ព័ត៌មានថ្មីៗ

ក្នុងពាក់កណ្ដាលខែកញ្ញានេះ អាជ្ញាធរជាតិអប្សរាបានចែកកូនឈើជាង១៥,០០០ ដើមបន្ថែមទៀតដល់សាធារណជន

បានផ្សាយនៅ ថ្ងៃទី 15 ខែ កញ្ញា ឆ្នាំ2020 11:24 AM ដោយ ៖ អាជ្ញាធរជាតិអប្សរា
ក្នុងគោលបំណងស្ដារគម្របព្រៃឈើក្នុងតំបន់រមណីយដ្ឋានបេតិកភណ្ឌពិភពលោកអង្គរឲ្យកាន់តែមានចំនួនច្រើនឡើង ក៏ដូចជាក្នុងន័យបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន ជាបន្តបន្ទាប់អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំនៅតាមតំបន់នានាក្នុងប្រទេសកម្ពុជា។ ក្នុងពាក់កណ្ដាលខែកញ្ញា ឆ្នាំ២០២០ គឺចាប់ពីថ្ងៃទី១ ដល់ថ្ងៃទី១២ ខែកញ្ញា អាជ្ញាធរជាតិអប្សរាបានបន្តចែកជូនកូនឈើចម្រុះសរុបចំនួន ១៥,០៣០ ដើម ដល់សាធារជនជិតឆ្ងាយ ដែលក្នុងនោះរួមមាន៖

១. ផ្តល់ជូនកូនឈើជូនតំណាងសាលាបឋមសិក្សាវត្តស្វាយ ចំនួន៥០ដើម ដើម្បីយកទៅដាំនៅបរិវេណសាលា។

២. ផ្តល់ជូនកូនឈើដល់លោកស្រី ធាវ គឹមស៊ាន ចំនួន១០០ដើម យកទៅដាំនៅបរិវេណវត្តសំបូរ ស្ថិតក្នុងឃុំសំបូរ ស្រុកមង្គលបុរី ខេត្តបន្ទាយមានជ័យ។

៣. ផ្តល់កូនឈើជូនតំណាងកងធំអន្ដរាគមន៍លេខ២ នៃកងទ័ពជើងគោក ចំនួន ៣,០០០ដើម។

៤. ផ្តល់ជូនកូនឈើដល់លោក ជា វណ្ណៈ ចំនួន ៣០០ដើម។

៥. ប្រគេនកូនឈើជូនព្រះសង្ឃតំណាងសាលាបឋមសិក្សាឈើទាល ចំនួន ៥០០ ដើម។

៦. ផ្តល់កូនឈើជូនតំណាងក្រុមការងារគម្រោងអភិវឌ្ឍន៍ភូមិធម្មជាតិរុនតាឯក ចំនួន ២,៧០០ដើម។

៧. ផ្តល់កូនឈើជូនតំណាងក្រុមហ៊ុនភូមិមង្គល ចំនួន ៣,០០០ ដើម។

៨. ប្រគេនកូនឈើជូនព្រះសង្ឃតំណាងវត្តបឋិតសត្ថារាមរង្សី ហៅវត្តព្រះដាក់ ចំនួន ១០០ ដើម។

៩. ផ្តល់កូនឈើរំដួលចំនួន ២២០ដើម ដើម្បីយកទៅដាំក្នុងបរិវេណទីលានបដិសណ្ឋារកិច្ចប្រាសាទអង្គរវត្ត។

១០. ប្រគេន និងផ្តល់ជូនកូនឈើ ៣៣៥ ដើមដល់តំណាងវត្តព្រះឥន្ទកោសា និងតំណាងរដ្ឋបាលឃុំក្ដីរុន។

១១. ផ្តល់កូនឈើជូនអង្គការ ICF Cambodia Campus ចំនួន ៤០០ដើម។

១២. ផ្តល់កូនឈើជូនលោក ជីម តៃលី នាយកវិទ្យាល័យនគរធំ ចំនួន ២០០ ដើម។

១៣. ផ្តល់កូនឈើជូនលោក រុន ស៊ីណា សមាជិកក្រុមប្រឹក្សាឃុំរុនតាឯក ចំនួន ២០០ ដើម។

១៤. ផ្តល់កូនឈើជូនតំណាងរដ្ឋបាលស្រុកពួក ចំនួន ១,៥០០ ដើម។

១៥. ផ្តល់កូនឈើជូនលោក អៀម រស្មី ចំនួន ១០០ ដើម។

១៦. ផ្តល់កូនឈើជូនលោក ពុត សុខមាន ចំនួន ២៥០ ដើម។

១៧. ផ្តល់កូនឈើជូនលោក ឌី សំណាង នាយកសាលាបឋមសិក្សាក្រវ៉ាន់ ចំនួន ៥៥ ដើម។

១៨. ផ្តល់កូនឈើជូនលោក លឹម ណាម ចំនួន ៣២០ ដើម។

១៩. ផ្តល់កូនឈើជូនលោក ប៉ាន់ ប៉ូច តំណាងរដ្ឋបាលឃុំសំរោងយា ចំនួន ៣០០ ដើម។

២០. ផ្តល់កូនឈើជូនលោក ម៉ុយ សុខធៀម ចំនួន ២៥០ ដើម។

២១. ផ្តល់កូនឈើជូនលោក មុំ សុពណ៌ ចំនួន ៥០ ដើម។

២២. ប្រគេនកូនឈើជូនព្រះសង្ឃតំណាងវត្តជ័យមុនីវនារាម ហៅវត្តជយោ និងវត្តពោធិវនារាម ហៅវត្តស្ពឺចំនួន ១,០០០ ដើម៕





























