ព័ត៌មានថ្មីៗ

មន្ត្រីជំនាញនៃអាជ្ញាធរជាតិអប្សរាបង្ហាញលទ្ធផលនៃការវិភាគទេសចរណ៍នៅតំបន់សៀមរាប-អង្គរ ជូនរដ្ឋមន្ត្រីនៃក្រសួងទេសចរណ៍

បានផ្សាយនៅ ថ្ងៃទី 24 ខែ តុលា ឆ្នាំ2019 09:45 AM ដោយ ៖ អាជ្ញាធរជាតិអប្សរា
មន្ត្រីជំនាញផ្នែកអភិវឌ្ឍន៍ទេសចរណ៍ក្នុងតំបន់អង្គររបស់អាជ្ញាធរជាតិអប្សរា ដឹកនាំដោយឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ នាព្រឹកថ្ងៃទី២១ ខែតុលា ឆ្នាំ២០១៩កន្លងទៅនេះ បានធ្វើបទបង្ហាញជូនឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងថ្នាក់ដឹកនាំក្រសួង ស្ថាប័នពាក់ព័ន្ធជាច្រើនទៀត នៅទីស្តីការក្រសួងទេសចរណ៍។

ឯកឧត្តម សុខ សង្វារ ប្រធានក្រុមការងារបានបញ្ជាក់ជូនអង្គប្រជុំថា ការវិភាគពីស្ថានភាពទេសចរណ៍សៀមរាបអង្គរ មិនមែនធ្វើឡើងដោយមូលហេតុនៃការធ្លាក់ចុះចំនួនភ្ញៀវទេសចរណ៍នៅក្នុងខេត្តសៀមរាប ក្នុងរយៈពេលប៉ុន្មានខែចុងក្រោយនេះទេ។ ការងារនេះត្រូវបានធ្វើឡើងតាមអនុសាសន៍របស់គណៈកម្មាធិការអាយស៊ីស៊ី អង្គរ ដែលតម្រូវឲ្យក្រុមការងារធ្វើការសិក្សា វិភាគឲ្យបានគ្រប់ជ្រុងជ្រោយដើម្បីដាក់ចេញនូវផែនការមេសម្រាប់ការអភិវឌ្ឍទេសចរណ៍ដោយចីរភាពក្នុងតំបន់អង្គរ។

ឯកឧត្តមបន្ថែមថា លទ្ធផលដែលក្រុមការងារបង្ហាញជូននៅពេលនេះ កើតចេញពីការចុះប្រមូលទិន្នន័យ ប្រជុំពិភាក្សាជាមួយវិស័យឯកជនចំនួន១៦លើក ចាប់ពីថ្ងៃទី១៦ ខែកញ្ញា រហូតដល់ថ្ងៃទី១៧ ខែតុលា ឆ្នាំ២០១៩ ដែលមានទាំងសមាគមសណ្ឋាគារ ផ្ទះសំណាក់ សមាគមចុងភៅ ប្រតិបត្តិករទេសចរណ៍ មគ្គុទ្ទេសក៍ទេសចរណ៍ ភ្ញៀវទេសចរ ប្រជាពលរដ្ឋ ព្រះសង្ឃ យុវជន ការដ្ឋានអន្តរជាតិដែលកំពុងបំពេញការងារអភិរក្សក្នុងតំបន់អង្គរ។ល។ និងស្ថាប័នរដ្ឋពាក់ព័ន្ធជាច្រើនទៀត។

ក្នុងបទបង្ហាញជូនអង្គប្រជុំ លោកស្រី អ៊ុ ម៉ារ៉ាឌី អនុប្រធានទទួលបន្ទុករួមនាយកដ្ឋានអភិវឌ្ឍន៍ទេសចរណ៍អង្គរ បានបញ្ជាក់ថា កិច្ចប្រជុំពិភាក្សាទាំង១៧លើកកន្លងមក បានបែងចែកជា២ក្រុមធំៗគឺ មួយក្រុមពិភាក្សាអំពីការៀបចំលំហូរភ្ញៀវទេសចរណ៍ និងមួយក្រុមទៀតពិភាក្សាអំពីការអភិវឌ្ឍប្រកបដោយចីរភាព កាត់បន្ថយផលប៉ះពាល់លើប្រាសាទតាមរយៈការទស្សនារបស់ភ្ញៀវ។

ទន្ទឹមនឹងការបង្ហាញនូវបញ្ហាដែលទទួលបានពីការកិច្ចពិភាក្សា ក្រុមការងារក៏បានលើកឡើងនូវយុទ្ធសាស្ត្រ និងផែនការអនុវត្តសម្រាប់រយៈពេលខ្លី មធ្យម និងវែង ជូនអង្គប្រជុំ ដើម្បីផ្តល់យោបល់ន្ថែមផងដែរ។

