ព័ត៌មានថ្មីៗ

ភ្នាក់ងារសហប្រតិបត្តិការអន្តរជាតិកូរ៉េ (KOICA) បណ្តុះបណ្តាលអ្នកជំនាញអាជ្ញាធរជាតិអប្សរាទាក់ទងនឹងការពង្រឹងសមត្ថភាពព្យាបាលនិងជួសជុលវត្ថុបុរាណតាមបែបវិទ្យាសាស្ត្រ

បានផ្សាយនៅ ថ្ងៃទី 29 ខែ ធ្នូ ឆ្នាំ2020 02:30 PM ដោយ ៖ អាជ្ញាធរជាតិអប្សរា

មូលនិធិបេតិកភណ្ឌវប្បធម៌កូរ៉េនៃទីភ្នាក់ងារសហប្រតិបត្តិការអន្តរជាតិកូរ៉េ (KOICA) បានបើកវគ្គបណ្តុះបណ្តាលពង្រឹងសមត្ថភាពព្យាបាលនិងជួសជុលវត្ថុបុរាណតាមបែបវិទ្យាសាស្ត្រ រយៈពេល៥ថ្ងៃ ពីថ្ងៃទី២១ដល់២៥ ខែធ្នូ ឆ្នាំ២០២០ ដល់មន្ត្រី-បុគ្គលិកជំនាញជួសជុលនិងអភិរក្សប្រាសាទនៃអាជ្ញាធរជាតិអប្សរាចំនួន១៥នាក់។

លោក ផាក សងឆល់ អ្នកស្រាវជ្រាវនិងអភិរក្សនៃមូលនិធិបេតិកភណ្ឌវប្បធម៌កូរ៉េ ជាគ្រូបង្គោលនៃវគ្គបណ្តុះបណ្តាល បានបង្រៀនពីរបៀបប្រើប្រាស់និងទទួលទិន្នន័យពីឧបករណ៍វិភាគលើថ្ម របៀបមើលពីសមាសធាតុនៃថ្មនីមួយៗ បញ្ហាខូចខាត ជំងឺថ្ម ប្រភពថ្ម ប្រភេទថ្ម ដែលជួយពន្លឿននៅក្នុងកិច្ចការជួសជុលអភិរក្សថ្មបានល្អ លឿន និងមានវិធីសាស្ត្រច្រើនក្នុងការជួសជុល។

លោក សងឆល់ ក៏បានបញ្ជាក់ថា ប្រាសាទនៅខ្មែរភាគច្រើនធ្វើពីថ្មភក់ ងាយរងផលប៉ះពាល់ពីអាកាសធាតុក្តៅហើយសើម ជួនមានភ្លៀងធ្លាក់ខ្លាំង ជួនក្តៅខ្លាំង ហើយនឹងការដុះឡើងនៃរុក្ខជាតិលើប្រាសាទបំផ្លាញរចនាសម្ពន្ធប្រាសាទ។ លោករំពឹងទុកថា ក្រោយបញ្ចប់វគ្គបណ្តុះបណ្តាលនេះ សិក្ខាកាមទាំង១៥នាក់នឹងអាចរៀបចំការអភិរក្សប្រាសាទទៅតាមលំដាប់លំដោយយ៉ាងមានប្រសិទ្ធភាពខ្ពស់ក្នុងការអភិរក្សថ្ម។ ក្រុមការងារនឹងបន្តធ្វើវគ្គបណ្តុះបណ្តាលនេះទៀត ដើម្បីផ្តល់ចំណេះដឹងបន្ថែមផ្នែកអភិរក្សបែបវិទ្យាសាស្ត្រដល់អ្នកជំនាញអាជ្ញាធរជាតិអប្សរា ពិសេសខាងកូរ៉េចង់ឱ្យមន្ទីរពិសោធន៍នេះមានមុខងារកាន់តែសំខាន់នៅក្នុងកិច្ចការអភិរក្សប្រាសាទនៅក្នុងតំបន់អង្គរតាមរយៈកិច្ចសហប្រតិបត្តិការកូរ៉េ-អាជ្ញាធរជាតិអប្សរា។

