NEWS

អាជ្ញាធរជាតិអប្សរាសហការជាមួយទីភ្នាក់ងារអភិវឌ្ឍន៍របស់ប្រទេសស៊ុយអែត រៀបចំសិក្ខាសាលាស្តីពី “ការអភិវឌ្ឍទឹកស្អាត និងអនាម័យនៅទីក្រុងប្រកបដោយចីរភាព SUWAS“

Published on 24 October 2020 04:36 PM Post By ៖ Apsara National Authority

ថ្ងៃទី២៣ ខែតុលា ឆ្នាំ២០២០ នៅទីស្នាក់ការអាជ្ញាធរជាតិអប្សរា ខេត្តសៀមរាប បានរៀបចំសិក្ខាសាលាស្តីពី “ការអភិវឌ្ឍទឹកស្អាតនិងអនាម័យនៅទីក្រុងប្រកបដោយចីរភាព” ក្រោមការជួយឧបត្ថម្ភដោយទីភ្នាក់ងារអភិវឌ្ឍន៍របស់ប្រទេសស៊ុយអែត ហៅកាត់ថា Sida និងគាំទ្របច្ចេកទេសដោយ NIRAS និងWater Aid ។

សិក្ខាសាលនេះធ្វើឡើងក្នុងគោលបំណងផ្តល់ចំណេះដឹងនិងជំនាញលើការងារអភិវឌ្ឍន៍ទឹកស្អាត និងអនាម័យនៅក្នុងសហគមន៍ ដល់ស្ថាប័នពាក់ព័ន្ធក្នុងខេត្តសៀមរាប។ ដោយមានអ្នកចូលរួមចំនួន៥០នាក់ មកពីក្រសួងបរិស្ថាន សាលាខេត្តសៀមរាប សាលាក្រុងសៀមរាប អាជ្ញាធរជាតិអប្សរា មន្ទីរសាធារណ ការខេត្ត មន្ទីរអភិវឌ្ឍន៍ជនបទខេត្ត មន្ទីរបរិស្ថានខេត្ត រដ្ឋាករទឹកស្វយ័តសៀមរាប អង្គការលំនៅឋានមនុស្សជាតិកម្ពុជា (Habitat for Humanity Cambodia) ក្រុមហ៊ុនហ្គាអៀ និងក្រុមហ៊ុនNIRAS។

ឯកឧត្តម ជុំ សុភមករា អគ្គនាយករងនៃអាជ្ញាធរជាតិអប្សរា បានមានប្រសាសន៍ក្នុងកម្មវិធីបើកសិក្ខាសាលាថា៖ ទឹកមានសារៈសំខាន់ណាស់សម្រាប់ទ្រទ្រង់ជីវិតយើងទាំងអស់គ្នា។ ដូច្នេះយើងត្រូវចេះគ្រប់គ្រងទឹកឱ្យបានល្អ ជាពិសេសទឹកស្អាត និងអនាម័យ។ សិក្ខាសាលានេះពិតជាសំខាន់ដែលទាមទារស្ថានប័នពាក់ព័ន្ធទាំងអស់នៅខេត្តសៀមរាបត្រូវយល់ដឹងពីទឹកស្អាតដើម្បីយកទៅផ្សព្វផ្សាយ និងអនុវត្តក្នុងមូលដ្ឋានរបស់ខ្លួនដែលជាប្រយោជន៍ដល់សុខភាពសាធារណៈ។

លោក សុខ វណ្ណា តំណាងក្រុមហ៊ុន NIRAS និងអ្នកសម្របសម្រួលសិក្ខាសាលានាពេលនេះ បានលើកឡើងថា៖ NIRAS ជាក្រុមហ៊ុនប្រឹក្សាវិស្វកម្មលំដាប់ពិភពលោក ហើយជាក្រុមហ៊ុនគាំទ្របច្ចេកទេសដល់ទីភ្នាក់ងារអភិវឌ្ឍន៍របស់ប្រទេសស៊ុយអែត Sida ដល់ប្រទេសមួយចំនួនក្នុងតំបន់អាស៊ីដូចជា ប្រទេសបង់ក្លាដេស នេប៉ាល់ ឡាវ ភូមា និងកម្ពុជា លើគម្រោងការអភិវឌ្ឍវិស័យទឹកស្អាត និងអនាម័យក្នុងទីប្រជុំជនប្រកបដោយចីរភាព។ លោកសង្ឃឹមថា សិក្ខាសាលានេះនឹងផ្តល់ចំណេះដឹង និងចែករំលែកបទពិសោធន៍ដល់មន្ត្រីស្ថាប័នពាក់ព័ន្ធលើវិស័យទឹកស្អាត និងអនាម័យប្រកបដោយចីរភាព។

