងារអាទិភាពមួយក្នុងចំណោមការងារសំខាន់ៗនានាក្នុងកិច្ចអភិរក្ស  និងអភិវឌ្ឍន៍ដោយចីរភាពរមណីយដ្ឋានអង្គរ។ កន្លងមកអាជ្ញាធរជាតិអប្សរាទទួលបានជោគជ័យជាច្រើនក្នុងការស្ដារ និងជួសជុលប្រព័ន្ធធារាសាស្ដ្របុរាណនៅផ្នែកខាងជើងអង្គរឲ្យដំណើការឡើងវិញ ព្រមទាំងស្ថាបនាទំនប់ ប្រឡាយនិង ទ្វារទឹកថ្មីៗជាច្រើនទៀតនៅទូទាំងតំបន់។
គួរបញ្ជាក់ថា ក្នុងកម្មវិធីផ្សព្វផ្សាយបរិស្ថានស្ដីពីការអភិរក្សទឹកនេះមានដាក់ជាសំណួរចម្លើយទាក់ទងនិងការអភិរក្សទឹកដល់សិស្សានុសិស្សដើម្បីងាយស្រួលយល់ដឹងបន្ថែមទៀត ពីអត្ថប្រយោជន៍របស់ទឹកចំពោះប្រាសាទ  ជីវភាពរស់នៅ  និងចំពោះការអភិវឌ្ឍន៍វិស័យផ្សេងៗទៀតក្នុងសង្គម។
ស្ថាប័នធានាគុណភាពជប៉ុន ហៅកាត់ថា JQA កាលពីរសៀលថ្ងៃទី១៣ ខែមករា ឆ្នាំ២០១៦នេះ បានធ្វើបទបង្ហាញស្តីពីការធ្វើវិសោធនកម្មនៃមាត្រាមួយចំនួន នៃប្រព័ន្ធគ្រប់គ្រងបរិស្ថានស្តង់ដារអន្តរជាតិISO14001 ដល់មន្ត្រីបុគ្គលិកនៃអាជ្ញាធរជាតិអប្សរា ដើម្បីត្រៀមខ្លួនសម្របទៅតាមស្តង់ដារថ្មីនេះ។
រមណីយដ្ឋានកោះកេរដែលលាតសន្ធឹងលើផ្ទៃដី ៨១គីឡូម៉ែត្រក្រឡា មានប្រាសាទ និងបុរាណដ្ឋានជាច្រើន ព្រមទាំងហ៊ុមព័ទ្ធដោយព្រៃល្បោះជុំវិញ គួរជាទីគយគន់ពន់ពេក។ សព្វថ្ងៃអ្នកអភិរក្សកំពុងញាប់ដៃញាប់ជើង រិះរកវិធីសាស្ត្រថែរក្សាព្រៃនេះឲ្យបានគង់វង្ស ដោយសារព្រៃនេះនៅមានឈើប្រណីតល្អៗច្រើន ដែលពួកជនទុច្ចរិតមួយចំនួនកំពុងផ្តោតទិសដៅតម្រង់។
នៅក្នុងតំបន់រមណីយដ្ឋានអង្គរ ប្រាសាទ ព្រៃឈើ និងសហគមន៍មានទំនាក់ទំនងគ្នាយ៉ាងជិតស្និទ្ធ។ ជាក់ស្តែង កិច្ចប្រជុំ ICC-Angkor ក៏បានសម្រេចផងដែរថា នៅក្នុងឧទ្យានអង្គរមានធាតុសំខាន់បំផុត ចំនួន០៣ គឺប្រាសាទតំណាងឱ្យ (វប្បធម៌) ធម្មជាតិ (ដើមឈើ សត្វព្រៃ ទឹក។ល។) និងសហគមន៍ (ប្រជាជន ទំនៀមទម្លាប់ ប្រពៃណី) ដែលអាជ្ញាធរជាតិអប្សរាត្រូវយកចិត្តទុកដាក់ឲ្យខ្លាំង។
នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃអាជ្ញាធរជាតិអប្សរា ក្នុងឆ្នាំ២០១៥នេះ ដាំកូនឈើបានចំនួន ៣៥ ៨១៤ ដើម លើសផែនការប្រចាំឆ្នាំជាង១ម៉ឺនដើម។ នេះបើយោងតាមរបាយការណ៍បូកសរុបការងារប្រចាំឆ្នាំ២០១៥ របស់នាយកដ្ឋាន ដែលរៀបចំឡើងនៅព្រឹកថ្ងៃទី៣១ ខែធ្នូ ឆ្នាំ២០១៥នៅទីស្នាក់ការអាជ្ញាធរជាតិអប្សរា។
ស្រះប្រុស ឬស្រះខាងត្បូងប្រាសាទអង្គរវត្ត ត្រូវបានក្រុមនាយកដ្ឋានគ្រប់គ្រងទឹក នៃអាជ្ញាធរជាតិអប្សរា កំពុងបូមទឹកបញ្ចូលហើយ កាលព្រឹកថ្ងៃទី២៩ ខែធ្នូនេះ ក្រោយពីក្រុមការងារបានចំណាយពេលអស់ជិតកន្លះខែ ដើម្បីបំពេញស្រះស្រី ឬស្រះខាងជើងរួចមក។ ការបញ្ចូលទឹកស្រះប្រុសនេះ ក៏មិនខុសពីស្រះស្រីដែរ គឺនឹងត្រូវចំណាយពេលប្រហែលជាង១០ថ្ងៃទើបពេញបាន។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
1960
ម្សិលមិញ
:
7526
សប្តាហ៍នេះ
:
09486
ខែនេះ
:
0104165
សរុប
:
012873597