NEWS

ក្រុមអ្នកជំនាញការអាដហុកចុះត្រួតពិនិត្យការដ្ឋានជួសជុលប្រាសាទមេបុណ្យខាងលិច

Published on 08 December 2019 09:46 AM Post By ៖ Apsara National Authority

នារសៀលថ្ងៃទី៧ ខែធ្នូ ឆ្នាំ២០១៩ ក្រុមអ្នកជំនាញការចំពោះកិច្ចគណៈកម្មធិការអាយស៊ីស៊ី-អង្គរ ឬហៅថា អាដហុក បានចុះពិនិត្យការដ្ឋានប្រាសាទមេបុណ្យខាងលិច។ ការងារនេះធ្វើឡើងដើម្បីតាមដានរាល់អនុសាសន៍ ដែលក្រុមអ្នកជំនាញការទាំងនោះបានផ្តល់ឱ្យក្រុមអ្នកជួសជុលនៅក្នុងកិច្ចប្រជុំគណៈកម្មាធិការអន្ដរជាតិអាយស៊ីស៊ី-អង្គរ កាលពីអំឡុងខែ មិថុនាកន្លងទៅ។

លោក ម៉ៅ សុខនី ប្រធានការដ្ឋាន បានឱ្យដឹងថា ការចុះពិនិត្យនេះគឺដូចរាល់ដងមុនកិច្ចប្រជុំគណៈកម្មាធិការអន្ដរជាតិសម្របសម្រួលកិច្ចគាំពារ និងអភិរក្សតំបន់រមណីយដ្ឋានអង្គរ ដើម្បីតាមដានរាល់អនុសាសន៍ដែលក្រុមអ្នកជំនាញការអាដហុកផ្តល់ជូនតាមការដ្ឋាននីមួយៗ។ លោកបន្តថា ការដ្ឋាននៅប្រាសាទមេបុណ្យខាងលិចនេះបានចាប់ផ្តើមឡើងវិញនៅដើមខែមករា ឆ្នាំ២០១៩។

តាមការបញ្ជាក់ពីលោក សុខនី គម្រោងឆ្នាំ២០១៩-២០២០ គឺក្រោមកិច្ចសហប្រតិបត្តិការរវាងអាជ្ញាធរជាតិអប្សរា និងស្ថានទូតបារាំងប្រចាំកម្ពុជា ហើយគ្រោងនឹងបញ្ចប់ការជួសជុលទាំងស្រុងនៅឆ្នាំ២០២៣។ យ៉ាងណាក៏ដោយ លោក សុខនី ពន្យល់ថា ការដ្ឋាននៅប្រាសាទមេបុណ្យនេះមានភាពស្មុគស្មាញបន្តិច ដ្បិតវានៅចំកណ្ដាលបារាយណ៍ទឹកថ្លាឬបារាយណ៍ខាងលិច ដែលពិបាកក្នុងការដឹកជញ្ជូនថ្ម សម្ភារផ្សេង និងបង្កការរំខានពីគ្រោះធម្មជាតិដូចជាខ្យល់ព្យុះ ភ្លៀង។ល។

តំណាងស្ថានទូតបារាំង និងជាសហប្រធានក្នុងគម្រោងនេះ លោក គីយូម ណាកហ្សឺឡេ (Guillaume NARJOLLET) សម្រាប់ឆ្នាំ២០១៩-២០២០នេះ ស្ថានទូតបារាំងបានផ្តល់កញ្ចប់ថវិការួចហើយសម្រាប់ការដ្ឋានជួសជុលប្រាសាទមេបុណ្យខាងលិចនេះ។ លោកបញ្ជាក់ថា ស្ថានទូតបារាំងនឹងបន្តកិច្ចសហប្រតិបត្តិការជាមួយអាជ្ញាធរជាតិអប្សរា ដើម្បីជួយជួសជុលប្រាសាទមេបុណ្យខាងលិចរហូតបញ្ចប់ជាស្ថាពរ៕
