គួរបញ្ជាក់ផងដែរថា វគ្គសិក្ខាសាលាបណ្តុះបណ្តាលកម្រិតអន្តរជាតិស្តីពី“ការអភិវឌ្ឍវិស័យទឹកស្អាតនិងអនាម័យក្នុងទីប្រជុំជនប្រកបដោយចីរភាព “ នេះតែងធ្វើឡើងជារៀងរាល់ឆ្នាំចាប់ពីឆ្នាំ២០១៧មក ដោយមានសិក្ខាកាមចូលរួមចន្លោះពី៣០នាក់ ទៅ៥០នាក់ក្នុងមួយវគ្គ៕















អត្ថបទ៖ ឆាយ ផាន់នី
រូបភាព៖ លោក ហ៊ុំ រិទ្ធី
តាំងពីដើមខែមិថុនាមក គឺចាប់ពីពេលដែលភ្លៀងចាប់ផ្តើមធ្លាក់ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរាបានសម្រុកដាំដើមឈើជាបន្តបន្ទាប់ទាំងក្នុង និងក្រៅរមណីយដ្ឋានអង្គរ។ គិតមកទល់នឹងចុងខែកក្កដានេះ មានកូនឈើជាង៣ម៉ឺនដើមហើយ ដែលត្រូវបានដាំក្នុងរមណីយដ្ឋានអង្គរ។ មុននឹងផុតរដូវភ្លៀងនៅចុងកញ្ញាឬដើមខែតុលា នាយកដ្ឋានជំនាញគ្រប់គ្រងព្រៃឈើមួយនេះប្តេជ្ញាដាំកូនឈើឲ្យបានយ៉ាងតិច៣ម៉ឺនដើមទៀត។
ប្រធានក្រុមហ៊ុន Forword (Cambodia) Argricultural Development Co.Ltd បាននាំអ្នកជំនាញកសិកម្មរបស់ខ្លួន ចូលជួបពិភាក្សាការងារជាមួយឯកឧត្តម ម៉ី ម៉ារ៉ាឌី ប្រធានគម្រោងភូមិធម្មជាតិរុនតាឯក និងសិក្សាទីតាំងក្នុងភូមិរុនតាឯកដើម្បីធ្វើកសិកម្ម កាលពីថ្ងៃទី២៧ ខែមិនថុនា ឆ្នាំ២០១៦។
ប្រាសាទបុរាណខ្មែរនៅសៀមរាបអង្គរចំនួន៩១ប្រាសាទ ត្រូវបានចាត់បញ្ចូលក្នុងបញ្ជីបេតិកភណ្ឌពិភពលោក ក្នុងចំណោមនោះ ប្រាសាទអង្គរវត្តដែលបានសាងសង់ឡើងក្នុងរាជ្យព្រះបាទសូរ្យវរ្ម័នទី២នាដើមសតវត្សទី១២ កំពុងទទួលបាននូវការចាប់អារម្មណ៍ជាងគេ ពីសំណាក់អ្នកទេសចរអន្តរជាតិ ដែលបានមកទស្សនាតាមរយ:ការឲ្យតម្លៃលើស្នាដៃសិល្បៈ ស្ថាបត្យកម្មនិងចម្លាក់នានាប្រកបដោយភាពរស់រវើក ស្រស់ស្អាត និងផ្ចិតផ្ចង់។
ក្រុមការងារសហគមន៍នៃអាជ្ញាធរជាតិអប្សរា ដឹកនាំដោយ ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា បាននាំយកអំណោយជាសម្ភារៈប្រើប្រាស់សម្រាប់ទារក និងថវិកាជាចំណងដៃផ្តល់ជូនជាបន្តបន្ទាប់ដល់ស្ត្រីឆ្លងទន្លេ២០គ្រួសារ ដែលនៅក្នុងភូមិចំនួន២ គឺភូមិកោះជ្រុំ និងភូមិទួលក្រឡាញ់ ឃុំខ្នារសណ្ដាយ ស្រុកបន្ទាយស្រី ខេត្តសៀមរាប កាលពីព្រឹកថ្ងៃពុធ ទី២៧ ខែកក្កដា ឆ្នាំ២០១៦កន្លងទៅនេះ។
គម្រោងស្រាវជ្រាវ “ព្រះរាជរោងសិតសំរិទ្ធក្នុងព្រះបរមរាជវាំងអង្គរធំ” ដែលកំពុងអនុវត្តដោយអាជ្ញាធរជាតិអប្សរា និងសាលាបារាំងចុងបូព៌ា (EFEO) បានបង្ហាញថា ជនជាតិខ្មែរមានរោងស្លលោហកម្ម ធំ និងប្រណីតជាងគេនៅអាស៊ីអាគ្នេយ៍។ លទ្ធផលបឋមនៃកំណាយស្រាវជ្រាវ នៅក្នុងព្រះបរមរាជវាំងអង្គរធំសម័យអង្គរនេះ ថែមទាំងបង្ហាញថា ទំនៀមនៃការផលិតលោហកម្មរបស់បុព្វបុរសខ្មែរនៅតែបន្តអាយុជីវិតនៅឡើយសព្វថ្ងៃ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
20
Today
:
23009
Yesterday
:
40162
This Week
:
207277
This Month
:
0207277
Total
:
015277080