ព័ត៌មានថ្មីៗ

ក្រុមការងារចម្រុះចុះពិនិត្យទីតាំងរៀបចំសណ្ដាប់ធ្នាប់នៅបរិវេណជុំវិញទ្វារទឹកសំពៅលូនខាងជើងកសិន្ធុអង្គរវត្ត

បានផ្សាយនៅ ថ្ងៃទី 19 ខែ វិច្ឆិកា ឆ្នាំ2019 09:40 AM ដោយ ៖ អាជ្ញាធរជាតិអប្សរា

នៅព្រឹកថ្ងៃទី១៩ ខែ វិច្ឆិកា ក្រុមការងារចម្រុះដែលមាននាយកដ្ឋានគ្រប់គ្រងព្រៃឈើ នាយកដ្ឋានគ្រប់គ្រងទឹក នាយកដ្ឋានគ្រប់គ្រងអន្ដរវិស័យ និងក្រុមសណ្ដាប់ធ្នាប់ប្រាសាទនៃនាយកដ្ឋានអភិវឌ្ឍន៍ទេសចរណ៍អង្គរ បានចុះពិនិត្យទីតាំងបរិវេណជុំវិញទ្វារទឹកសំពៅលូន ឬទំនប់ស្ទាក់ខ្សាច់ ដែលស្ថិតនៅខាងជើងកសិន្ធុអង្គរវត្ត ដើម្បីត្រៀមរៀបចំ កែលម្អ សោភ័ណភាព អនាម័យនៅទីតាំងនោះ។ ការងារនេះធ្វើឡើងបន្ទាប់ពីពិនិត្យឃើញថា ទីតាំងនេះ ត្រូវបានប្រជាពលរដ្ឋ អ្នកលក់ដូរ ប្រើប្រាស់សម្រាប់ការលក់ដូរយ៉ាងអាណាធិបតេយ្យ ដូចជាក្រាលកន្ទេល និងចងអង្រឹង សម្រាប់អង្គុយហូបអាហារ និងផឹកគ្រឿងស្រវឹង ដែលធ្វើឱ្យប៉ះពាល់ដល់រមណីយដ្ឋានអង្គរជាខ្លាំង។

ក្រុមការងារចម្រុះ បានចុះកំណត់ទីតាំង និងស្វែងរកដំណោះស្រាយរួម សំដៅធ្វើយ៉ាងណា ប្រែក្លាយបញ្ហាដែលកំពុងមានសព្វថ្ងៃ ឱ្យមានភាពល្អប្រសើរឡើងវិញ។ ក្នុងនោះ ក្រុមការងារបានសម្រេចរៀបចំគោលការណ៍មួយដាក់ទៅអគ្គនាយកអាជ្ញាធរជាតិអប្សរា ដើម្បីសម្រេចនិងកំណត់ការអនុវត្តនាពេលខាងមុខ។ បន្ថែមពីនោះ ក្រុមការងារចម្រុះនាយកដ្ឋានបានបង្ហាញគោលការណ៍រួមថា នឹងរៀបចំទីតាំងនេះឱ្យមានភាពបៃតងឡើងវិញ ដូចជាត្រូវដាំស្មៅ និងដាំដើមឈើ ហើយថាទីតាំងនេះមិនគួរឱ្យមានសំណង់ឡើយ ព្រោះវានៅលើកសិន្ធុអង្គរវត្ត។

សកម្មភាពនេះ ធ្វើឡើងស្របពេលដែលអាជ្ញាធរជាតិអប្សរា កន្លងមកធ្លាប់ចេញសេចក្ដីជូនដំណឹងអំពីបំរាមការដាក់កន្ទេល ចងអង្រឹងគ្រប់ប្រភេទនៅតំបន់ជុំវិញវាលស្មៅ ក៏ដូចជាកសិន្ធុអង្គរ ដើម្បីរៀបចំសណ្ដាប់ធ្នាប់ បរិស្ថាន អនាម័យនៅតំបន់រមណីយដ្ឋានអង្គរ។ សកម្មភាពនៅទីតាំងនេះ បង្ហាញឱ្យឃើញពីការបំពានបំរាមខាងលើ ហើយអាជ្ញាធរជាតិអប្សរា មានសមត្ថកិច្ចគ្រប់គ្រាន់ដើម្បីរៀបចំឡើងវិញ៕














