ព័ត៌មានថ្មីៗ

ខ្លោងទ្វារខាងលិចនៃប្រាសាទបន្ទាយក្ដីកំពុងទទួលបានការជួសជុលដោយអ្នកជំនាញជាស្រ្ដី

បានផ្សាយនៅ ថ្ងៃទី 27 ខែ មិថុនា ឆ្នាំ2020 08:47 PM ដោយ ៖ អាជ្ញាធរជាតិអប្សរា
មានសភាពដូចប្រាសាទដទៃទៀតដែរ ប្រាសាទបន្ទាយក្ដីរងការខូចខាត ដួលរលំ និងទីតាំងខ្លះមានសភាពទ្រុឌទ្រោមខ្លាំង។ ថ្មីៗនេះ អាជ្ញាធរជាតិអប្សរាបានចាប់ផ្តើមការជួសជុលខ្លោងទ្វារខាងលិចប្រាសាទដោយក្រុមអ្នកជំនាញជាស្រ្ដី។

បុរាណវិទូ អ្នកស្រី នេត ស៊ីមន នៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ ដែលកំពុងបំពេញការងារនៅការដ្ឋានខ្លោងទ្វារខាងលិចប្រាសាទបន្ទាយក្ដីឱ្យដឹងថា ស្ថានភាពជាក់ស្ដែងនៃខ្លោងទ្វារនេះ គឺថ្មរំកិលចេញពីទីតាំងដើម រីឯផ្នែកជញ្ជាំងមានភាពរហែកពីខាងក្រោមទៅលើ។ អ្នកស្រីពន្យល់ពីហានិភ័យនៅការដ្ឋាននោះទៀតថា សភាពថ្មនៅផ្នែកខ្លះស្ទើររបេះធ្លាក់ ដែលអាចមានហានិភ័យខ្ពស់ដល់ទេសចរណ៍ និងទាមទារឱ្យមានការជួសជុលជាបន្ទាន់។

កញ្ញា ហាន សុច្ចរី ស្ថាបត្យករ នៃគម្រោងជួសជុលខាងលើបានសិក្សាលម្អិតលើស្ថានភាពថ្មពុកផុយនៅទីនេះ។ តាមការសិក្សារបស់ស្ថាបត្យកររូបនេះ ការដួលរលំនៃខ្លោងទ្វារនេះមានកត្តាច្រើនដូចជា អាយុកាលនៃថ្ម អាកាសធាតុ និងការបំផ្លាញពីឫសឈើ។ តាមការវាយតម្លៃពីអ្នកជំនាញ ខ្លោងទ្វារខាងលិចប្រាសាទបន្ទាយក្ដីដែលកំពុងស្ថិតក្នុងគម្រោងកំណាយឆ្នាំដំបូង មានស្ថានភាពខូចខាតប្រហាក់ប្រហែល៧០ភាគរយ។

រីឯវិស្វករ កញ្ញា ដយ ពេជ្រជីរ៉ា បានបង្ហើបពីវិធីសាស្រ្ដចំនួន២ដែលក្រុមការងារកំពុងពិចារណានិងរង់ចាំការសម្រេចពីអ្នកជំនាញការជាតិ-អន្តរជាតិ។ វិធីទី១ គឺការរើថ្មផ្នែកខ្លះដែលមានហានិភ័យខ្ពស់ រៀបចំតម្រៀបឡើងវិញ ទី២គឺការរើថ្មចោលទាំងស្រុង ដើម្បីរៀបចំឡើងវិញ។

ទាក់ទងនឹងប្រវត្តិនៃការជួសជុលវិញ បុរាណវិទូអ្នកស្រី នេត ស៊ីមន លើកឡើងថា ខ្លោងទ្វារខាងលិចនេះមិនធ្លាប់ទទួលការជួសជុលទេកន្លងមក តែធ្លាប់មានការចុះសម្អាត និងទល់ទ្រដោយប្រើធ្នឹមបេតុងនៅសម័យបារាំងនាឆ្នាំ១៩២០ ហើយក្រោយមកអាជ្ញាធរជាតិអប្សរាជានិច្ចកាលតែងថែទាំ ពង្រឹងទាល់ទ្រ ដើម្បីការពារហានិភ័យផ្សេងៗ។ ចំណុចហានិភ័យដែលមានសភាពថ្មរំកិលញែកចេញពីគ្នា និងកន្លែងខ្លះរបេះធ្លាក់ផងនោះ ទើបអ្នកជំនាញបង្កើនសមត្ថភាពការងារ និងរំពឹងថាអាចផ្តើមជួសជុលឡើងវិញនៅឆ្នាំក្រោយ បន្ទាប់ពីការងារកំណាយសិក្សាស្រាវជ្រាវបានបិទបញ្ចប់៕

















