ព័ត៌មានថ្មីៗ

អាជ្ញាធរជាតិអប្សរាសហការជាមួយទីភ្នាក់ងារអភិវឌ្ឍន៍របស់ប្រទេសស៊ុយអែត រៀបចំសិក្ខាសាលាស្តីពី “ការអភិវឌ្ឍទឹកស្អាត និងអនាម័យនៅទីក្រុងប្រកបដោយចីរភាព SUWAS“

បានផ្សាយនៅ ថ្ងៃទី 24 ខែ តុលា ឆ្នាំ2020 04:36 PM ដោយ ៖ អាជ្ញាធរជាតិអប្សរា

ថ្ងៃទី២៣ ខែតុលា ឆ្នាំ២០២០ នៅទីស្នាក់ការអាជ្ញាធរជាតិអប្សរា ខេត្តសៀមរាប បានរៀបចំសិក្ខាសាលាស្តីពី “ការអភិវឌ្ឍទឹកស្អាតនិងអនាម័យនៅទីក្រុងប្រកបដោយចីរភាព” ក្រោមការជួយឧបត្ថម្ភដោយទីភ្នាក់ងារអភិវឌ្ឍន៍របស់ប្រទេសស៊ុយអែត ហៅកាត់ថា Sida និងគាំទ្របច្ចេកទេសដោយ NIRAS និងWater Aid ។

សិក្ខាសាលនេះធ្វើឡើងក្នុងគោលបំណងផ្តល់ចំណេះដឹងនិងជំនាញលើការងារអភិវឌ្ឍន៍ទឹកស្អាត និងអនាម័យនៅក្នុងសហគមន៍ ដល់ស្ថាប័នពាក់ព័ន្ធក្នុងខេត្តសៀមរាប។ ដោយមានអ្នកចូលរួមចំនួន៥០នាក់ មកពីក្រសួងបរិស្ថាន សាលាខេត្តសៀមរាប សាលាក្រុងសៀមរាប អាជ្ញាធរជាតិអប្សរា មន្ទីរសាធារណ ការខេត្ត មន្ទីរអភិវឌ្ឍន៍ជនបទខេត្ត មន្ទីរបរិស្ថានខេត្ត រដ្ឋាករទឹកស្វយ័តសៀមរាប អង្គការលំនៅឋានមនុស្សជាតិកម្ពុជា (Habitat for Humanity Cambodia) ក្រុមហ៊ុនហ្គាអៀ និងក្រុមហ៊ុនNIRAS។

ឯកឧត្តម ជុំ សុភមករា អគ្គនាយករងនៃអាជ្ញាធរជាតិអប្សរា បានមានប្រសាសន៍ក្នុងកម្មវិធីបើកសិក្ខាសាលាថា៖ ទឹកមានសារៈសំខាន់ណាស់សម្រាប់ទ្រទ្រង់ជីវិតយើងទាំងអស់គ្នា។ ដូច្នេះយើងត្រូវចេះគ្រប់គ្រងទឹកឱ្យបានល្អ ជាពិសេសទឹកស្អាត និងអនាម័យ។ សិក្ខាសាលានេះពិតជាសំខាន់ដែលទាមទារស្ថានប័នពាក់ព័ន្ធទាំងអស់នៅខេត្តសៀមរាបត្រូវយល់ដឹងពីទឹកស្អាតដើម្បីយកទៅផ្សព្វផ្សាយ និងអនុវត្តក្នុងមូលដ្ឋានរបស់ខ្លួនដែលជាប្រយោជន៍ដល់សុខភាពសាធារណៈ។

លោក សុខ វណ្ណា តំណាងក្រុមហ៊ុន NIRAS និងអ្នកសម្របសម្រួលសិក្ខាសាលានាពេលនេះ បានលើកឡើងថា៖ NIRAS ជាក្រុមហ៊ុនប្រឹក្សាវិស្វកម្មលំដាប់ពិភពលោក ហើយជាក្រុមហ៊ុនគាំទ្របច្ចេកទេសដល់ទីភ្នាក់ងារអភិវឌ្ឍន៍របស់ប្រទេសស៊ុយអែត Sida ដល់ប្រទេសមួយចំនួនក្នុងតំបន់អាស៊ីដូចជា ប្រទេសបង់ក្លាដេស នេប៉ាល់ ឡាវ ភូមា និងកម្ពុជា លើគម្រោងការអភិវឌ្ឍវិស័យទឹកស្អាត និងអនាម័យក្នុងទីប្រជុំជនប្រកបដោយចីរភាព។ លោកសង្ឃឹមថា សិក្ខាសាលានេះនឹងផ្តល់ចំណេះដឹង និងចែករំលែកបទពិសោធន៍ដល់មន្ត្រីស្ថាប័នពាក់ព័ន្ធលើវិស័យទឹកស្អាត និងអនាម័យប្រកបដោយចីរភាព។

គួរបញ្ជាក់ផងដែរថា វគ្គសិក្ខាសាលាបណ្តុះបណ្តាលកម្រិតអន្តរជាតិស្តីពី“ការអភិវឌ្ឍវិស័យទឹកស្អាតនិងអនាម័យក្នុងទីប្រជុំជនប្រកបដោយចីរភាព “ នេះតែងធ្វើឡើងជារៀងរាល់ឆ្នាំចាប់ពីឆ្នាំ២០១៧មក ដោយមានសិក្ខាកាមចូលរួមចន្លោះពី៣០នាក់ ទៅ៥០នាក់ក្នុងមួយវគ្គ៕















