ព័ត៌មានថ្មីៗ

អ្នកបុរាណវិទ្យាវៀតណាមធ្វើបទបង្ហាញពីវិស័យស្រាវជ្រាវបុរាណវិទ្យាចែករំលែកចំណេះដឹងដល់មន្រ្ដីអាជ្ញាធរជាតិអប្សរា

បានផ្សាយនៅ ថ្ងៃទី 28 ខែ វិច្ឆិកា ឆ្នាំ2019 03:08 PM ដោយ ៖ អាជ្ញាធរជាតិអប្សរា

ប្រតិភូសមាជិកបណ្ឌិតសភាវិទ្យាសាស្រ្តសង្គមនិងបច្ចេកវិទ្យានៃប្រទេសវៀតណាម លោក NGUYEN GIANG HAI បានចូលរួមធ្វើបាឋកថាស្ដីពី «វិស័យស្រាវជ្រាវបុរាណវិទ្យានិងការរកឃើញថ្មីៗនៅប្រទេសវៀតណាម» ដែលបានចែករំលែកចំណេះដឹងទាក់ទងនឹងវិស័យបុរាណវិទ្យាដល់មន្រ្តី បុគ្គលិក និងសាធារណជន ដែលសរុបប្រមាណ៥០នាក់។

បាឋកថាដែលរៀបចំឡើងនៅអាជ្ញាធរជាតិអប្សរានាថ្ងៃទី២៧ ខែវិច្ឆិកា លោក NGUYEN GIANG HAI បានបែងចែកជា៧ផ្នែកផ្សេងៗគ្នា នៃការស្រាវជ្រាវថ្មីៗរបស់វៀតណាម ចាប់ពីសម័យបុរេប្រវត្តិ ការរកឃើញនូវស្ថានីយ៍បុរេប្រវត្តិដែលចំណាស់ជាងគេនៅតំបន់អាស៊ី ដែលមានអាយុរហូតដល់ជិត១លានឆ្នាំនៅតំបន់ AnKe ជិតខេត្តរតនគិរី ដែលជាស្ថានីយ៍យុគថ្មចាស់ដំបូងគេ។

បន្ថែមពីនេះ លោក NGUYEN GIANG HAI ក៏បានបង្ហាញពីការរកឃើញឧបករណ៍តន្រ្ដីដែលធ្វើពីថ្ម និងស្រាវជ្រាវបុរាណវិទ្យាក្រោមទឹក ក៏ដូចជាការស្រាវជ្រាវ DNA ជាដើម។ ការស្រាវជ្រាវទាំងនោះមានទាំងគម្រោងរបស់ជាតិ និងគម្រោងសហប្រតិបត្តិការជាមួយអន្ដរជាតិ ដែលផ្នែកបុរេប្រវត្តិសហការជាមួយប្រទេសរុស្ស៊ី ផ្នែកខ្លះជាមួយចិន និងផ្នែកប្រវត្តិសាស្ដ្រសហការជាមួយប្រទេសនៅអាស៊ីអាគ្នេយ៍មាន កម្ពុជា ឡាវ និងថៃ។ កិច្ចសហការជាមួយកម្ពុជាចាប់ផ្តើមពីឆ្នាំ២០០៧មក គឺតែងមានការផ្លាស់ប្ដូរបទពិសោធន៍គ្នាទៅវិញទៅមកលើវិស័យបុរាណវិទ្យា។

លោក អ៊ឹម សុខរិទ្ធី អនុប្រធានមជ្ឈមណ្ឌលអន្ដរជាតិ ស្រាវជ្រាវ និងតម្កល់ឯកសារអង្គរ ដែលជាស្ថាប័នធ្វើការជាមួយបណ្ឌិតសភាវិទ្យាសាស្រ្តសង្គមនិងបច្ចេកវិទ្យានៃប្រទេសវៀតណាម បានឱ្យដឹងថា ភាគីទាំងពីរបានធ្វើការជាមួយគ្នាច្រើនឆ្នាំមកហើយ និងបានចែករំលែកការងារជាច្រើនជាមួយគ្នា។ ហើយនៅពេលនេះ គណៈប្រតិភូវៀតណាម បានចុះមកស្វែងយល់ពីកិច្ចការមួយចំនួនដើម្បីបន្តកិច្ចសហការជាមួយគ្នានាពេលអនាគត៕