អត្ថបទ៖ នាង សំណាង
រូបភាព៖ ហាប់ គឹមអាន
នៅរសៀលថ្ងៃទី១០ ខែកញ្ញា ឆ្នាំ២០២០ នេះ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានអនុញ្ញាតឱ្យលោកបណ្ឌិត ប្រ៊ីស វុំាងសង់ សាស្រ្ដាចារ្យរង និងជាប្រធានវិទ្យាស្ថានបារាំងចុងបូព៌ាប្រទេស ក្រុងសៀមរាប ចូលជួប និងបង្ហាញពីឯកសារស្រាវជ្រាវទាំងប៉ុន្មាន ចាប់ពីស្ថាប័ននេះចូលរួមកិច្ចការអភិរក្សក្នុងតំបន់រមណីយដ្ឋានអង្គរ ដើម្បីរក្សាទុកក្នុងមជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរ របស់អាជ្ញាធរជាតិអប្សរា។
នៅព្រឹកថ្ងៃទី៩ ខែកញ្ញា ឆ្នាំ២០២០ ក្រុមភ្នាក់ងារទេសចរណ៍ប្រចាំប្រាសាទអង្គរវត្ត ទទួលការបណ្ដុះបណ្ដាលស្ដីពីការគ្រប់គ្រងហានិភ័យប្រាសាទ។ វគ្គបណ្ដុះបណ្ដាលនេះរៀបចំឡើងដោយនាយកដ្ឋានអភិវឌ្ឍន៍ទេសចរណ៍អង្គរ ដោយមានកិច្ចសហការដោយនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ និងមជ្ឈមណ្ឌលបណ្ដុះបណ្ដាលអង្គរ នៃអាជ្ញាធរជាតិអប្សរា។
នៅរសៀលថ្ងៃទី៨ ខែកញ្ញា ឆ្នាំ២០២០នេះ ឯកឧត្តមអគ្គនាយកអាជ្ញាធរជាតិអប្សរា បានអនុញ្ញាតឱ្យលោកជំទាវ Manika Jain ឯកអគ្គរដ្ឋទូតឥណ្ឌាប្រចាំកម្ពុជាចប់អាណត្តិ ជួបសម្ដែងការគួរសម និងជម្រាបលាថ្នាក់ដឹកនាំអាជ្ញាធរជាតិអប្សរា។ ក្នុងជំនួបនៅពេលនោះ លោកជំទាវឯកអគ្គរដ្ឋទូតបានរំឭកពីកិច្ចសហប្រតិបត្តិការដែលប្រទេសឥណ្ឌា បានជួយការងារជួសជុលនៅប្រាសាទអង្គរវត្ត និងកំពុងជួយផ្នែកអភិរក្សនិងជួសជុលនៅប្រាសាទតាព្រហ្ម។
នៅក្នុងសប្តាហ៍ទី១នៃខែកញ្ញា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋ បានចំនួន១៨ករណី រួមមាន៖ ក្រុងសៀមរាប ៣ករណី ស្រុកបន្ទាយស្រី២ករណី ស្រុកអង្គរធំ២ករណី ស្រុកប្រាសាទបាគង៧ករណី ស្រុកពួក៣ករណី ស្រុកសូទ្រនិគម១ករណី។
បន្ទាប់ពីទទួលបានកូនឈើដែលផ្តល់ដោយអាជ្ញាធរជាតិអប្សរានាពេលកន្លងមក ព្រះសង្ឃ រួមនិងសាធារណជនជិតឆ្ងាយ បានរៀបចំពិធីដាំនៅតាមទីតាំងផ្សេងៗ បំណងដើម្បីបរិស្ថាន បង្កើនគម្របព្រៃឈើឡើងវិញ និងជាពិសេសចូលរួមចំណែកអភិវឌ្ឍន៍ជាក់ស្តែងនៅមូលដ្ឋានរៀងៗខ្លួន ដែលសកម្មភាពដាំកូនឈើទាំងនោះមាននៅ៖

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
0038
ម្សិលមិញ
:
3959
សប្តាហ៍នេះ
:
23165
ខែនេះ
:
0003997
សរុប
:
012773429