លោក សាន ចន្ទសុខា មន្ត្រីនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ បានឱ្យដឹងថា នេះជាលើកទី១ដែលបានរៀនពីរបៀបមើលមីក្រូទស្សន៍និងប្រើអ៊ុលត្រាសោន ដែលឱ្យយើងដឹងពីការខូចខាតនៅខាងក្នុងថ្មដែលយើងមិនអាចមើលដោយភ្នែកទទេបាន។ វគ្គបណ្តុះបណ្តាលនេះបានពង្រឹងសមត្ថភាពពាក់ព័ន្ធនឹងការពិសោធដោយប្រើប្រាស់ឧបករណ៍វិទ្យាសាស្ត្រជំនួយដល់ការជួសជុល ដែលកន្លងមករាល់ការពិសោធភាពខូចខាតនៃថ្មនិងសំណល់បុរាណវិទ្យាផ្សេងៗនៅក្នុងតំបន់អង្គរនិងប្រទេសកម្ពុជា ច្រើនពឹងលើការវិភាគនៅក្រៅប្រទេសប៉ុណ្ណោះ។

លោក អាត សុខចាន់ មន្ត្រីមកពីនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ បានលើកឡើងថា ការរៀនលើកនេះគឺមានសម្ភារគ្រប់គ្រាន់។ យើងមានវិធីច្រើនសម្រាប់សិក្សាស្វែងរកភាពខូចខាតនៃថ្ម តែវិធីរៀននេះមានភាពងាយស្រួលជាងមុនព្រោះយើងប្រើម៉ាស៊ីនអាចវិភាគដឹងច្រើនលឿនរហ័សក្នុងការបំពេញការងារបានប្រសើរជាងមុន។ លោកសង្ឃឹមថានឹងមានការបណ្តុះបណ្តាលបែបនេះបន្តទៀត ព្រោះយើងបានរៀនតែទ្រឹស្តីច្រើនជាងអនុវត្ត៕















អត្ថបទ៖ កញ្ញា ហ៊ីង ស្រីរ័ត្ន
រូបភាព៖ លោក យី សុថា
ក្រុមជំនាញនៃនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន និងនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា បានចុះពិនិត្យ និងអនុវត្តន៍វិធានការបន្ទាន់ចំពោះដើមឈើដែលកំពុងបង្កហានិភ័យខ្ពស់មកលើប្រាសាទគោកពោធិ៍ សិ្ថតក្នុងភូមិគោកពោធិ៍ ឃុំដូនកែវ ស្រុកពួក ខេត្តសៀមរាប។
នារសៀលថ្ងៃទី២៣ ខែកុម្ភៈ ឆ្នាំ២០២១ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានចុះទៅពិនិត្យការដ្ឋានកំណាយស្រាវជ្រាវបុរាណវិទ្យានៅមុខព្រះលានជល់ដំរី មុននឹងដំណើរការរៀបចំហេដ្ឋារចនាសម្ពន្ធផ្លូវថ្មើជើង សួនស្មៅ ដាំដើមឈើ និងប្រព័ន្ធបង្ហូរទឹក។
«គម្រោងរៀបចំទីលានបដិសណ្ឋារកិច្ចប្រាសាទអង្គរវត្ត» ជាគម្រោងដ៏សំខាន់មួយដើម្បីរៀបចំបរិស្ថានប្រាសាទ បង្កើតសោភ័ណភាពប្រាសាទ ទេសភាពវប្បធម៌ សណ្តាប់ធ្នាប់ សេវាកម្មទេសចរណ៍នៅក្នុងរមណីយដ្ឋានអង្គរឱ្យមានភាពល្អប្រសើរ។
កាលពីរសៀលថ្ងៃទី២០ ខែកុម្ភៈ ឆ្នាំ២០២១ ក្រុមនិស្សិតនៃសកលវិទ្យាល័យបៀលប្រាយខេត្តសៀមរាបចំនួន១៥នាក់ បានមកទស្សនកិច្ចសិក្សានៅសារមន្ទីរវាយភណ្ឌប្រពៃណីអាស៊ីដើម្បីសិក្សាស្វែងយល់អំពី រឿងរ៉ាវពីបុរាណរបស់ទន្លេគង្គានិងសារៈសំខាន់របស់ទន្លេមេគង្គ ក្នុងវិស័យវប្បធម៌និងសង្គម រួមជាមួយនឹងភស្តុតាង បច្ចុប្បន្ននៃទន្លេគង្គាដ៏ពិសិដ្ឋគឺនៅភាគខាងលិចទន្លេមេគង្គ។
ថ្ងៃទី២២ ខែកុម្ភៈ ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរា ដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ដើមដំបូងមុន12345...393394បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
13
ថ្ងៃនេះ
:
5776
ម្សិលមិញ
:
20070
សប្តាហ៍នេះ
:
57098
ខែនេះ
:
0360606
សរុប
:
014803447