អត្ថបទ៖ នាយកដ្ឋានផ្សព្វផ្សាយ
រូបភាព៖ ហ៊ុំ រិទ្ធី
ដំណើរការជួសជុលប្រាសាទអកយំមកដល់ឆ្នាំ២០២០មានរយៈពេលជិតមួយឆ្នាំហើយ ដែលក្រុមអ្នកជំនាញអាជ្ញាធរជាតិអប្សរាបានប្រឹងប្រែងសង្គ្រោះឱ្យរួចផុតពីហានីភ័យ ដើម្បីឱ្យបុរាណដ្ឋានមួយនេះមានភាពរឹងមាំ ស្រស់ស្អាត និងចៀសផុតពីគ្រោះថ្នាក់ផ្សេងៗ សម្រាប់ទទួលស្វាគមន៍ទេសចរគ្រប់ទិសទីមកទស្សនាឱ្យបានច្រើនកុះករ។
ព្រះបដិមាសីសៈចំនួន២ មានទេវតាចំនួន១ អសុរា(យក្ស)ចំនួន១ ដែលជាចម្លាក់ទាញព្រ័ត្រនៅខ្លោងទ្វារខ្មោច ត្រូវបានក្រុមការងារចុះបញ្ជីសារពើភណ្ឌវត្ថុសិល្បៈ និងនគរបាលបេតិកភណ្ឌ ព្រមទាំងភ្នាក់ងារទេសចរណ៍នៃអាជ្ញាធរជាតិអប្សរា នាំគ្នាស្រង់យកចេញពីប្រឡាយទឹកនៅខាងកើតខ្លោងទ្វារខ្មោច នាព្រឹកថ្ងៃទី០១ ខែមេសា ឆ្នាំ២០២០។
នៅរសៀលថ្ងៃទី៣១ ខែមិនា ឆ្នាំ២០២០ ប្រតិភូអាជ្ញាធរជាតិអប្សរា ដឹកនាំដោយឯកឧត្តម គឹម សុធិន អគ្គនាយករង តំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងថ្នាក់ដឹកនាំ និងមន្រ្តីមួយចំនួន បានអញ្ជើញចូលគោរពវិញ្ញាណក្ខន្ធសពឯកឧត្តម ចាន់ សារឿន នៅគេហដ្ឋានឯកឧត្តម ស្ថិតនៅភូមិវិហារចិន សង្កាត់ស្វាយដង្គុំ ក្រុងសៀមរាប ខេត្តសៀមរាប។
ក្រុមការងារនៃនាយកដ្ឋានគ្រប់គ្រងទឹកនៃអាជ្ញាធរជាតិអប្សរាកំពុងមមាញឹកបង្កប់ទុយោដើម្បីរៀបចំប្រព័ន្ធទឹកសម្រាប់ស្រោចស្រពស្មៅក្នុងបរិវេណប្រាសាទអង្គរវត្ត ដែលមានទំហំជិត១២ហិកតា។
រចនាសម្ពន្ធសំណង់ឈើដ៏ល្អឆ្នើមមួយ រួមនឹងបដិមានៃព្រហ្មមញ្ញសាសនា១អង្គ ត្រូវបានប្រទះឃើញក្នុងកំណាយស្រាវជ្រាវបុរាណវិទ្យានៅបាតស្រះខាងជើងនៃប្រាសាទអង្គរវត្ត។ ការរកឃើញនេះ ត្រូវបានបុរាណវិទូនៃអាជ្ញាធរជាតិអប្សរាអះអាងថា ជាប្រវត្តិសាស្ត្រដំបូងនៅអង្គរដែលបានរកឃើញសំណង់ឈើនិងបដិមាដូច្នេះ ហើយនេះជាអាថ៌កំបាំងដ៏អស្ចារ្យទាក់ទងនឹងការកសាងស្រះទឹក រួមទាំងស្ថាបត្យកម្មនៃសំណង់អង្គរវត្ត ជំនឿ និងការរស់នៅឥតដាច់របស់ប្រជាជនតាំងពីសតវត្សរ៍ទី១២មកដល់សព្វថ្ងៃ។
ដើមដំបូងមុន12345...303304បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
1206
ម្សិលមិញ
:
1988
សប្តាហ៍នេះ
:
12009
ខែនេះ
:
0007213
សរុប
:
010595311