ព័ត៌មានថ្មីៗ

ថ្នាក់ដឹកនាំអាជ្ញាធរជាតិអប្សរាចូលរួមពិភាក្សាជាមួយសមាគមសណ្ឋាគារ អំពីវិស័យទេសចរណ៍នៅខេត្តសៀមរាប

បានផ្សាយនៅ ថ្ងៃទី 12 ខែ កញ្ញា ឆ្នាំ2020 08:37 PM ដោយ ៖ អាជ្ញាធរជាតិអប្សរា
នាព្រឹកថ្ងៃទី១១ ខែកញ្ញា ឆ្នាំ២០២០នេះ សមាគមសណ្ឋាគារកម្ពុជាប្រចាំខេត្តសៀមរាបបានរៀបចំកិច្ចប្រជុំពិភាក្សាអំពីលទ្ធភាពស្តារវិស័យទេសចរណ៍ក្នុងខេត្តសៀមរាប ស្របពេលដែលវិស័យនេះកំពុងរងផលប៉ះពាល់យ៉ាងធ្ងន់ធ្ងរដោយសារការរីករាលដាលនៃជំងឺកូវីដ១៩។

ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍ក្នុងតំបន់អង្គរ ក៏ត្រូវបានអញ្ជើញឱ្យចូលរួមផងដែរ ដើម្បីចូលរួមផ្តល់យោបល់និងតាមដានស្ថានភាពទេសចរណ៍ក្នុងខេត្តសៀមរាប។

អង្គប្រជុំនេះបានពិភាក្សាគ្នាលើចំណុចសំខាន់ៗមួយចំនួនដូចជា ការតាមដានអំពីវិធានការរបស់រាជរដ្ឋាភិបាលពាក់ព័ន្ធនឹងវិស័យទេសចរណ៍ក្នុងស្ថានភាពកូវីដ១៩ ការផ្សព្វផ្សាយអំពីតំបន់ទេសចរណ៍នៅខេត្តសៀមរាប ការរៀបចំផែនការ និងយុទ្ធសាស្ត្រអភិវឌ្ឍន៍ទេសចរណ៍ក្នុងខេត្តសៀមរាប និងការបង្ហាញអំពីបច្ចុប្បន្នភាពនៃការរៀបចំវិស័យទេសចរណ៍របស់អាជ្ញាធរជាតិអប្សរា។

មានប្រសាសន៍ក្នុងកិច្ចពិភាក្សានេះ ឯកឧត្តម សុខ សង្វារ បានជម្រាបជូនអង្គប្រជុំអំពីការត្រៀមខ្លួនរបស់អាជ្ញាធរជាតិអប្សរានាពេលបច្ចុប្បន្នដូចជា ការជួសជុលហេដ្ឋារចនាសម្ពន្ធ ការដាំដើមឈើ រៀបចំសួនដើម្បីឱ្យទេសភាពក្នុងរមណីយដ្ឋានអង្គរមានភាពស្រស់បំព្រង និងជាពិសេស គឺការបណ្តុះបណ្តាលសមត្ថភាពដល់មន្ត្រីបុគ្គលិក ដើម្បីពង្រឹងដល់ការគ្រប់គ្រងវិស័យទេសចរណ៍៕






















