ព័ត៌មានថ្មីៗ

ពិធីទទួលទានអំបុកការពារជាតិ សាសនា ព្រះមហាក្សត្រ ត្រូវបានរៀបចំយ៉ាងអធិកអធមនៅព្រះលានជល់ដំរី

បានផ្សាយនៅ ថ្ងៃទី 09 ខែ វិច្ឆិកា ឆ្នាំ2019 09:20 AM ដោយ ៖ អាជ្ញាធរជាតិអប្សរា

ពិធីទទួលទានអំបុកការពារជាតិ សាសនា ព្រះមហាក្សត្រ ៩វិច្ឆិកា ២០១៩ ត្រូវបានរៀបចំឡើងយ៉ាងអធិកអធមនៅព្រះលានជល់ដំរី ក្រុងអង្គរធំ ក្រោមអធិបតីភាពឯកឧត្ត ម ហង់ ពៅ អគ្គនាយកអាជ្ញាធរជាតិអប្សរា លោកជំទាវឧកញ៉ាបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ មន្ត្រីរាជការ បុគ្គលិក កម្មករ ព្រមទាំង ព្រះសង្ឃ និងភ្ញៀវទេសចរជាតិ-អន្តរជាតិយ៉ាងច្រើនកុះករ។

ពីធីនេះបានរៀបចំក្នុងអត្ថន័យចូលរួមចំណែកជាមួយរាជរដ្ឋាភិបាលកម្ពុជាដើម្បីការពារជាតិ សាសនា ព្រះមហាក្សត្រ ព្រមទាំងរំលេចនូវអត្តសញ្ញាណវប្បធម៌ជាតិខ្មែរទាក់ទងនឹងសកម្មភាពជាច្រើនដូចជាច្រូតកាត់ លីងស្រូវ ដាល់អំបុក ក៏ដូចជាការដាក់តាំងបង្ហាញនូវឧបករណ៍ប្រពៃណីដូចជាត្បាល់កិន ត្បាល់បុក ត្បាល់ក្តឿង។ល។

មិនតែប៉ុណ្ណោះ ភ្ញៀវទេសចរជាតិ-អន្តរជាតិ ដែលចូលរួមក្នុងពិធីទទួលទានអំបុក ក៏បានចូលរួមដោយផ្ទាល់ក្នុងការច្រូតស្រូវ បោកស្រូវ កិនស្រូវ លីងស្រូវ ដាល់អំបុក ញាំអំបុក និងរាំកម្សាន្តយ៉ាងសប្បាយរីករាយទៀតផង។

អាជ្ញាធរជាតិអប្សរា សូមឧទ្ទិសឱ្យព្រឹត្តិការណ៍ទទួលទានអំបុកការពារជាតិ សាសនា ព្រះមហាក្សត្រ ៩វិច្ឆិកាឆ្នាំ២០១៩ ស្របនឹងទិវាបុណ្យឯករាជ្យជាតិលើកទី៦៦ឆ្នាំនាពេលនេះ ក្លាយជាកម្លាំងសាមគ្គីគ្នារវាងខ្មែរនិងខ្មែរដើម្បីរួមគ្នាជាធ្លុងមួយអភិវឌ្ឍន៍ប្រទេសជាតិឱ្យកាន់តែរីកចម្រើន ដូចជាការធ្វើអំបុកដើម្បីបានមកបរិភោគ គឺមានអ្នកច្រូតស្រូវ បោកបែន យកមកលីង យកមកដាល់ រហូតបានជាអំបុកដ៏ឆ្ងាញ់ពិសាដូច្នោះដែរ៕















































































អត្ថបទ៖ កញ្ញា ហ៊ីង ស្រីរ័ត្ន
រូបភាព៖ លោក ហាប់ គឹមអាន
កម្មវិធីសម្ដែងសិល្បៈ «រាត្រីចងចាំ» ដើម្បីអបអរខួបមួយឆ្នាំក្នុងការចុះបញ្ជីល្ខោនខោលចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ ២៨ វិច្ឆិកា ឆ្នាំ២០១៨-២៨ វិច្ឆិកា ឆ្នាំ២០១៩ នាល្ងាចថ្ងៃទី២៨ ខែវិច្ឆិកា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា និងមានការចូលរួមពីថ្នាក់ដឹកនាំក្រសួងទេសចរណ៍ រដ្ឋបាលខេត្តសៀមរាប មន្រ្តីអាជ្ញាធរជាតិអប្សរា ព្រមទាំងមហាជនជាទេសចរជាតិ-អន្ដរជាតិ ចូលរួមទស្សនាយ៉ាងច្រើនកុះករ។
រយៈពេល០៩ថ្ងៃហើយ ដែលមជ្ឈមណ្ឌលបណ្តុះ បណ្តាលនៃអាជ្ញាធរជាតិអប្សរា បានបើកវគ្គបណ្តុះបណ្តាល អ្នកបន្តវេនបច្ចេកទេសជួសជុល អភិរក្ស និងស្រាវជ្រាវប្រាសាទបុរាណ ដែលចាប់ផ្ដើមតាំងពីថ្ងៃទី១៩ ខែវិច្ឆិកា ឆ្នាំ២០១៩ មក។
ប្រតិភូសមាជិកបណ្ឌិតសភាវិទ្យាសាស្រ្តសង្គមនិងបច្ចេកវិទ្យានៃប្រទេសវៀតណាម លោក NGUYEN GIANG HAI បានចូលរួមធ្វើបាឋកថាស្ដីពី «វិស័យស្រាវជ្រាវបុរាណវិទ្យានិងការរកឃើញថ្មីៗនៅប្រទេសវៀតណាម» ដែលបានចែករំលែកចំណេះដឹងទាក់ទងនឹងវិស័យបុរាណវិទ្យាដល់មន្រ្តី បុគ្គលិក និងសាធារណជន ដែលសរុបប្រមាណ៥០នាក់។
វត្តរាជបូណ៌ជាវត្តដ៏ចំណាស់មួយក្នុងចំណោមវត្តដទៃទៀត ដែលស្ថិតនៅតាមដងស្ទឹងសៀមរាប ស្ថិតក្នុងភូមិសាស្ត្រភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ អារាមនេះមានព្រះវិហារមួយដែលមានលក្ខណៈស្ថាបត្យកម្មល្អឯក ហើយប្រហែលជាសាងសង់ឡើងក្នុងរាជ្យព្រះបាទនរោត្តម។
យោងតាមរបាយការណ៍របស់នាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិអប្សរាក្នុងអំឡុងខែតុលា ឆ្នាំ២០១៩នេះ ក្រុមការងារបានជួយសង្រ្គោះភ្ញៀវទេសចរដែលរងរបួសចំនួន១០ករណី ក្នុងនោះមាន រអិលឬជំពប់ជើងដួល គ្រិច ថ្លោះដៃជើង ខ្យល់គរ ដួលសន្លប់ និងចុកពោះ ជាដើមបាន។ បញ្ហាទាំងនេះកើតឡើងដោយសារភ្ញៀវខ្លះមានការធ្វេសប្រហែស និងមិនគោរពតាមការណែនាំ ឬផ្លាកសញ្ញាហាមឃាត់ និងបញ្ហាសុខភាពផ្ទាល់ខ្លួន។
ដើមដំបូងមុន12345...271272បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
9345
ម្សិលមិញ
:
15922
សប្តាហ៍នេះ
:
09345
ខែនេះ
:
0141471
សរុប
:
009610228