NEWS

ប្រជាពលរដ្ឋនៅក្នុងរមណីយដ្ឋានអង្គរស្វែងយល់ពីអាជ្ញាធរជាតិអប្សរាតាមរយៈ«វេទិកាសាធារណៈ»

Published on 15 June 2020 10:27 AM Post By ៖ Apsara National Authority

ថ្ងៃទី១៥ ខែមិថុនា ឆ្នាំ ២០២០ លោក ឡុង កុសល អ្នកនាំពាក្យអាជ្ញាធរជាតិអប្សរា តំណាងអគ្គនាយកអាជ្ញាធរជាតិអប្សរា បានចូលរួមក្នុងវេទិកាសាធារណៈនៅវត្តអង្គម៉ោលសិរីវង្ស ស្ថិតនៅក្នុងភូមិលាងដៃ ឃុំលាងដៃ ស្រុកអង្គរធំ ខេត្តសៀមរាប។

កម្មវិធីនេះ ដឹកនាំដោយឯកឧត្តម ឡេង សេង អនុប្រធានក្រុមការងារថ្នាក់ជាតិចុះជួយស្រុកអង្គរធំ ខេត្តសៀមរាប និងជាអនុរដ្ឋលេខាធិការស្តីទីគណៈរដ្ឋមន្ត្រី ដែលមានស្ថាប័នពាក់ព័ន្ធនានា អាជ្ញាធរមូលដ្ឋាន និងប្រជាជនចូលរួមប្រមាណ១៥០ នាក់។ គោលបំណងការរៀបចំវេទិកាសាធារណៈនេះ ដើម្បីត្រួតពិនិត្យ និងគាំទ្រកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៤របស់រាជរដ្ឋាភិបាលកម្ពុជា ក្រោមប្រធានបទ៖ ១. ការងារពាក់ព័ន្ធអាជ្ញាធរជាតិអប្សរា ២. បញ្ហាអគ្គីសនី(ភ្លើងលើសគីឡូលើសប្រក្រតី) ៣. វិធានការទប់ស្កាត់ការឆ្លងវីរុសកូវីដ១៩។

ជាក់ស្តែង នៅក្នុងកម្មវីធីនេះ បានផ្តល់ឱកាសឱ្យប្រជាជនដែលរស់នៅក្នុងតំបន់រមណីយដ្ឋានអង្គរដែលជាតំបន់បេតិកភណ្ឌពិភពលោកលើកនូវបញ្ហានានា និងចម្ងល់ផ្សេងៗពាក់ព័ន្ធនឹងកិច្ចការងាររបស់អាជ្ញាធរជាតិអប្សរា ពិសេសទាក់ទងនឹងការជួសជុល ការសាងសង់លំនៅដ្ឋានរបស់ប្រជាពលរដ្ឋចំពោះថ្នាក់ដឹកនាំអាជ្ញាធរជាតិអប្សរា។

ឆ្លើយតបនឹងសំណួររបស់ប្រជាពលរដ្ឋ លោកឡុង កុសល ក៏បានពន្យល់អំពីតួនាទីរបស់អាជ្ញាធរជាតិអប្សរានិងលក្ខខណ្ឌរបស់អង្គការយូណេស្កូក្នុងការប្រើប្រាស់ដីធ្លី និងនីតិវិធីនៃការដាក់ពាក្យស្នើសុំជួសជុល និងសាងសង់ផ្ទះនៅក្នុងរមណីយដ្ឋានអង្គរ។

បន្ថែមពីនេះ រាល់ការស្នើសុំជួសជុលឬសាងសង់ផ្សេងៗ សូមឱ្យប្រជាពលរដ្ឋត្រូវចូលរួមសហការជាមួយអាជ្ញាធរជាតិអប្សរាដើម្បីថែរក្សាការពារសម្បត្តិបេតិកភណ្ឌពិភពលោក។ លើសពីនេះ លោកក៏បានស្នើដល់អាជ្ញាធរមូលដ្ឋានខិតខំជាមួយគ្នា អប់រំ ពន្យល់ណែនាំដល់ប្រជាពលរដ្ឋឱ្យចូលរួម និងជួយនាំនូវផលលំបាកផ្សេងៗរបស់ប្រជាពលរដ្ឋមកដល់អាជ្ញាធរជាតិអប្សរា ដើម្បីធ្វើយ៉ាងណាដោះស្រាយការងារឱ្យកាន់តែមានប្រសិទ្ធិភាព៕






