អត្ថបទនិងរូបភាព៖ នាយកដ្ឋានអភិវឌ្ឍន៍ទេសចរណ៍អង្គរ
១៖ ទូតឥណ្ឌាចប់អាណត្តិជួបសម្ដែងការគួរសមនិងជម្រាបលាថ្នាក់ដឹកនាំអាជ្ញាធរជាតិអប្សរា
នៅរសៀលថ្ងៃទី៨ ខែកញ្ញា ឆ្នាំ២០២០នេះ ឯកឧត្តមអគ្គនាយកអាជ្ញាធរជាតិអប្សរា បានអនុញ្ញាតឱ្យលោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជាចប់អាណត្តិ ជួបសម្ដែងការគួរសម និងជម្រាបលាថ្នាក់ដឹកនាំអាជ្ញាធរជាតិអប្សរា។ ក្នុងជំនួបនោះ លោកជំទាវឯកអគ្គរដ្ឋទូត បានរំឭកពីកិច្ចសហប្រតិបត្តិការ រវាងប្រទេសឥណ្ឌា និងអាជ្ញាធរជាតិអប្សរា ក្នុងការងារជួសជុលនៅប្រាសាទអង្គរវត្ត និងប្រាសាទតាព្រហ្ម។ បន្ថែមពីនេះ លោកជំទាវអគ្គរដ្ឋទូត ក៏បានលើកពីគម្រោងបណ្ដុះបណ្ដាលវគ្គខ្លីៗដល់យុវជនកម្ពុជា លើការងារអភិរក្សប្រាសាទ សិល្បៈ និងវប្បធម៌ផងដែរ។
គម្រោងជួសជុលនិងអភិរក្សព្រះវិហារបុរាណវត្តរាជបូណ៌ ដែលទទួលបានថវិកាទាំងស្រុងពីអាជ្ញាធរជាតិអាប្សរា បានបញ្ចប់ដោយជោគជ័យ កាលពីថ្ងៃទី០៤ ខែកញ្ញា ឆ្នាំ២០២០ ក្រោមកិច្ចខិតខំប្រឹងប្រែង ដឹកនាំ និងត្រួតពិនិត្យលក្ខណៈបច្ចេកទេស ពីសំណាក់មន្រ្តីជំនាញរបស់អាជ្ញាធរជាតិអប្សរា។
សេចក្ដីប្រកាសព័ត៌មាន
( ថ្ងៃទី 11 ខែ កញ្ញា ឆ្នាំ2020 )
អាជ្ញាធរជាតិអប្សរា សូមបដិសេធទាំងស្រុងអំពីការផ្សព្វផ្សាយចោទប្រកាន់គ្មានមូលដ្ឋានរបស់គណនីហ្វេសប៊ុកឈ្មោះ TNM TV Online និងសូមឲ្យអ្នកគ្រប់គ្រងគណនីហ្វេសប៊ុកខាងលើធ្វើការសុំទោសជាសាធារណៈក្នុងរយៈពេលមួយសប្តាហ៍។ ប្រសិនបើ អ្នកគ្រប់គ្រងគណនីហ្វេសប៊ុក TNM TV Online
បាឋកថាស្ដីពី «វឌ្ឍនភាពនៃការជួសជុលស្ពានហាលខាងលិចអង្គរវត្ត» ត្រូវបានរៀបចំឡើងនៅព្រឹកថ្ងៃទី១០ ខែកញ្ញា ឆ្នាំ២០២០ ដើម្បីបង្ហាញដល់សាធារណជនដែលមានបំណងចង់ឈ្វេងយល់ពីដំណើរការលម្អិតពីគម្រោងជួសជុលនេះ។ អ្នកជំនាញបានរៀបរាប់អំពីប្រវត្តិនៃការជួសជុលស្ពានហាល ជាពិសេសរៀបរាប់ពីដំណើរការក្នុងការដ្ឋានដែលកំពុងជួសជុលបច្ចុប្បន្ន។
នៅរសៀលថ្ងៃទី១០ ខែកញ្ញា ឆ្នាំ២០២០ នេះ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានអនុញ្ញាតឱ្យលោកបណ្ឌិត ប្រ៊ីស វុំាងសង់ សាស្រ្ដាចារ្យរង និងជាប្រធានវិទ្យាស្ថានបារាំងចុងបូព៌ាប្រទេស ក្រុងសៀមរាប ចូលជួប និងបង្ហាញពីឯកសារស្រាវជ្រាវទាំងប៉ុន្មាន ចាប់ពីស្ថាប័ននេះចូលរួមកិច្ចការអភិរក្សក្នុងតំបន់រមណីយដ្ឋានអង្គរ ដើម្បីរក្សាទុកក្នុងមជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរ របស់អាជ្ញាធរជាតិអប្សរា។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
2704
ម្សិលមិញ
:
6616
សប្តាហ៍នេះ
:
15285
ខែនេះ
:
0257960
សរុប
:
012765549