អត្ថបទ៖ នាយកដ្ឋានផ្សព្វផ្សាយ រូបថត៖ លោក ហាប់ គឹមអាន
នៅទីស្នាក់ការអាជ្ញាធរជាតិអប្សរា ព្រឹកថ្ងៃទី២៦ ខែកុម្ភៈ ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ទទួលជួបលោក ISHIDA Toru ប្រធានផ្នែកកិច្ចសហប្រតិបត្តិការអំពីបេតិកភណ្ឌវប្បធម៌នៃភ្នាក់ងារដើម្បីបេតិកភណ្ឌវប្បធម៌ជប៉ុន ដើម្បីសម្តែងការគួរសម និងថ្លែងអំណរគុណចំពោះកិច្ចសហប្រតិបត្តិការរួមគ្នានៃទំនាក់ទំនងដ៏ល្អប្រសើរ ដែលអាជ្ញាធរជាតិអប្សរាជាមួយស្ថាប័នជប៉ុនបានបំពេញនាពេលកន្លងមក ក្នុងតំបន់រមណីយដ្ឋានអង្គរ។
ក្នុងគោលបំណងលើកកម្ពស់ការយល់ដឹងអំពីវិស័យបេតិកភណ្ឌ ក៏ដូចជាការផ្សព្វផ្សាយឱ្យបានទូលំទូលាយនូវរាល់ការងារសំខាន់ៗនិងសមិទ្ធផលក្នុងរយៈពេល២៥ឆ្នាំរបស់ខ្លួន នាថ្ងៃទី២៩ ខែកុម្ភៈ ឆ្នាំ២០២០ អាជ្ញាធរជាតិអប្សរានឹងសហការជាមួយក្រុមហ៊ុនផ្កាឈូកនិងមូលនិធិផ្កាឈូក ដើម្បីរៀបចំតាំងពិព័រណ៍រូបភាពជាសាធារណៈស្តីពីការងារសំខាន់ៗនិងសមិទ្ធផលជាច្រើនដែលសម្រេចបាននាពេលកន្លងមក នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ដែលស្ថិតក្នុងបរិវេណវិទ្យាស្ថានភាសារបរទេស ចាប់ពីម៉ោង៨:៣០នាទីព្រឹក រហូតដល់ម៉ោង៥:៣០នាទីល្ងាច។
នៅថ្ងៃទី២៥ខែកុម្ភៈ ឆ្នាំ២០២០ នេះ គណៈកម្មការទី២ នៃរដ្ឋសភា ដឹកនាំដោយ ឯកឧត្តម គតិសេដ្ឋាបណ្ឌិត ជាម យៀប ប្រធានប្រតិភូគណៈកម្មការទី២ និងសមាជិកប្រតិភូ ជួបសំណេះសំណាលជាមួយអាជ្ញាធរជាតិអប្សរា និងគ្រឹះស្ថានអង្គរ ដើម្បីស្វែងយល់ពីវឌ្ឍនភាពរបស់អាជ្ញាធរជាតិអប្សរា និងវឌ្ឍនភាពរបស់គ្រឹះស្ថានអង្គរ នៅគ្រឹះស្ថានអង្គរ ខេត្តសៀមរាប។
ដើម្បីចូលរួមអបអរសាទរឱកាសបុណ្យចូលឆ្នាំថ្មីប្រពៃណីជាតិខ្មែរ និងទាក់ទាញទេសចរឱ្យចូលមកទស្សនាតំបន់រមណីយដ្ឋានអង្គរ អាជ្ញាធរជាតិអប្សរាបានសហការជាមួយសហភាពសហព័ន្ធយុវជនកម្ពុជាប្រចាំខេត្តសៀមរាប រដ្ឋបាលខេត្តសៀមរាប និងស្ថាប័នពាក់ព័ន្ធផ្សេងៗ នឹងរៀបចំសៀមរាបសង្ក្រាន្ត នៅបរិវេណប្រាសាទអង្គរវត្ត ក្រោមប្រធានបទ «អង្គរ អតីតកាល បច្ចុប្បន្ន និងអនាគត» ដែលនឹងប្រព្រឹត្តទៅនៅថ្ងៃ៦រោចដល់ថ្ងៃ៩រោច ខែចេត្រ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី១៣ដល់ថ្ងៃទី១៦ ខែមេសា ឆ្នាំ២០២០។
នៅព្រឹកថ្ងៃទី២៥ ខែកុម្ភៈ ឆ្នាំ២០២០ និស្សិតនៃសាកលវិទ្យាល័យភូមិន្ទវិចិត្រសិល្បៈសរុបប្រមាណ១០៣នាក់ បានមកបំពេញទស្សនកិច្ចសិក្សានៅទីស្នាក់ការអាជ្ញាធរជាតិអប្សរា ដើម្បីសិក្សាស្វែងយល់ពីការងារ អភិរក្សប្រាសាទបុរាណនានាក្នុងតំបន់អង្គរ។
FirstPrev12345...293294NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
2
Today
:
6918
Yesterday
:
14427
This Week
:
44063
This Month
:
0324892
Total
:
010281039