អត្ថបទ៖ លោក យី សុថា
រូបភាព៖ លោក ហាប់ គឹមអាន
តាមរបាយការណ៍របស់នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរា ឱ្យដឹងថា ខែកញ្ញា ឆ្នាំ២០២០នេះ ក្រុមការងារ បានចុះពិនិត្យនិងជួយសម្រួលលក្ខណៈបច្ចេកទេសដល់ប្រជាពលរដ្ឋដែលសាងសង់លំនៅដ្ឋានចំនួន៣០៩គ្រួសារ នៅក្នុងតំបន់អង្គរ។
ព្រះមហាវិមលធម្ម សិរីសុវណ្ណោ ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ បានដឹកនាំព្រះសង្ឃប្រមាណ៦០អង្គ ចូលរួមដាំដើមព្នៅនៅបរិវេណកសិន្ធុខាងជើងនៃប្រាសាទអង្គរវត្ត។ ព្រះអង្គមានបន្ទូលថា ដើមព្នៅមានសារប្រយោជន៍ដ៏អស្ចារ្យដែលប្រជាពលរដ្ឋខ្មែរត្រូវដឹង និងចូលរួមដាំឡើងវិញកុំឱ្យបាត់បង់។ ពិសេសជាងនេះ ដើមព្នៅជារុក្ខជាតិដ៏ខ្ពង់ខ្ពស់ក្នុងសាសនាព្រាហ្មណ៍ និងប្រើប្រាស់សម្រាប់ជាឱសថព្យាបាលរោគផង។
នាព្រឹកថ្ងៃទី២២ ខែកញ្ញា ឆ្នាំ២០២០នេះ ក្រុមការងារសណ្តាប់ធ្នាប់សាធារណៈរបស់នាយកដ្ឋានសណ្តាប់ធ្នាប់និងកិច្ចសហប្រតិបត្តិការនៃអាជ្ញាធរជាតិអប្សរា បានចុះរៀបចំសណ្តាប់ធ្នាប់តាមដងផ្លូវនៅតាមប្រាសាទនានាក្នុងរមណីយដ្ឋានអង្គរ។
ប្រទេសកម្ពុជា បានរងនូវឥទ្ធិពលពីព្យុះនូលចាប់ពីថ្ងៃទី១៨រហូតដល់ថ្ងៃទី២០ ខែកញ្ញា ឆ្នាំ២០២០ ដែលបណ្ដាលឱ្យតំបន់មួយចំនួនមាន ភ្លៀងធ្លាក់ជាបន្តបន្ទាប់ និងតំបន់ខ្លះមានជំនន់ទឹកភ្លៀងទៀតផង។ ខេត្តសៀមរាបក៏ទទួលរងឥទ្ធិពលនៃព្យុះនេះដោយទទួលបាននូវទឹកភ្លៀងដ៏ច្រើនដែរ។
ភ្នាក់ងារសណ្តាប់ធ្នាប់សាធារណៈនៃនាយកដ្ឋានសណ្តាប់ធ្នាប់និងកិច្ចសហប្រតិបត្តិការអាជ្ញាធរជាធរជាតិអប្សរា នាព្រឹកថ្ងៃទី២២ ខែកញ្ញា ឆ្នាំ២០២០នេះ បានចុះណែនាំអាជីវករលក់ដូរតាមប្រាសាទនានាក្នុងរមណីយដ្ឋានអង្គរ ឱ្យលក់ដូរមានរបៀបរៀបរយ ត្រឹមត្រូវតាមទីតាំងដែលបានកំណត់ និងចូលរួមសម្អាតបរិស្ថានឱ្យបានស្អាតជុំវិញកន្លែងលក់ដូររបស់ខ្លួន៕

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
0971
Yesterday
:
6616
This Week
:
13552
This Month
:
0256227
Total
:
012763816