ឯកឧត្តមបណ្ឌិត ថោង ខុន បានបង្ហាញនូវភាពរីករាយចំពោះលទ្ធផលដែលក្រុមការងារបានចុះធ្វើ និងបង្ហាញជូននៅពេលនេះ។ ឯកឧត្តមបញ្ជាក់ថា លទ្ធផលនេះគឺអាចយកទៅផ្ទៀងផ្ទាត់គ្នាជាមួយជាមួយក្រុមការងារនៃគណៈកម្មការអន្តរក្រសួង ដែលកំពុងតែរៀបចំស្រង់ទិន្នន័យ និងសរសេរផែនការអភិវឌ្ឍន៍ទេសចរណ៍សម្រាប់ខេត្តសៀមរាបទាំងមូលដែរ។ ឯកឧត្តមបានស្នើឲ្យក្រុមការងារនៃអាជ្ញាធរជាតិអប្សរា បន្តពិភាក្សាជាមួយក្រុមលេខាធិការដ្ឋាននៃគណៈកម្មការអន្តរក្រសួងបន្ថែមទៀត៕










អត្ថបទនិងរូបភាព៖ នាយកដ្ឋានអភិវឌ្ឍន៍ទេសចរណ៍អង្គរ
ក្នុងរយៈពេលជាងមួយខែនៃយុទ្ធនាការដាំ និងចែកចាយកូនឈើក្នុងរដូវវស្សាឆ្នាំ២០២០នេះ អាជ្ញាធរជាតិអប្សរា បានចែកចាយកូនឈើគ្រប់ប្រភេទដូចជា គ្រញូង ធ្នង់ បេង ច្រេស ឈើទាល គគីរ កកោះ រំដួល គុយ សិរមាន់ ផ្កាក្ងោក ផ្កាឥន្ទនេលជាដើម ជូនដល់ស្ថាប័នរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅបានចំនួនជិត៥មុឺនដើម ដើម្បីចូលរួមជាមួយរាជរដ្ឋាភិបាលក្នុងការស្តារ និងបង្កើនគម្របព្រៃឈើឲ្យប្រសើរឡើងវិញ ទាំងក្នុងតំបន់សៀមរាប អង្គរ និងតាមបណ្តាខេត្តនានា។
នៅព្រឹកថ្ងៃទី១១ ខែកក្កដា ឆ្នាំ២០២០នេះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានដឹកនាំក្រុមការងារចូលរួមដាំកូនឈើឡើងវិញនៅបញ្ជាការដ្ឋានយោធភូមិភាគទី៤។ ពិធីប្រព្រឹត្តិទៅក្រោមអធិបតីភាព ឯកឧត្តមឧត្តមសេនីយឯក ពៅ ហេង មេបញ្ជាការដ្ឋានយោធភូមិភាគទី៤ ឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប តំណាងកងឯកភាពកំចាត់មីនទី៤ ព្រមទាំងមន្រ្តី បុគ្គលិកអាជ្ញាធរជាតិអប្សរា និងពលទាហានប្រមាណជាង៤០០នាក់។ កូនឈើដែលបានដាំនៅពេលនោះសរុបចំនួន ៥០០០ដើម មាន១៨ប្រភេទ ដែលជាការឧបត្ថម្ភដោយអាជ្ញាធរជាតិអប្សរា៕
១៖ លោកជំទាវ ភឿង សកុណា ចូលរួមកិច្ចប្រជុំអន្តរក្រសួងដើម្បីពិភាក្សាលើពង្រាងផែនការមេវិស័យទេសចរណ៍ខេត្តសៀមរាប ឆ្នាំ២០២០-២០៣៥
នៅថ្ងៃទី៨ ខែកក្កដា ឆ្នាំ២០២០ នៅសណ្ឋាគាររីជិនស៊ីអង្គរ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប
ក្នុងគោលបំណងអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ទេសភាព បរិស្ថាន ខាងលិចមុខប្រាសាទអង្គរវត្តឱ្យមានភាពល្អប្រសើរ និងលើកតម្លៃអង្គរឱ្យសមជាបេតិកភណ្ឌពិភពលោក អាជ្ញាធរជាតិអប្សរា ដោយមានការចូលរួមស្ម័គ្រចិត្តពីបងប្អូនអាជីវករ សំណង់ភោជនីយដ្ឋាន អាគាររដ្ឋ និងតូបលក់ដូរមួយចំនួនត្រូវបានរុះរើ។
តាមរបាយការណ៍នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងតំបន់អង្គរនៃអាជ្ញាធរជាតិអប្សរាឱ្យដឹងថា សប្តាហ៍ទី១ ខែកក្កដា ឆ្នាំ២០២០ ក្រុមការងារនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរប្រចាំច្រកទាំង៦របស់អាជ្ញាធរជាតិអប្សរា បានទទួលពាក្យ ស្នើសុំធ្វើលំនៅដ្ឋាននិងជួសជុលតិចតួចចំនួន៦៥ ករណី ក្នុងចំណោមសំណើទាំងនោះ។
ដើមដំបូងមុន12345...329330បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
2026
ម្សិលមិញ
:
3859
សប្តាហ៍នេះ
:
02026
ខែនេះ
:
0244765
សរុប
:
011707361