អត្ថបទ៖ ឆាយ ផាន់នី
រូបភាព៖ លោក ហ៊ុំ រិទ្ធី
នៅព្រឹកថ្ងៃទី០១ ខែមិថុនា ឆ្នាំ២០១៦ ក្រោមការដឹកនាំរបស់ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានគម្រោងអភិវឌ្ឍន៍ភូមិធម្មជាតិរុនតាឯក បានប្រារព្ធពិធីអបអរសាទរទិវាសិទ្ធិកុមារពិភពលោក ០១ មិថុនា នៅភូមិធម្មជាតិរុនតាឯកជាលើកទី១។
អាជ្ញាធរជាតិអប្សរាដោយសហការជាមួយសាកលវិទ្យាល័យស៊ីដនី នឹងរៀបចំធ្វើបទបង្ហាញស្តីពីលទ្ធផលកំណាយស្រាវជ្រាវជាបឋមមួយ នៅភាគអាគ្នេយ៍ក្នុងប្រាសាទអង្គរវត្ត ដោយផ្តោតសំខាន់លើការតាំងទីលំនៅរស់នៅរបស់ប្រជាជននាសម័យអង្គរ ដោយលោកស្រីបណ្ឌិត Alison Carter នៅថ្ងៃសុក្រទី១០ ខែមិថុនា ឆ្នាំ២០១៦ វេលាម៉ោង៩:០០ នាទីព្រឹក នៅសាលសិក្សាលលៃនៃមជ្ឈមណ្ឌលបណ្តុះបណ្តាលអង្គរ-អាជ្ញាធរជាតិអប្សរា។
ខ្លឹមសារនៃពិធីដាក់បាត្រ
( ថ្ងៃទី 31 ខែ ឧសភា ឆ្នាំ2016 )
ពិធីដាក់បាត្រជាទំនៀមទម្លាប់ប្រពៃណីបុរាណតាមបែបព្រះពុទ្ធសាសនា របស់ប្រជាពលរដ្ឋខ្មែរមួយក្នុងចំណោមទំនៀមទម្លាប់ប្រពៃណីដ៏សម្បូរបែបផ្សេងៗទៀត ដែលមានអាយុកាលយូរល់ងណាស់មកហើយ។ ទំនៀមទម្លាប់នេះ គេសង្កេតឃើញប្រជាពលរដ្ឋដែលជាអ្នកកាន់ព្រះពុទ្ធសាសនាប្រារព្ធពិធីដាក់បាត្រនេះ នៅគ្រប់ពិធីបុណ្យទាំងអស់មិនពិធីបុណ្យតូចឬធំនោះទេ ដើម្បីបង្ហាញឬបញ្ជាក់ប្រាប់ឲ្យសាធារណជនដឹងថាពិធីបុណ្យនេះឆ្លងឬបញ្ចប់នៅថ្ងៃហ្នឹងហើយ។ ហេតុនេះហើយទើបមានពាក្យដែលអ្នកស្រុកនិយាយជាទូទៅថា ដាក់បាត្រឆ្លង។
ទំនៀមទម្លាប់ប្រពៃណីគឺជាអត្តសញ្ញាណមួយ ដែលធ្វើឲ្យអ្នកអង្គរមានភាពប្លែកពីតំបន់ដទៃទៀត។ បើនិយាយពីប្រពៃណីរបស់អ្នកអង្គរសព្វថ្ងៃ យើងសឹងតែអាចនិយាយបានថា វាជាផ្នែកមួយនៃអវៈយវៈរបស់ពួកគាត់ទៅហើយ ពោលគឺ មិនអាចខ្វះបានក្នុងជីវភាពប្រចាំថ្ងៃ។ ពេលខ្លះ យើងសង្កេតឃើញថា បើគាត់រវល់ណាស់ធ្វើអ្វីធំដុំមិនទាន់ ក៏គង់ធ្វើអ្វីតូចមួយមកជំនួសឲ្យសមនឹងកិច្ចពិធីនោះៗដែរ។ តែទោះយ៉ាងណា ក៏មិនចោលទំនៀមទម្លាប់ប្រពៃណីដែរ។
ពិព័រណ៍ការងារដើម្បីតម្រង់ទិសក្នុងការសិក្សារបស់ប្អូនៗសិស្សានុសិស្ស ត្រូវបានរៀបចំឡើង ដោយអង្គការថែរក្សាដើម្បីកម្ពុជា Caring for Cambodia(CFC) និងវិទ្យាល័យផ្សេងៗ ព្រមទាំងមានការចូលរួមពីបណ្តាស្ថាប័នជាច្រើន។ ពិព័រណ៍បានរៀបចំនៅវិទ្យាល័យបាគង នាព្រឹកថ្ងៃទី២៧ ខែឧសភា ឆ្នាំ២០១៦។ អាជ្ញាធរជាតិអប្សរាក៏បានចូលរួមចំពោះការផ្សព្វផ្សាយនេះ ដោយមានមន្ត្រីជំនាញជាអ្នកពន្យល់ដោយផ្ទាល់ លើការងារគ្រប់គ្រង អភិរក្ស និងអភិវឌ្ឍន៍ប្រកបដោយចីរភាពចំពោះរមណីយដ្ឋានអង្គរ ដែលជាបេតិកភណ្ឌពិភពលោក។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
1072
ម្សិលមិញ
:
5260
សប្តាហ៍នេះ
:
14242
ខែនេះ
:
0172131
សរុប
:
014231986