NEWS

ភ្នាក់ងារទេសចរណ៍នៃអាជ្ញាធរជាតិអប្សរាប្រគល់សម្ភារៈជូនភ្ញៀវទេសចរដែលភ្លេចឬជ្រុះបាត់

Published on 30 October 2019 08:49 AM Post By ៖ Apsara National Authority

ក្រុមភ្នាក់ងារទេសចរណ៍នៃអាជ្ញាធរជាតិអប្សរា រើសបានសម្ភារៈដែលភ្ញៀវភ្លេចឬជ្រុះបាត់រួមមាន កាបូបលុយ កាតវីសា និងប្រាក់មួយចំនួនត្រូវបានភ្នាក់ងារទេសចរណ៍ប្រចាំប្រាសាទអង្គរវត្ត ប្រគល់ជូនភ្ញៀវទេសចរ នាថ្ងៃទី២៩ ខែតុលា ឆ្នាំ២០១៩ ខណៈដែលភ្ញៀរទេសចរបានភ្លេចឬជ្រុះបាត់ អំឡុងពេលដើរទស្សនាប្រាសាទ។

ជារឿយៗភ្នាក់ងារទទួលទេសចរណ៍តែងតែរើសបាននូវសម្ភារៈឬរបស់របរមួយចំនួនដែលភ្ញៀវទេសចរបានជ្រុះឬភ្លេចនៅតាមប្រាសាទនានា ហើយសហការជាមួយនគរបាលការពារបេតិកភណ្ឌ នគរបាលទេសចរណ៍ក្នុងការស្វែងរកម្ចាស់សម្ភារៈឬរបស់របរទាំងនោះ និងតែងតែបានប្រគល់សម្ភារៈឬរបស់របរទាំងនោះជូនទៅម្ចាស់ដើមវិញ។

ជាការឆ្លើយតបចំពោះសកម្មភាពទាំងនេះ ភ្នាក់ងារទេសចរណ៍នៃអាជ្ញាធរជាតិអប្សរា ក៏ដូចជានគរបាលការពារបេតិកភណ្ឌ នគរបាលទេសចរណ៍ តែងតែទទួលបាននូវការថ្លែងអំណរគុណនិងការកោតសរសើរយ៉ាងកក់ក្តៅពីសំណាក់ភ្ញៀវទេសចរជាតិនិងអន្តរជាតិ។ លើសពីនេះទៀត កាយវិការទាំងនេះក៏បានចូលរួមចំណែកយ៉ាងសំខាន់ក្នុងការបង្កើនទំនុកចិត្ត និងភាពកក់ក្តៅដល់ភ្ញៀវទេសចរក្នុងអញ្ជើញមកធ្វើដំណើរកំសាន្តក្នុងរមណីយដ្ឋានអង្គរ។

សូមបញ្ជាក់ថា ភ្នាក់ងារទេសចរណ៍ មានតួនាទីសំខាន់ក្នុងការផ្តល់នូវព័ត៌មានអំពីសេវាកម្មទេសចរណ៍ដល់ភ្ញៀវទេសចរ ពន្យល់ណែនាំឱ្យភ្ញៀវទេសចរឲ្យគោរពនិងប្រតិបត្តិតាមក្រមប្រតិបត្តិអង្គរ ជួយសង្គ្រោះនិងដោះស្រាយនូវបញ្ហាផ្សេងៗដែលអាចកើតឡើងជាយថាហេតុចំពោះភ្ញៀវទេសចរក្នុងដំណើរទស្សនារមណីយដ្ឋានអង្គរ៕

អត្ថបទ៖ កញ្ញា ឆាយ ផាន់នី
រូបភាព៖ ក្រុមការងារភ្នាក់ងារទេសចរណ៍
ព្រឹកថ្ងៃទី៣ ខែកក្កដា ឆ្នាំ២០២០ នៅទីស្នាក់ការនៃអាជ្ញាធរជាតិអប្សរា មានជំនួបពិភាក្សាការងាររវាងឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា និងលោក ជា ពិសិដ្ឋ នាយករងផលិតកម្មនៃអគ្គិសនីកម្ពុជា អំពីការចូលរួមរបស់អាជ្ញាធរជាតិអប្សរាក្នុងការបង្កើតវត្ថុដាក់តាំងបង្ហាញនៅក្នុងសារមន្ទីរថាមពលកកើតឡើងវិញ និងឧទ្យានជាតិសម្តេច ហ៊ុន សែន កំពត។
យោងតាមរបាយការណ៍៦ខែដំបូងនៃឆ្នាំ២០២០ ក្រុមការងារលេខាធិការដ្ឋានសហគមន៍ទាំង៥ក្រុមនៃអាជ្ញាធរជាតិអប្សរាបានបន្តការងារចុះពិនិត្យ ការជួសជុលកែលម្អលំនៅដ្ឋាននិងសាងសង់សំណង់ស្រាលតូចតាចក្នុងតំបន់រមណីយដ្ឋានបេតិកភណ្ឌពិភពលោកអង្គរចំនួន២៦៣៩គ្រួសារ ក្នុងនោះបានអនុញ្ញាតមានចំនួន១៩៥៩គ្រួសារ ។
ក្រុមការងារនៃនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ ប្រចាំច្រកទាំង៦របស់អាជ្ញាធរជាតិអប្សរា បានអនុញ្ញាត ឱ្យប្រជាពលរដ្ឋធ្វើលំនៅដ្ឋាននិងជួសជុលតិចតួចចំនួន២១ករណី ក្នុងចំណោម ពាក្យស្នើសុំទាំងអស់ចំនួន៤៩ករណី នាក្នុងអំឡុងសប្តាហ៍ទី៤ នៃខែមិថុនាឆ្នាំ ២០២០។
នៅព្រឹកថ្ងៃទី១ ខែកក្កដា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំក្រុមការងារចុះពិនិត្យ និងត្រៀមរៀបចំការងារមួយចំនួន នៅតាមប្រាសាទក្នុងតំបន់រមណីយដ្ឋានអង្គរ។ សកម្មភាពនេះ ជាយន្តការក្នុងការជំរុញឱ្យការងារទាំងឡាយប្រព្រឹត្តដោយរលូន និងមានប្រសិទ្ធភាពខ្ពស់។
អង្គការសម្ពន្ធមិត្តសត្វព្រៃនិងរដ្ឋបាលព្រៃឈើក្រុងភ្នំពេញ ក្រោមកិច្ចសហការពីអាជ្ញាធរជាតិអប្សរា បានព្រលែងទោចម្កុដមួយគូបន្ថែមទៀតឱ្យរស់នៅតាមបែបធម្មជាតិនៅក្នុងព្រៃម្តុំខ្លោងទ្វារតាកាវ នៅព្រឹកថ្ងៃទី០១ ខែកក្កដា ឆ្នាំ២០២០ ក្រោយបន្សាំក្នុងទ្រុងអស់រយៈពេលមួយឆ្នាំកន្លះ។
FirstPrev12345...326327NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
2422
Yesterday
:
23678
This Week
:
114157
This Month
:
0071363
Total
:
011533959