NEWS

គម្រោង PAAGERA នៅតែបន្តជួយដល់ប្រជាពលរដ្ឋក្នុងតំបន់អង្គរអោយមានបង្គន់អនាម័យប្រើប្រាស់គ្រប់គ្នា

Published on 08 November 2019 09:42 AM Post By ៖ Apsara National Authority
អាជ្ញាធរជាតិអប្សរា តែងយកចិត្តទុកដាក់ខ្ពស់លើបញ្ហាសុខភាពអនាម័យរបស់ប្រជាពលរដ្ឋដែលកំពុងរស់នៅក្នុងតំបន់រមណីយដ្ឋានអង្គរ។ ក្នុងបុព្វហេតុនេះ អាជ្ញាធរជាតិអប្សរាដែលទទួលបានជំនួយពីរាជរដ្ឋាភិបាលប្រទេសបារាំងបាននិងកំពុងអនុវត្តន៍គម្រោង សុវុឌ្ឍិកម្មនៃការសម្អាតទឹក និងការគ្រប់គ្រង ទឹកក្នុងតំបន់អង្គរ (PAAGERA) ដើម្បីលើកស្ទួយកម្រិតជីវភាពបងប្អូនប្រជាពលរដ្ឋក្នុងតំបន់អង្គរលើផ្នែកសុខភាព និងអនាម័យតាមរយៈការផ្សព្វផ្សាយពន្យល់របស់ក្រុមការងារគម្រោងអំពីការចម្លងរោគ បញ្ហាប្រឈម និងផលប៉ះពាល់ផ្សេងៗទៀតដែលបណ្តាលមកពីការបន្ទោបង់ពាសវាលពាសកាល។ លើសពីនេះទៀតក្រុមការងារគម្រោងបានជំរុញលើកទឹកចិត្តពួកគាត់ឲ្យផ្លាស់ប្តូរទម្លាប់ចាស់ ហើយសម្រេចចិត្តសាងសង់បង្គន់អនាម័យប្រើប្រាស់គ្រប់ៗគ្នាដោយមានការចូលរួមជាថវិការបដិភាគរបស់គម្រោងPAAGERA ផងដែរ។

មន្ត្រីបច្ចេកទេសនៃនាយកដ្ឋានគ្រប់គ្រងទឹក និងជាប្រធានក្រុមការងារអនុវត្តគម្រោងសុវុឌ្ឍិកម្ម និងការគ្រប់គ្រងទឹកក្នុងតំបន់អង្គរ (PAAGERA) លោក ឡៃ ប៉ូទី បានឱ្យដឹងថា គម្រោង PAAGERA បានចាប់ផ្តើមផ្តល់ថវិកាបដិភាគក្នុងការសាងសង់បង្គន់អនាម័យជូនប្រជាពលរដ្ឋក្នុងតំបន់អង្គរពីឆ្នាំ២០១៨មក។ លោកបន្តថា ក្នុងដំណាក់កាលទី១ ចាប់ពីខែសីហា ឆ្នាំ២០១៨ ដល់ខែមករា ឆ្នាំ២០១៩ គម្រោងនេះបានជួយថវិការបដិភាគសង់បង្គន់អនាម័យដល់ប្រជាពលរដ្ឋសរុបចំនួន៦៤២គ្រួសារ និងដំណាក់កាលទី២ ពីខែមិថុនា ដល់បច្ចុប្បន្នសរុបទាំង២ដំណាក់កាលស្មើនឹង ៩៩២បង្គន់អនាម័យ។

ក្នុងគម្រោងថវិកាបដិភាគសង់បង្គន់អនាម័យនេះ អាជ្ញាធរជាតិអប្សរាបានផ្តល់នូវជម្រើស៣ប្រភេទសម្រាប់ពលរដ្ឋជ្រើសរើស ដែលជម្រើសទី១អាជ្ញាធរជាតិអប្សរាផ្តល់ថវិកា៤០ភាគរយ, ជម្រើសទី២ ថវិកា៣០ភាគរយ និងទី ៣ ចំនួន២០ភាគរយ។ ប្រជាពលរដ្ឋដែលយកជម្រើសទី១ត្រូវចូលរួមថវិកាសង់បង្គន់ត្រឹមតែចំនួន ១៥៦,០០០រៀល, ជម្រើសទី ២ ថវិកា២៩៤,០០០រៀល និងជម្រើសទី៣ ថវិកា ៤៦៤,០០០រៀល គឺទៅតាមតម្លៃស្តង់ដាបង្គន់ដែលគម្រោងបានសិក្សាតម្លៃចន្លោះពី ២៦ម៉ឺន, ៤២ម៉ឺន និង ៥៨ម៉ឺនរៀល សម្រាប់ប្រភេទបង្គន់នីមួយៗ។ នេះជាការបញ្ជាក់របស់លោក ឡៃ ប៉ូទី ។