អត្ថបទ៖ នាយកដ្ឋានផ្សព្វផ្សាយ
អាជ្ញាធរជាតិអប្សរាបានចាប់ដៃគូជាមួយមូលនិធិបេតិកភណ្ឌវប្បធម៌កូរ៉េ (KOCHEF) និងភ្នាក់ងារសហប្រតិបត្តិការអន្តរជាតិកូរ៉េ (KOICA) ដើម្បីជួសជុលស្តារឡើងវិញនូវក្រុមប្រាសាទព្រះពិធូរ ដែលស្ថិតនៅទល់មុខព្រះលានជល់ដំរី។ គម្រោងនេះចាប់ផ្តើមពីឆ្នាំ២០១៥ ហើយគ្រោងនឹងបញ្ចប់ជំហានដំបូងនៅឆ្នាំ២០១៨ខាងមុខ។
នៅរសៀលថ្ងៃទី២៦ ខែធ្នូ ឆ្នាំ២០១៦នេះ ថ្នាក់ដឹកនាំសហភាពសហព័ន្ធយុវជនកម្ពុជា (សសយក) ដឹកនាំដោយឯកឧត្តម សុខ សប្បាយណា ប្រធានក្រុមការងារប្រតិបត្តិព្រឹត្តិការណ៍អង្គរសង្រ្កាន្ត បានចូលរួមកិច្ចប្រជុំនៅអាជ្ញាធរជាតិអប្សរា ក្នុងបំណងដើម្បីស្វែងរកកិច្ចសហប្រតិបត្តិការដើម្បីរៀបចំព្រឹត្តិការណ៍អង្គរសង្រា្កន្តលើកទី៤ ឆ្នាំ២០១៧។
ភ្នាក់ងារសណ្តាប់ធ្នាប់នៃអាជ្ញាធរជាតិអប្សរា សហការជាមួយកម្លាំងការពារបេតិកភណ្ឌប្រចាំស្រុកប្រាសាទបាគង និងអាជ្ញាធរមូលដ្ឋានបានចុះទប់ស្កាត់ការសាងសង់របងបេតុងខុសច្បាប់មួយកន្លែង ដែលស្ថិតនៅក្នុងភូមិលលៃ ឃុំបាគង ស្រុកប្រាសាទបាគង ខេត្តសៀមរាប ដែលជាដីស្ថិតនៅក្នុងតំបន់ការពារទី១នៃរមណីយដ្ឋានអង្គរ (តំបន់រលួស)។ សកម្មភាពចុះទប់ស្កាត់នេះធ្វើឡើង នារសៀលថ្ងៃទី២៥ ខែធ្នូ ឆ្នាំ២០១៦ ដោយតម្រូវឲ្យអ្នកដឹកនាំការដ្ឋាន(មេម៉ៅការសំណង់) ធ្វើកិច្ចសន្យាជាលាយលក្ខណ៍អក្សរ ផ្អាកការសាងសង់បន្ត។
គម្រោងអភិរក្សជួសជុលក្រុមប្រាសាទព្រះពិធូរ ដែលអនុវត្តដោយមូលនិធិបេតិកភណ្ឌវប្បធម៌កូរ៉េ (KOCHEF) និងភ្នាក់ងារសហប្រតិបត្តិការអន្តរជាតិកូរ៉េ (KOICA) កំពុងផ្តោតការយកចិត្តយ៉ាងខ្លាំងលើការងារបណ្តុះបណ្តាលធនធានមនុស្សនៃអាជ្ញាធរជាតិអប្សរា។
ដើម្បីរួមចំណែកលើកកម្ពស់សុខភាពប្រជាជននៅក្នុងតំបន់អង្គរ ឱ្យមានការយល់ដឹងពីអនាម័យ ការរស់នៅស្អាត ហូបស្អាតក្នុងជីវិតរស់នៅប្រចាំថ្ងៃប្រកបដោយសុខភាពល្អ នៅព្រឹកថ្ងៃទី២២ ខែធ្នូ ឆ្នាំ២០១៦ គម្រោងសុវុឌ្ឍិកម្មនៃការសម្អាតទឹក និងការគ្រប់គ្រងទឹកក្នុងតំបន់អង្គរ (PAAGERA) ដែលអាជ្ញាធរជាតិអប្សរាបសហការជាមួយសាលាខេត្តសៀមរាប និងប្រទេសបារាំង បានចុះទៅអប់រំផ្សព្វផ្សាយអំពី «ការបន្សុទ្ធទឹក និងទុកដាក់ទឹកឱ្យមានសុវត្ថិភាព» ដល់ប្រជាជនជាង៨០សិបនាក់នៅភូមិស្រែចង្ហូត ឃុំរុនតាឯក ស្រុកបន្ទាយស្រី ខេត្តសៀមរាប។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
9
ថ្ងៃនេះ
:
1982
ម្សិលមិញ
:
6169
សប្តាហ៍នេះ
:
01982
ខែនេះ
:
0244657
សរុប
:
012752246