អត្ថបទនិងរូបភាព៖ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន
ក្រៅពីការយកចិត្តទុកដាក់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់រមណីយដ្ឋានអង្គរ ក្នុងនោះក៏បានយកចិត្តទុកដាក់ជាប្រចាំចំពោះសុខទុក្ខបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋាននោះផងដែរ។ ជាក់ស្តែងក្រុមការងារសហគមន៍នៃអាជ្ញាធរជាតិអប្សរាប្រចាំស្រុកបន្ទាយស្រី នៅព្រឹកថ្ងៃទី២៧ខែឧសភាឆ្នាំ២០១៦នេះ  បាននាំយកនូវសម្ភារៈ  និងគ្រឿងបរិភោគមួយចំនួន  ដែលជាអំណោយដ៏ថ្លៃថ្លារបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិតាឯក ឃុំរុនតាឯក ស្រុកបន្ទាយស្រី ខេត្តសៀមរាប។
ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានបំពេញព្រះរាជបេសកកម្មប្រកបដោយភាពជោគជ័យលើទឹកដីនៃអតីតរាជធានីនៃអាណាចក្រខ្មែរ។ កាលពីថ្ងៃទី២៤ ខែឧសភា ឆ្នាំ២០១៦កន្លងទៅនេះ នាព្រះលានជល់ដំរីនៃទីក្រុងអង្គរធំដែលជាអតីតរាជធានីដ៏ឧត្តុង្គឧត្តមនាកំឡុងសតវត្សទី៩ដល់ទី១៥ បច្ចុប្បន្នស្ថិតក្នុងរមណីយដ្ឋានអង្គរ ព្រះអង្គបានយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីច្រត់ព្រះនង្គ័ល។ ព្រះរាជបេសកកម្មបន្ទាប់គឺ ព្រះអង្គទ្រង់យាងទៅបំពេញព្រះរាជទស្សនកិច្ចនៅតំបន់ប្រាសាទកោះកេរដែលក៏ជាអតីតរាជធានីក្នុងកំឡុងដើមសតវត្សទី១០ បច្ចុប្បន្នស្ថិតក្នុងខេត្តព្រះវិហារ ដើម្បីបួងសួងដល់ព្រះវិញ្ញាណក្ខន្ធអតីតព្រះមហាក្សត្រខ្មែរគ្រប់ជំនាន់ ដើម្បីប្រទានក្តីសុខដល់ប្រជានុរាស្ត្រទូទាំងនគរនៃព្រះរាជាណាចក្រកម្ពុជា។
ព្រះរាជពិធីច្រត់ព្រះនង្គ័លឆ្នាំនេះ ត្រូវបានរៀបចំឡើងនៅលើទឹកដីសៀមរាបអង្គរ នៅមុខព្រះលានជល់ដំរី នាព្រឹកថ្ងៃទី២៤ ខែឧសភា ឆ្នាំ២០១៦ ត្រូវនឹងថ្ងៃ៤រោច ខែពិសាខ ពុទ្ធសករាជ ២៥៦០ ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំ និងប្រជាពលរដ្ឋយ៉ាងច្រើនកុះករ។
ដើម្បីអបអរសាទរព្រះរាជពិធីច្រត់ព្រះនង្គ័ល ដែលប្រារព្ធឡើងនៅក្នុងបរិវេណមុខព្រះលានជល់ដំរី ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជានោះ អាជ្ញាធរជាតិអប្សរានឹងចែកទឹកជូនបងប្អូនប្រជាពលរដ្ឋ និងភ្ញៀវទេសចរទាំងអស់ ដែលមកទស្សនាកម្មវិធីរយៈពេល៤ថ្ងៃដោយមិនគិតថ្លៃ គឺចាប់ពីថ្ងៃទី២៣រហូតដល់ថ្ងៃទី២៦ ខែឧសភា ឆ្នាំ២០១៦។ ទីតាំងចែកចាយទឹកមានពីរកន្លែងស្ថិតនៅផ្នែកខាងជើង និងខាងត្បូងនៃព្រះលានជល់ដំរី ដែលជាទីតាំងប្រារព្ធពិធី។
អាជ្ញាធរជាតិអប្សរា តាមរយៈក្រុមការងារសហគមន៍ប្រចាំស្រុកបា្រសាទបាគង នាព្រឹកថ្ងៃទី២៣ ខែឧសភានេះ បាននាំយកអំណោយសង្គ្រោះបឋមរបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ទៅជូនប្រជាពលរដ្ឋមួយគ្រួសារដែលមានអាសយដ្ឋាននៅភូមិកញ្ជរ ឃុំរលួស ដែលរងគ្រោះដោយត្រូវខ្យល់ព្យុះដួលរលំផ្ទះទាំងស្រុង កាលពីដើមខែឧសភាកន្លងទៅ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
15
ថ្ងៃនេះ
:
20398
ម្សិលមិញ
:
20070
សប្តាហ៍នេះ
:
71720
ខែនេះ
:
0375228
សរុប
:
014818069