NEWS

អ្នកជំនាញនៃអាជ្ញាធរជាតិអប្សរារៀបចំទល់ទ្រប្រាសាទព្រហ្មកិល

Published on 21 November 2019 10:37 AM Post By ៖ Apsara National Authority
ប្រាសាទព្រហ្មកិល ជាមន្ទីរពេទ្យបុរាណក្នុងរាជព្រះបាទជ័យវរ្ម័នទី៧ កសាងអំពីថ្មភក់ ចុងសតវត្សរ៍ទី១២ ឧទ្ទិសដល់ព្រះពុទ្ធសាសនាមហាយាន។ នាពេលបច្ចុប្បន្នប្រាសាទនេះមានសភាពទ្រុឌទ្រោម រងការខូចខាតជាខ្លាំង ដោយជញ្ជាំងប្រាសាទមួយផ្នែកនៅជ្រុងនិរតីបានដួលរលំ និងខឿនប្រាសាទរលុះស្ទើរតែទាំងស្រុង។

ក្នុងគោលបំណងទល់ទ្រ ពង្រឹង សង្រ្គោះប្រាសាទឱ្យជៀសផុតពីហានិភ័យ អ្នកជំនាញអាជ្ញាធរជាតិអប្សរាបានរៀបចំដំណើរការទល់ទ្រ ក្នុងដំណាក់កាលទី១ ចាប់ពីថ្ងៃទី២០ ខែវិច្ឆកា ឆ្នាំ២០១៩ រហូតដល់ខែកុម្ភៈ ឆ្នាំ២០២០។

លោក ម៉ៅ សុខនី ប្រធានការដ្ឋានជួសជុលប្រាសាទព្រហ្មកិល និងជាស្ថាបត្យករនៃនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការឱ្យដឹង ហានិភ័យដែលបង្កឱ្យខូចខាតរចនាសម្ពន្ធប្រាសាទ បណ្តាលមកពីគ្រឹះប្រាសាទរលុះថ្មខឿនព័ទ្ធជុំវិញ។ លោកបន្តថា មេទ្វារមុខខាងកើតទ្រេតគ្មានលំនឹង ហើយជញ្ជាំងផ្នែកខាងលិចទ្រេត និងខាងក្រោមគ្មានថ្មសម្រាប់ទល់ទ្រ នៅជ្រុងនិរតីនៃជញ្ជាំងប្រាសាទមួយផ្នែកដួលរលំអស់ ហើយជញ្ជាំងខាងត្បូងគ្មានលំនឹង មានថ្មក្រៀកចេញពីគ្នាធ្វើឱ្យជ្រុងខាងត្បូងងាយនឹងរលំដោយសារខាងក្រោមបាត់ថ្មអស់ជាច្រើនដុំ។

អ្នកជំនាញរូបនេះឱ្យដឹងទៀតថា ដោយសារផ្នែកខាងត្បូងឈៀងខាងលិចថ្មប្រាសាទមួយចំហៀងត្រូវបានដួលរលំនៅជ្រុងនិរតី និងផ្នែកនៅសល់គ្មានលំនឹង ដូចនេះកំពូលរបស់វាមានហានិភ័យខ្ពស់ត្រូវការទល់ទ្របន្ទាន់ ដើម្បីឱ្យប្រាសាទឈរនៅរឹងមាំ។

បន្ថែមពីលើនេះ លោកបញ្ជាក់ថា មាន១ចំណុចជាហានិភ័យថ្មីដែលត្រូវការទល់ទ្រជាបន្ទាន់ ហើយមាន៤ចំណុចចាស់ត្រូវរើទល់ទ្រដើម្បីពង្រឹងឡើងវិញ និងរឹតខ្សែកាបចំនួន៣ខ្សែនៅកំពូលប្រាសាទ។

អ្នកជំនាញដដែលបន្តថា ជំហានទី១សមស្របទៅតាមអនុសាសន៍អាយស៊ីស៊ី-អង្គរ កាលពីខែឧសភា ឆ្នាំ២០១៩ ដែលបានចុះមកពិនិត្យជាក់ស្តែង និងបានផ្តល់អនុសាសន៍ជាជំហានទី២ ត្រូវសិក្សាសម្រង់ប្លង់មេទូទៅ ធ្វើកំណាយស្រាវជ្រាវអំពីរចនាសម្ពន្ធរបស់ប្រាសាទ និងជំហានទី៣ ឈានទៅដល់ការជួសជុលប្រាសាទតែម្តង។

លោកបានបញ្ជាក់ថា នៅឆ្នាំ១៩១៩ សាលាបារាំងចុងបូព៌ា បានសម្អាតទីតាំងជុំវិញបរិវេណប្រាសាទ និងទល់ទ្រផ្នែកខ្លះដូចជាទាមដែក និងចាក់កំណល់បេតុងជាដើម។ លុះមកដល់នៅឆ្នាំ២០១៥ អាជ្ញាធរជាតិអប្សរាបានទល់ទ្រ៤ទីតាំងបន្ថែមទៀតដើម្បីបញ្ជៀសនូវហានិភ័យផ្សេងៗរហូតមកដល់បច្ចុប្បន្ន៕












អត្ថបទ៖ លោក យី សុថា
រូបភាព លោក រដ្ឋ ផល្លីន និងលោក ម៉ៅ សុខនី
APSARA’s Community Working Group with the participation of the local authority promote cultural heritage in Steung village, Bakong commune, Prasat Bakong district, Siem Reap province.
ASEAN-China Joint Cultural Performance: Connectivity in Diversity is scheduled to hold for three days in Siem Reap from 26 to 28 December 2016. This program will be attended by more than 266 artists from the 10 ASEAN member countries and the People's Republic of China to celebrate the 25th anniversary of ASEAN-China.
Apsara Authority cooperates with 17 volunteer doctors of The CPR Hero Training Center, led by Dr. Michael Pham to provide free medical check for 100 villagers in Run Ta Ek Eco-village.
In a presentation to the villagers in Rahal and North Sras Srang village in order to promote about "water purification methods and keep the water safe to use in the Family", Apsara Authority reminds the villagers to use only clean water for healthy life.

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
1938
Yesterday
:
6169
This Week
:
01938
This Month
:
0244613
Total
:
012752202