ព័ត៌មានថ្មីៗ

ព្រះសង្ឃនៅវត្តលលៃចាប់ផ្តើមរំកិលកុដិចុះមកក្រោមបរិវេណប្រាសាទលលៃដើម្បីសម្រួលដល់កិច្ចការអភិរក្ស

បានផ្សាយនៅ ថ្ងៃទី 13 ខែ វិច្ឆិកា ឆ្នាំ2019 09:09 AM ដោយ ៖ អាជ្ញាធរជាតិអប្សរា
នៅព្រឹកថ្ងៃទី១២ ខែ វិច្ឆិកា ឆ្នាំ២០១៩ ព្រះសង្ឃនិងគណៈកម្មការវត្តលលៃ បានចាប់ផ្តើមរំកិលកុដិចុះមកខាងក្រោមដើម្បីសម្រួលដល់កិច្ចការអភិរក្ស។ កិច្ចការនេះធ្វើឡើងបន្ទាប់ពីក្រុមប្រឹក្សាកិច្ចការវត្តអារាម ដែលហៅថា CoMAPA, គណៈសង្ឃគ្រប់គ្រង ព្រះសង្ឃ អាចារ្យ គណៈកម្មការវត្តប្រាសាទលលៃ ព្រមទាំងតំណាងមន្ទីរធម្មការនិងកិច្ចការសាសនា បានប្រជុំសម្រេចព្រះទ័យរំកិលកុដិដែលសង់នៅបរិវេណខឿនប្រាសាទលលៃចុះមកគង់នៅខាងក្រោមវិញ។

ការសម្រេចព្រះទ័យរបស់គណៈសង្ឃគ្រប់គ្រងវត្តប្រាសាទលលៃ អាជ្ញាធរជាតិអប្សរាយល់ថាជាការចូលរួមយ៉ាងសកម្មរបស់ព្រះសង្ឃក្នុងវិស័យបេតិកភណ្ឌ ដើម្បីថែរក្សានូវមរតកដូនតាដែលព្រះពុទ្ធសាសនាតែងតែបានចូលរួមចំណែកតាំងពីយូរលង់ណាស់មកហើយ។ ទាក់ទងនឹងកិច្ចការនេះដែរ កាលពីថ្ងៃទី៣០ ខែតុលា កន្លងទៅ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានចូលក្រាបថ្វាយបង្គំសម្ដេចអគ្គមហាសង្ឃរាជ ទេព វង្ស ដើម្បីទូលថ្វាយព្រះអង្គអំពីតួនាទីវត្តអារាមក្នុងការចូលរួមលើកស្ទួយនិងអភិរក្សបេតិកភណ្ឌវប្បធម៌ជាតិ ជាពិសេសកិច្ចការអភិរក្សនៅប្រាសាទលលៃដែលកំពុងដំណើរការជួសជុល។

សម្ដេចអគ្គមហាសង្ឃរាជ បានសព្វព្រះទ័យចំពោះការកែលម្អប្រាសាទលលៃឱ្យទៅជារមណីយដ្ឋានសមាហរណកម្មគំរូនៃសំណង់ព្រហ្មសាសនា (តួប្រាសាទ) និងសំណង់ពុទ្ធសាសនា (តួព្រះវិហារពុទ្ធសាសនា) ដែលសុទ្ធសឹងជាបុរាណវត្ថុដ៏មានវ័យចំណាស់ ដោយមិនគប្បីឱ្យមានមនុស្សលោកទៅរស់នៅលាយឡំជាមួយនឹងសំណង់ដ៏ពិសិដ្ឋទាំងនេះឡើយ។

ជាមួយគ្នានោះ សម្ដេចអគ្គមហាសង្ឃរាជ បានផ្តល់ឱវាទនិងកោតសរសើរចំពោះកិច្ចខំប្រឹងប្រែងរបស់អាជ្ញាធរជាតិអប្សរា ដែលបានសហការជាមួយព្រះសង្ឃក្នុងការអភិរក្សបុរាណដ្ឋានលើទឹកដីអង្គររួមគ្នាបានយ៉ាងល្អប្រសើរ និងសូមឱ្យក្រុមការងារបន្តកិច្ចការនេះប្រកបដោយស្មារតីទទួលខុសត្រូវ ស្នេហាជាតិ និងស្រឡាញ់សម្បត្តិដូនតា រួមគ្នាថែរក្សាឱ្យបានគង់វង្សរហូតទៅ៕