លោក ឡៃ ប៉ូទី ពន្យល់ថា គម្រោងនេះមានសារសំខាន់ណាស់ដើម្បីលើកស្ទួយកម្រិតជីវភាពរបស់ប្រជាពលរដ្ឋក្នុងមូលដ្ឋានលើផ្នែកអនាម័យ ការបន្ទោរបង់ ធ្វើយ៉ាងណាឱ្យមានបង្គន់អនាម័យប្រើប្រាស់គ្រប់ផ្ទះ ជៀសវាងការបន្ទោរបង់ពាសវាលពាសកាល ដែលបង្កើតឱ្យមានជំងឺឆ្លងផ្សេងៗ ខាតបង់ថវិកានិងពេលវេលារបស់ប្រជាពលរដ្ឋ។ គម្រោងនេះបានរួមចំណែកខ្លាំងដល់ពលរដ្ឋ ពិសេសអ្នកដែលមានជីវភាពខ្វះខាតមិនអាចមានលទ្ធភាពសង់បង្គន់អនាម័យបាន ដែលកន្លងមកធ្វើឲ្យពួកគាត់មានការលំបាក និងងាយបង្កចម្លងរោគខ្ពស់ ពិសេសនារដូវវស្សា។

បច្ចុប្បន្ន គម្រោងPAAGERA បាននិងកំពុងអនុវត្តន៍បន្តរហូតដល់ពលរដ្ឋក្នុងតំបន់នៃរមណីយដ្ឋានអង្គរ មានបង្គន់អនាម័យប្រើប្រាស់គ្រប់គ្រួសារ និង រហូតដល់ថវិកាជំនួយរបស់គម្រោងខាងលើបញ្ចប់៕






















អត្ថបទ៖ នាយកដ្ឋានផ្សព្វផ្សាយ
រូបភាព៖ ក្រុមការងារនៃគម្រោង PAAGERA
កម្មវិធីសម្ដែងសិល្បៈ «រាត្រីចងចាំ» ដើម្បីអបអរខួបមួយឆ្នាំក្នុងការចុះបញ្ជីល្ខោនខោលចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ ២៨ វិច្ឆិកា ឆ្នាំ២០១៨-២៨ វិច្ឆិកា ឆ្នាំ២០១៩ នាល្ងាចថ្ងៃទី២៨ ខែវិច្ឆិកា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា និងមានការចូលរួមពីថ្នាក់ដឹកនាំក្រសួងទេសចរណ៍ រដ្ឋបាលខេត្តសៀមរាប មន្រ្តីអាជ្ញាធរជាតិអប្សរា ព្រមទាំងមហាជនជាទេសចរជាតិ-អន្ដរជាតិ ចូលរួមទស្សនាយ៉ាងច្រើនកុះករ។
រយៈពេល០៩ថ្ងៃហើយ ដែលមជ្ឈមណ្ឌលបណ្តុះ បណ្តាលនៃអាជ្ញាធរជាតិអប្សរា បានបើកវគ្គបណ្តុះបណ្តាល អ្នកបន្តវេនបច្ចេកទេសជួសជុល អភិរក្ស និងស្រាវជ្រាវប្រាសាទបុរាណ ដែលចាប់ផ្ដើមតាំងពីថ្ងៃទី១៩ ខែវិច្ឆិកា ឆ្នាំ២០១៩ មក។
ប្រតិភូសមាជិកបណ្ឌិតសភាវិទ្យាសាស្រ្តសង្គមនិងបច្ចេកវិទ្យានៃប្រទេសវៀតណាម លោក NGUYEN GIANG HAI បានចូលរួមធ្វើបាឋកថាស្ដីពី «វិស័យស្រាវជ្រាវបុរាណវិទ្យានិងការរកឃើញថ្មីៗនៅប្រទេសវៀតណាម» ដែលបានចែករំលែកចំណេះដឹងទាក់ទងនឹងវិស័យបុរាណវិទ្យាដល់មន្រ្តី បុគ្គលិក និងសាធារណជន ដែលសរុបប្រមាណ៥០នាក់។
យោងតាមរបាយការណ៍របស់នាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិអប្សរាក្នុងអំឡុងខែតុលា ឆ្នាំ២០១៩នេះ ក្រុមការងារបានជួយសង្រ្គោះភ្ញៀវទេសចរដែលរងរបួសចំនួន១០ករណី ក្នុងនោះមាន រអិលឬជំពប់ជើងដួល គ្រិច ថ្លោះដៃជើង ខ្យល់គរ ដួលសន្លប់ និងចុកពោះ ជាដើមបាន។ បញ្ហាទាំងនេះកើតឡើងដោយសារភ្ញៀវខ្លះមានការធ្វេសប្រហែស និងមិនគោរពតាមការណែនាំ ឬផ្លាកសញ្ញាហាមឃាត់ និងបញ្ហាសុខភាពផ្ទាល់ខ្លួន។
យោងតាមរបាយការណ៍របស់នាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិអប្សរាក្នុងអំឡុងខែតុលា ឆ្នាំ២០១៩នេះ ក្រុមការងារបានជួយសង្រ្គោះភ្ញៀវទេសចរដែលរងរបួសចំនួន១០ករណី ក្នុងនោះមាន រអិលឬជំពប់ជើងដួល គ្រិច ថ្លោះដៃជើង ខ្យល់គរ ដួលសន្លប់ និងចុកពោះ ជាដើមបាន។ បញ្ហាទាំងនេះកើតឡើងដោយសារភ្ញៀវខ្លះមានការធ្វេសប្រហែស និងមិនគោរពតាមការណែនាំ ឬផ្លាកសញ្ញាហាមឃាត់ និងបញ្ហាសុខភាពផ្ទាល់ខ្លួន។
FirstPrev12345...271272NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
9561
Yesterday
:
15922
This Week
:
09561
This Month
:
0141687
Total
:
009610444