អត្ថបទនិងរូបភាព៖ អាជ្ញាធរជាតិអប្សរា
កម្មវិធីសម្ដែងសិល្បៈ «រាត្រីចងចាំ» ដើម្បីអបអរខួបមួយឆ្នាំក្នុងការចុះបញ្ជីល្ខោនខោលចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ ២៨ វិច្ឆិកា ឆ្នាំ២០១៨-២៨ វិច្ឆិកា ឆ្នាំ២០១៩ នាល្ងាចថ្ងៃទី២៨ ខែវិច្ឆិកា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា និងមានការចូលរួមពីថ្នាក់ដឹកនាំក្រសួងទេសចរណ៍ រដ្ឋបាលខេត្តសៀមរាប មន្រ្តីអាជ្ញាធរជាតិអប្សរា ព្រមទាំងមហាជនជាទេសចរជាតិ-អន្ដរជាតិ ចូលរួមទស្សនាយ៉ាងច្រើនកុះករ។
រយៈពេល០៩ថ្ងៃហើយ ដែលមជ្ឈមណ្ឌលបណ្តុះ បណ្តាលនៃអាជ្ញាធរជាតិអប្សរា បានបើកវគ្គបណ្តុះបណ្តាល អ្នកបន្តវេនបច្ចេកទេសជួសជុល អភិរក្ស និងស្រាវជ្រាវប្រាសាទបុរាណ ដែលចាប់ផ្ដើមតាំងពីថ្ងៃទី១៩ ខែវិច្ឆិកា ឆ្នាំ២០១៩ មក។
ប្រតិភូសមាជិកបណ្ឌិតសភាវិទ្យាសាស្រ្តសង្គមនិងបច្ចេកវិទ្យានៃប្រទេសវៀតណាម លោក NGUYEN GIANG HAI បានចូលរួមធ្វើបាឋកថាស្ដីពី «វិស័យស្រាវជ្រាវបុរាណវិទ្យានិងការរកឃើញថ្មីៗនៅប្រទេសវៀតណាម» ដែលបានចែករំលែកចំណេះដឹងទាក់ទងនឹងវិស័យបុរាណវិទ្យាដល់មន្រ្តី បុគ្គលិក និងសាធារណជន ដែលសរុបប្រមាណ៥០នាក់។
វត្តរាជបូណ៌ជាវត្តដ៏ចំណាស់មួយក្នុងចំណោមវត្តដទៃទៀត ដែលស្ថិតនៅតាមដងស្ទឹងសៀមរាប ស្ថិតក្នុងភូមិសាស្ត្រភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ អារាមនេះមានព្រះវិហារមួយដែលមានលក្ខណៈស្ថាបត្យកម្មល្អឯក ហើយប្រហែលជាសាងសង់ឡើងក្នុងរាជ្យព្រះបាទនរោត្តម។
យោងតាមរបាយការណ៍របស់នាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិអប្សរាក្នុងអំឡុងខែតុលា ឆ្នាំ២០១៩នេះ ក្រុមការងារបានជួយសង្រ្គោះភ្ញៀវទេសចរដែលរងរបួសចំនួន១០ករណី ក្នុងនោះមាន រអិលឬជំពប់ជើងដួល គ្រិច ថ្លោះដៃជើង ខ្យល់គរ ដួលសន្លប់ និងចុកពោះ ជាដើមបាន។ បញ្ហាទាំងនេះកើតឡើងដោយសារភ្ញៀវខ្លះមានការធ្វេសប្រហែស និងមិនគោរពតាមការណែនាំ ឬផ្លាកសញ្ញាហាមឃាត់ និងបញ្ហាសុខភាពផ្ទាល់ខ្លួន។
ដើមដំបូងមុន12345...271272បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
9986
ម្សិលមិញ
:
15922
សប្តាហ៍នេះ
:
09986
ខែនេះ
:
0142112
សរុប
:
009610869